NSA अजित डोवालने मॉस्कोमध्ये घेतली पुतीनची भेट, रशियन राष्ट्रपतीशी ‘या’ मुद्द्यांवर चर्चा

राष्ट्रीय सुरक्षा सल्लागार अजित डोवाल यांनी मॉस्कोमध्ये रशियाचे अध्यक्ष व्लादिमीर पुतिन यांची भेट घेतली. दोन्ही देशांनी ऊर्जा, संरक्षण आणि धोरणात्मक भागीदारी मजबूत करण्यावर चर्चा केली.

• मॉस्को येथे अजित डोवाल यांनी घेतली पुतिनची भेट
• या भेटीत नक्की कोणत्या विषयांवर चर्चा झाली?
• भारत-अमेरिकेच्या सध्याच्या पार्श्वभूमीवर महत्त्वाची भेट

भारताचे राष्ट्रीय सुरक्षा सल्लागार (NSA) अजित डोवाल यांनी गुरुवारी (७ ऑगस्ट २०२५) मॉस्को येथे रशियाचे अध्यक्ष व्लादिमीर पुतिन यांची भेट घेतली. भारत आणि रशियामधील ऊर्जा आणि संरक्षण सहकार्य मजबूत करण्याच्या उद्देशाने ही बैठक झाली. डोवाल बुधवारी मॉस्कोमध्ये आले आणि त्यांनी आधीच सूचित केले होते की पुतिन वर्षाच्या अखेरीस भारताला भेट देऊ शकतात. सध्या भारत आणि अमेरिकेमध्ये तणावाचे वातावरण असून त्याचा मूळ मुद्दा हा रशियाच आहे. त्यामुळे या पार्श्वभूमीवर ही भेट अत्यंत महत्त्वाची मानली जात आहे. 

ट्रम्प यांनी सरसकट जगभरात ट्रम्प टॅरीफने हाहाःकार माजवला आहे आणि त्याला अनेक देशांचा विरोधही आहे. यामध्ये भारतानेही अमेरिकेला सडेतोड उत्तर दिले आहे. त्यामुळे आता अजित डोवाल यांची ही भेट अत्यंत महत्त्वपूर्ण आहे.

रशियन सुरक्षा परिषदेच्या सचिवांशीही महत्त्वाच्या चर्चा झाल्या

त्यापूर्वी, डोवाल यांनी रशियन सुरक्षा परिषदेचे सचिव सर्गेई शोइगु यांचीही भेट घेतली. शोइगु म्हणाले की भारत आणि रशियामध्ये “मजबूत आणि काळाची कसोटी लागलेले” मैत्रीपूर्ण संबंध आहेत. त्यांनी सांगितले की दोन्ही देशांसाठी राष्ट्रपती पुतिन आणि पंतप्रधान नरेंद्र मोदी यांच्यात नवीन उच्चस्तरीय चर्चा आयोजित करणे महत्वाचे आहे.

भारत रशियातून तेलाची आयात खरंच बंद करणार का? ट्रम्प यांच्या ५० टक्के टॅरिफ घोषणेचा किती परिणाम?

भारत-रशिया धोरणात्मक भागीदारीवर भर

शोइगु म्हणाले की मॉस्कोसाठी सर्वात महत्त्वाची गोष्ट म्हणजे भारतासोबतची विशेष आणि विशेषाधिकारप्राप्त धोरणात्मक भागीदारी प्रत्येक प्रकारे मजबूत करणे. ही भागीदारी परस्पर आदर, विश्वास, एकमेकांच्या हितासाठी समान चिंता आणि समान अजेंडा वाढवण्याच्या इच्छेवर आधारित आहे.

अमेरिकेला एक कडक संदेश 

अजित डोवाल यांचा रशिया दौरा अशा वेळी होत आहे जेव्हा भारत आणि अमेरिकेतील संबंध तणावपूर्ण आहेत. अमेरिकेचे अध्यक्ष डोनाल्ड ट्रम्प यांनी भारतावर ५० टक्के कर लादला आहे. रशियाकडून तेल खरेदी करण्यासाठी ट्रम्प यांनी भारतावर अतिरिक्त कर लादला आहे. अशा परिस्थितीत, रशिया आणि भारताकडून डोवाल यांच्या भेटीला प्रतिसाद म्हणून अमेरिकेला एक कडक संदेश पाठवला जाऊ शकतो.

वाद रशियन तेलाच्या खरेदीचा

चीननंतर भारत हा जगातील दुसऱ्या क्रमांकाचा रशियन तेल खरेदीदार देश आहे. डोनाल्ड ट्रम्प यांच्या धमक्या भारताने पूर्णपणे फेटाळून लावल्या आहेत, त्यांना अयोग्य म्हटले आहे. भारतीय परराष्ट्र मंत्रालयाने म्हटले आहे की कोणत्याही मोठ्या अर्थव्यवस्थेप्रमाणे भारतही आपल्या आर्थिक सुरक्षेचे रक्षण करण्यासाठी आवश्यक ती सर्व पावले उचलेल. रशियानेही ट्रम्प यांच्या भारताविरुद्धच्या शुल्काला बेकायदेशीर म्हटले आहे. अशा परिस्थितीत, केवळ भारत, रशिया आणि अमेरिकाच नाही तर संपूर्ण जग या भेटीवर लक्ष ठेवून आहे.

पहा पुतीन आणि डोवालच्या भेटीचा व्हिडिओ

See more

🇷🇺🇮🇳 #Russia’s President Vladimir Putin received #India’s National Security Advisor Ajit Kumar Doval at the Kremlin.#RussiaIndia#DruzhbaDosti@PMOIndia @narendramodi pic.twitter.com/d9Kx3OwyoY — Russia in India 🇷🇺 (@RusEmbIndia) August 7, 2025

Trump Vs India: भारत-ट्रम्पचे टॅरिफ युद्ध! त्यातच रशिया अमेरिकेच्या जखमेवर चोळणार मीठ; नेमकं काय घडणार?