Maritime Security: ओमान किनाऱ्याजवळ पुन्हा व्यापारी जहाजावर हल्ला; एका भारतीय खलाशाचा मृत्यू, भारताचा तीव्र शब्दात निषेध

Maritime Security: परराष्ट्र मंत्रालयाने ओमानच्या किनाऱ्याजवळ एका व्यापारी जहाजावर झालेल्या हल्ल्यासंदर्भात एक निवेदन जारी केले आहे. या निवेदनात एमएसव्ही अल जुसुफीवरील हल्ल्याचा निषेध करण्यात आला असून, त्यात एका भारतीय नागरिकाचा मृत्यू झाला आहे.

• व्यापारी जहाजावर हल्ला
• भारतीय खलाशाचा मृत्यू
• भारत सरकारची गंभीर चिंता

आंतरराष्ट्रीय जलमार्गांवर आणि व्यापारी जहाजांवर (Maritime Security) होणाऱ्या हल्ल्यांचे सत्र थांबायचे नाव घेत नाहीये. नुकतीच एक अत्यंत दुर्दैवी आणि खळबळजनक घटना समोर आली आहे, ज्यामध्ये ओमानच्या किनाऱ्याजवळ एका भारतीय व्यापारी जहाजाला लक्ष्य करण्यात आले. या भीषण हल्ल्यात जहाजावर कार्यरत असलेल्या एका भारतीय खलाशाचा मृत्यू झाला असून, या घटनेमुळे संपूर्ण देशात हळहळ व्यक्त होत आहे. भारताच्या परराष्ट्र मंत्रालयाने या संपूर्ण प्रकरणाची गंभीर दखल घेत पश्चिम आशियातील बिघडत चाललेल्या परिस्थितीवर तीव्र चिंता व्यक्त केली आहे. तसेच, आंतरराष्ट्रीय स्तरावर खळबळ उडालेल्या या प्रकरणात तात्काळ तणाव कमी करण्याचे आवाहन भारताकडून करण्यात आले आहे.

नेमकी घटना काय घडली? ‘एमएसव्ही अल जुसुफी’ जहाजावर हल्ला

मिळालेल्या सविस्तर माहितीनुसार, ओमानमधील लिमाह (Limah) या किनारपट्टीजवळून भारतीय ध्वज असलेले ‘एमएसव्ही अल जुसुफी’ (MSV Al-Jusufi) हे व्यापारी जहाज जात होते. यादरम्यान, २ नोव्हेंबर रोजी संध्याकाळी अचानक एका अज्ञात हवाई वस्तूने (Aerial Object) या जहाजाला जोरदार धडक दिली. या हल्ल्यामुळे जहाजाचे मोठे नुकसान झाले आणि तिथे एकच तारांबळ उडाली. या जहाजावर एकूण १४ भारतीय खलाशी आणि कर्मचारी सवार होते. घटनेची माहिती मिळताच ओमान तटरक्षक दलाने (Oman Coast Guard) तातडीने धाव घेत बचावकार्य सुरू केले.

जागतिक घडामोडी संबंधित बातम्या वाचण्यासाठी येथे क्लिक करा : Nepal News : क्षणात होत्याचे नव्हते! नेपाळमध्ये दोन हेलिकॉप्टरची भीषण टक्कर; परदेशी नागरिकाचा मृत्यू; थरारक VIDEO VIRAL

 एका भारतीय खलाशाचा मृत्यू आणि १३ जणांचे प्राण वाचले

ओमान तटरक्षक दलाच्या वेळेच केलेल्या बचावकार्यामुळे जहाजावरील १४ पैकी १३ भारतीय कर्मचाऱ्यांना सुखरूप बाहेर काढण्यात यश आले. मात्र, या हल्ल्यात गंभीर जखमी झालेल्या एका भारतीय खलाशाचा उपचारादरम्यान दुर्दैवी मृत्यू झाला. मृत पावलेल्या खलाशाची ओळख गुजरातच्या गांधार येथील नाहिम अझीझ अशी पटवण्यात आली आहे. केंद्रीय बंदरे, जहाजबांधणी आणि जलमार्ग मंत्री सरबानंद सोनोवाल यांनी या खलाशाच्या मृत्यूला अधिकृतपणे दुजोरा दिला आहे. सध्या ओमानमधील भारतीय दूतावास स्थानिक प्रशासनाच्या संपर्कात असून, मृतदेह लवकरात लवकर भारतात आणण्यासाठी आणि वाचलेल्या खलाशांच्या सुरक्षित प्रत्यावर्तनासाठी युद्धपातळीवर प्रयत्न सुरू आहेत.

Our statement on attack on a commercial vessel off the coast of Oman ⬇️ 🔗 https://t.co/AhtSyD77kl https://t.co/ExpNZGVy9V — Randhir Jaiswal (@MEAIndia) November 3, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : US Midterms : अमेरिकन निवडणुकीत भारतीयांची विजयी हॅट्ट्रिक; पिया दांडिया, सुहास सुब्रमण्यम आणि अरुणा मिलर यांचा जलवा

पश्चिम आशियातील तणावावर भारताची कडक भूमिका

या घटनेनंतर भारताच्या परराष्ट्र मंत्रालयाने एक कठोर आणि स्पष्ट निवेदन जारी केले आहे. निवेदनात म्हटले आहे की, व्यापारी जहाजांवर वारंवार होणारे असे हल्ले अत्यंत चिंताजनक आणि निंदनीय आहेत. यामुळे केवळ सागरी सुरक्षेलाच धोका निर्माण होत नाही, तर आंतरराष्ट्रीय व्यापाराचे मार्गही धोक्यात येत आहेत. भारताने पश्चिम आशियातील चालू असलेला तणाव तात्काळ थांबवण्याचे आणि सर्व प्रश्न राजनैतिक वाटाघाटींच्या माध्यमातून सोडवण्याचे आवाहन केले आहे.

तसेच, आंतरराष्ट्रीय जलमार्गांवर नौकानयन (Navigation) आणि मुक्त व्यापाराचे स्वातंत्र्य पुन्हा एकदा पुनर्संचयित करणे काळाची गरज असल्याचे भारताने स्पष्ट शब्दांत अधोरेखित केले आहे. भारत सरकारच्या परराष्ट्र मंत्रालयाचे अधिकारी ओमानमधील अधिकाऱ्यांच्या सातत्याने संपर्कात असून संपूर्ण परिस्थितीवर बारीक नजर ठेवून आहेत.