थायलंड-कंबोडियानंतर आता ‘या’ देशात संघर्षाची लाट ; महिला निदर्शकांवरील गोळीबारात ९ ठार

Nigeria Soliders Firing on Women Protesters : नायजेरियात सैनिकांच्या महिला आंदोलाकंवरील गोळीबारामुळे तणावाचे वातावरण निर्माण झाले आहे. शांततापूर्ण आंदोलनावर गोळीबार केल्याने वातावरण तापले आहे.

• नायजेरियात आंदोलक महिलांवर सैन्याचा गोळीबार
• ९ महिलांचा मृत्यू, १० जखमी
• नेमकं प्रकरण काय?

Nigeria Firing News in Marathi : अबुजा : थायडंल आणि कंबोडियानंतर आता नायजेरियात (Nigeria) देखील संघर्षाची लाट उसळली आहे. नायजेरियात सुरक्षा दलांनी महिला निदर्शकांवर गोळीबार केला आहे. यामध्ये 9 महिला ठार झाल्या असून 10 जण जखमी झाल्या आहेत. यामुळ सध्या नायजेरियाच्या सुरक्षा दलांच्या कारवाईवर प्रश्न उपस्थित केले जात आहे.

Thailand Cambodia संघर्षामुळे दशलक्ष लोक घरे सोडून पळाली ; सीमेवर दोन दिवसांपासून गोळीबार सुरुच

मिळालेल्या माहितीनुसार, नायजेरियाच्या नायजेरियाच्या अदमावा  परिसरात बाचामा आणि चोबो समुदायांमध्ये दीर्घकाळापासून जमिवनीवरुन वाद सुरु आहे.  प्रशासनाने या भागात कफ्यू लागू केला आहे. मात्र सुरक्षा दलांकडून याची कोणतीही अमंलबजावणी झालेली नाही. यामुळे संघर्ष वाढत आहे. दरम्यान परिसरात सुरु असलेल्या सांप्रदायिक आणि स्थानिक संघर्षाला हातळण्याचे सैन्याचे धोरण चुकीचे असल्याचा आरोप महिलांना केला असून या विरोधात त्यांचे शांततापूर्ण आंदोलन सुरु होते.  परंतु या महिला आंदोलकांवर सैन्याने गोळीबार केला. ज्यामध्ये 9 महिलांचा मृत्यू झाला तर 10 जण जखमी झाल्या आहेत.

नेमकं काय घडलं?

प्रत्यक्षदर्शनी आणि मृतांच्या नातेवाईकांनी दिलेल्या माहितीनुसार महिलांचे मुख्य रस्त्यावर शांततापूर्ण आंदोलन सुरु होते. यावेळी महिलांना सैनिकांच्या वाहनांना रोखून धरले. याचदरम्यान एका सैनिकाने महिलांना हटवण्यासाठी आधी हवेत गोळी झाडली. यानंतर आंदोलकांवर गोळीबार सुरु केला. यामुळे महिलांनी भीतीने जीव वाचवण्यासाठी पळण्याचा प्रयत्न केला. मात्र सैनिकांनी जोरदार गोळीबार सुरुच ठेवला होता.

नायजेरियन सैन्याची प्रतिक्रिया

दरम्यान नायरेजियन सैन्याने हे संपूर्ण आरोप नाकारले असून त्यांनी कोणलाही मारले नसल्याचे म्हटले आहे. नायजेरियन सैनिकांनी यासाठी स्थानिक मिलिशिया गटाला जबाबदार धरले आहबे. मात्र एममनेस्टी इंटरनॅशनलने प्रत्यक्षदर्शनींच्या साक्षीवर आणि पीडीतांच्या कुटुंबाच्या साक्षींच्या आधारावर नायजेरियन सैनिकांनी गोळीबार केला असल्याचे म्हटले आहे.

यापूर्वी देखील नायजेरियात घडल्या आहेत गोळीबाराच्या घटना 

नायजेरियात संघर्षाची ही पहिलीच वेळ नाही. यापूर्वी देखील नायजेरियन आंदोलकांना बलपूर्वक हटवण्यासाठी त्यांच्यावर गोळीबाराच्या, अत्याचाराच्या घटना घडल्या आहेत. यापूर्वी २०२० मध्ये लागोसमध्ये पोलिसांच्या अत्याचाराविरोधात आंदोलन सुरु झाले होते.  यावेळी देखील सैनिकांनी आंदोलकांवर गोळीबार केला होता.  सध्या पुन्हा अशीच घटना घडल्याने नायजेरियातील लोकांचा सुरक्षा आणि पोलिसा दलांवर विश्वास कीम होत चालला आहे.

Global Alert : नायजेरियातील कॅथोलिक शाळेतून 200 हून अधिक विद्यार्थी आणि 12 शिक्षकांचे अपहरण; ख्रिश्चनांविरुद्ध हिंसाचार सुरूच