US H1-B Visa : ट्रम्पच्या एच-१बी व्हिसा शुल्काबाबत नवीन मार्गदर्शक तत्त्वे जारी; या अर्जदारांना मिळणार सूट, जाणून घ्या नवे अपडेट

US H-1B Update : अमेरिकेने एच-१बी व्हिसा शुल्कात १ लाख अमेरिकन डॉलर पर्यंत वाढ केली आहे. हा नियन २१ सप्टेंबर पासून लागू झाला असून या व्हिसाचे काही नवीन मार्गदर्शक तत्त्वे जारी करण्यात आली आहे. जाणून घ्या अपडेट्स...

• एच-१बी व्हिसाचे नवीन मार्गदर्शक तत्त्वे जारी
• काही अर्जदारांना मिळणार सवलत
• जाणून घ्या नवीन अपडेट

US H1B Visa Rules : वॉशिंग्टन : अमेरिकेच्या एच-१बी व्हिसाबाबत मोठी अपडेट समोर आली आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी १९ सप्टेंबर रोजी या व्हिसाच्या शुल्कात १ लाख अमेरिकन डॉलरपर्यंत वाढ केली होती. हा नियम २१ सप्टेंबर पासून लागू झाला आहे. नुकतेच या व्हिसाबाबत नवीन मार्गदर्शक तत्त्वे जारी करण्यात आली आहे. यानुसार काही अर्जदारांना मोठी सूट मिळणार आहे.

H-1B Visa : ट्रम्प यांचा $100,000 व्हिसा शुल्क नियम आजपासून होणार लागू; भारतीयांना बसणार फटका

एच-१बी व्हिसा शुल्काबाबत नवीन मार्गदर्शक तत्त्वे

अमेरिकेच्या गृहसुरक्षा विभागाने (DHS) एच-१बी व्हिसा शुल्काबाबत नवीन मार्गदर्शक तत्त्वे जारी केली आहेत. या नव्या मार्गदर्शक तत्त्वानुसार,

• अमेरिकेत आधीपासून राहणाऱ्या परदेशी कर्मचाऱ्यांना इतर व्हिसा श्रेणीतून एच-१बी व्हिसासाठी स्विच करताना कोणतेही शुल्क भरावे लागणार नाही.
• तसेच अमेरिकेत आधीच राहणाऱ्या एच-१बी व्हिसा धारकांना त्यांचा व्हिसा कालावधी वाढवता येणार आहे, यासाठीही कोणतेही शुल्क आकारले जाणार नाही.
• हा नियम केवळ नव्या अर्जदारांसाठी असून, हा व्हिसा आधीपासून असलेल्या वैध-व्हिसाधारकांना कोणतेही निर्बंध पाळावे लागणार नाहीत.
• तसेच यासाठी ऑनलाइन पेमेंट सिस्टम देखील सुरु करण्यात आली आहे.

ट्रम्प यांच्या आदेशाविरोधात न्यायालयात खटला दाखल

याच वेळी अमेरिकेची व्यावसायिक संघटना यूएस चेंबर ऑफ कॉमर्सने देखील यावर स्पष्टीकर दिली आहे. त्यांनी म्हटले आहे की, नव्या शुल्काविरोधात ट्रम्प प्रशासनावर खटला दाखल करण्यात आला आहे. या संघटनेच्या मते, एवढे मोठे शुल्क अमेरिकन कंपन्यांसाठी अन्यायकारक आहे. यामुळे कंपन्यांचा खर्च वाढेल, तसेच परदेशी कुशल कामगारांची भरती कमी होईल. यामुळे ट्रम्प यांचा आदेश हा कायदेशीररित्या चुकीचा असल्याचे संघटनेने म्हटले आहे. संघटनेच्या मते, ट्रम्प यांच्या निर्णयाचा फायदा अमेरिकेच्या आर्थिक प्रतिस्पर्धींना होत आहे.

व्हाइट हाउसची प्रतिक्रिया

दरम्यान ट्रम्प यांच्या निर्णयानंतर व्हाइट हाउसने एक निवदेन जारी केले होते. यामध्ये स्पष्ट करण्यात आले होते की, हे शुल्क केवळ नव्या एच-१बी व्हिसा अर्जदारांसाठी लागू होणार आहे. हा निर्णय अमेरिकेतील नागरिकांसाठी रोजगाराच्या संधी उपलब्ध करण्यासाठी घेण्यात आला होता. ट्रम्प प्रशासनाच्या मते, अनेक मोठ्या आयटी कंपन्या परदेशी लोकांना अमेरिकन अधिकाऱ्यांना मिळणाऱ्या पगाराच्या तुलनेत कमी पगारावर कामावर ठेवत आहेत. यामुळे अमेरिकन नागरिकांना नोकरीच्या संधी उपलब्ध नाही. पण H-1B व्हिसा शुल्क वाढीमुळे कंपन्या परदेशी लोकांना घेणे टाळतील आणि देशातील तरुणांना संधी देतील असे युक्तीवाद आहे.

FAQs(संबंधित प्रश्न)

प्रश्न १. ट्रम्प प्रशासनाचा एच-१बी व्हिसा शुल्क वाढीचा आदेश कधीपासून लागू झाला आहे?

ट्रम्प प्रशासनाचा एच-१बी व्हिसा शुल्क वाढीचा आदेश १९ सप्टेंबर २०२५ रोजी जारी करण्यात आला होता. हा २१ सप्टेंबर २०२५ पासून लागू झाला असून आजही आमंलात आहे.

प्रश्न २. एच-१बी व्हिसा नियमांत कोणते नवे बदल करण्यात आले आहेत?

एच-१बी व्हिसा शुल्कात काही अर्जदारांना सूट देण्यात आली आहे.

प्रश्न ३. ट्रम्प यांनी एच-१बी व्हिसा शुल्कात का वाढ केली?

ट्रम्प यांच्या एच-१बी व्हिसा शुल्कात वाढ करण्यामागे देशात नवीन रोजगाराच्या संधी उपलब्ध करणे आणि या व्हिसाचा गैरवापर रोखणे असा हेतू आहे.

‘ते फक्त स्वप्नच बघू शकतात’ ; इराण अणु प्रकल्पाला नष्ट करण्याच्या ट्रम्पच्या दाव्याची खामेनेईंनी उडवली खिल्ली