Kalpakkam PFBR : भारताचे अणु-तांडव पाहून पाकिस्तानचा थरकाप!’दरवर्षी 300 बॉम्ब अन् 8000 किमी पल्ला’, झहीर काझमींचा ‘असा’ भयावह दावा

IndiaNuclearPower: झहीर काझमी म्हणाले की, भारताच्या नवीन पीएफबीआरमुळे शस्त्रास्त्रांसाठी वापरल्या जाणाऱ्या प्लुटोनियमच्या उत्पादनात लक्षणीय वाढ होईल, ज्यामुळे भारताला भविष्यात दरवर्षी ३०० अण्वस्त्रे तयार करणे शक्य होईल.

• पाकिस्तानचा नवा कांगावा
• अण्वस्त्र क्षमतेत प्रचंड वाढ
• युरोपला घाबरवण्याचा प्रयत्न

Zahir Kazmi Pakistan tweet on India nuclear : भारताने अणुऊर्जा क्षेत्रात मिळवलेल्या ऐतिहासिक यशाने शेजारील देश पाकिस्तानमध्ये कमालीची अस्वस्थता निर्माण केली आहे. तामिळनाडूतील कल्पक्कम येथे स्वदेशी बनावटीच्या ‘प्रोटोटाइप फास्ट ब्रीडर रिॲक्टर’ने (PFBR) यशस्वीपणे ‘क्रिटिकॅलिटी’ (Criticality) प्राप्त केली आहे. हे यश भारतासाठी ऊर्जेच्या दृष्टीने वरदान असले तरी, पाकिस्तानला मात्र यामुळे आपल्या अस्तित्वाची भीती वाटू लागली आहे. पाकिस्तानचे सामरिक योजना विभागाचे सदस्य झहीर काझमी यांनी यावर अत्यंत संतापजनक आणि भीतीदायक प्रतिक्रिया व्यक्त केली आहे.

काय आहे ‘क्रिटिकॅलिटी’ आणि पाकिस्तानचा दावा?

अणुभट्टीमध्ये जेव्हा इंधनाची साखळी अभिक्रिया स्थिर होते आणि ती कोणत्याही बाह्य मदतीशिवाय अखंड सुरू राहते, तेव्हा त्याला ‘क्रिटिकॅलिटी’ म्हणतात. झहीर काझमी यांचा आरोप आहे की, या तंत्रज्ञानामुळे भारत आता शस्त्रास्त्र दर्जाच्या प्लुटोनियमचे उत्पादन प्रचंड वेगाने करू शकेल. त्यांच्या दाव्यानुसार, भविष्यात भारत दरवर्षी ३०० हून अधिक अण्वस्त्रे तयार करण्याची क्षमता प्राप्त करेल. भारताचा हा “असुरक्षित” अणुकार्यक्रम पाकिस्तानसाठी आणि जगासाठी धोक्याची घंटा असल्याचे त्यांनी ‘एक्स’वर म्हटले आहे.

जागतिक घडामोडी संबंधित बातम्या वाचण्यासाठी येथे क्लिक करा : India Iran Trade: चीनचा पत्ता कट! इराणचे तेल 7 वर्षांनंतर येणार भारतात; असे काय घडले की ‘Jaya Tanker’ने दोन वेळा बदलली दिशा?

अग्नी क्षेपणास्त्रांचा धसका आणि युरोपला इशारा

पाकिस्तान केवळ स्वतःपुरता मर्यादित न राहता आता युरोपीय देशांनाही भारताच्या नावाने घाबरवण्याचा प्रयत्न करत आहे. काझमी यांनी भारताच्या अग्नी-५ आणि अग्नी-६ क्षेपणास्त्रांचा दाखला दिला आहे. या क्षेपणास्त्रांचा पल्ला ५,००० ते ८,००० किलोमीटरपर्यंत असल्यामुळे ती युरोपच्या केंद्रस्थानी हल्ला करण्यास सक्षम आहेत. “भारताकडे असलेला अण्वस्त्रांचा साठा आणि ही लांब पल्ल्याची क्षेपणास्त्रे जागतिक स्थिरतेला धक्का लावणार आहेत,” असा कांगावा पाकिस्तानकडून केला जात आहे. त्यांनी भारताला ‘फ्रँकेनस्टाईनचा राक्षस’ अशी उपमा देऊन जागतिक समुदायाने भारतावर निर्बंध घालावेत, असे सुचवले आहे.

See more

THREAD🧵 India’s Nuclear energy achievement The 500 MW Prototype Fast Breeder Reactor (PFBR) at Kalpakkam has attained criticality. India just achieved something monumental in global nuclear energy. → 72 years: Time since Homi Bhabha conceived the plan
→ 22 years: Time to… pic.twitter.com/FFf9akyrvB — Netram Defence Review (@NetramDefence) April 7, 2026

credit – social media and Twitter

एनएसजी सूट आणि जुन्या जखमा

पाकिस्तानच्या या नाराजीमागे २००८ मध्ये भारताला मिळालेली ‘एनएसजी सूट’ (NSG Waiver) देखील आहे. काझमी यांच्या मते, या सवलतीमुळे भारताला आपल्या नागरी आणि लष्करी अणुकार्यक्रमात सोयीस्करपणे बदल करता आले, ज्यामुळे आज भारत अण्वस्त्रांच्या शर्यतीत पाकिस्तानच्या खूप पुढे निघून गेला आहे. भारताकडे सध्या ४८० ते २,६०० अण्वस्त्रे तयार करण्यासाठी पुरेसे साहित्य असल्याचा दावाही पाकिस्तानने केला आहे.

See more

A New Chapter in India’s Nuclear Journey ▶️India has marked a major milestone in its nuclear energy programme. The indigenously designed and built Prototype Fast Breeder Reactor (PFBR) at Kalpakkam in Tamil Nadu successfully attained its first criticality on 6th April 2026,… pic.twitter.com/Snc8DiJDKV — PIB India (@PIB_India) April 7, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : War Update: सीझफायर केवळ नाटक? करारनंतर अवघ्या काही तासांतच इराणच्या Lavan Islandवर भीषण हल्ला अन् तेलाचा भडका; पाहा VIDEO

 भारताची वाढती ताकद

वास्तविक पाहता, भारताचा अणुकार्यक्रम हा शांततेच्या हेतूने आणि ऊर्जा स्वावलंबनासाठी आहे. मात्र, पाकिस्तानला नेहमीच भारताच्या प्रगतीमध्ये स्वतःचा विनाश दिसतो. कल्पक्कममधील यश हे भारताला ‘थ्री-स्टेज’ अणुकार्यक्रमाच्या दुसऱ्या टप्प्यात घेऊन गेले आहे, जे भविष्यात भारताला विजेच्या बाबतीत स्वयंपूर्ण करेल. पाकिस्तानचा हा आरडाओरडा केवळ जागतिक लक्ष वेधून घेण्यासाठी आणि भारताची प्रतिमा मलीन करण्यासाठी असल्याचे संरक्षण तज्ज्ञांचे मत आहे.