पाकिस्तानमध्ये अराजकता! PoK मध्ये सरकारविरोधी पोलिस अधिकारी उतरले रस्त्यावर, कारण काय?

पाकिस्तानच्या पाकव्याप्त काश्मीरमध्ये पोलिस कर्मचारी आणि अधिकाऱ्यांनी सरकारविरोधात बंड पुकारला आहे. लोक सरकारविरोधा रस्त्यावर उतरले असून काश्मीर लोकांसोबतच्या भेदभावपूर्ण वर्तनावर संप सुरु आहे.

इस्लामाबाद : पाकिस्तानमध्ये सध्या मोठ्या गोंधळ उडाला आहे. पाकिस्तानच्या काश्मीरमध्ये सैनिकांनी सरकारविरोधात बंड पुकारला आहे. 80 हजार सैनिक सरकारविरोधात रस्त्यावर उतरले आहेत. पीओकेची राजधानी मुझफ्रबादमध्ये शेकडो पोलिस कर्मचारी सरकारविरोधी बॅनर घेऊन रस्त्यावर उतरले आहेत. सरकारविरोधात अनिश्चित काळासाठी संप पुकारण्यात आला आहे.  मंगळवारी (22 जुलै) सैनिकांशी चर्चा करुन उच्चस्तरीय बैठक घेण्यात आली. परंतु या बैठकीत कोणताही सकारात्मक निकाल लागाला नाही.

पीओकेमधील कर्मचाऱ्यांनी सरकारला मागण्या पूर्ण होईपर्यंत निदर्शनांची धमकी दिली आहे. २१ जुलैपासून हा संप सुरु करण्यात आला आहे. यामुळे पीओकेच्या सरकारची चिंता वाढत चालली आहे. मात्र हे सैनिक नेमके कोणत्या कारणावरुन बंड पुकारत आहेत?

जागतिक घडामोडी संबंधित बातम्या- भारत-चीन संबंधामध्ये सकारात्मक पाऊल; करोनानंतर पहिल्यांदाच चीनी नागरिकांसाठी व्हिसा मंजूर

• पीओकेच्या सैनिकांनी आर्थिक शोषण आणि पाकिस्तान सरकारच्या दुर्लक्षपणामुळे हा संप पुकारला आहे.
• पीओके काश्मीरमधील सरकार काश्मीरी लोकांबद्दल भेदभाव करत असल्याचे पोलिस कर्मचारी आणि जवानांनी म्हटले आहे.
• याअंतर्गत 10 कलमी मागण्यांची यादी देखील सादर करण्यात आली आहे.
• सैनिकांच्या म्हण्यानुसार, गेल्या 60 वर्षांपासून त्यांच्या पगारात आणि पेंन्शनमध्ये वाढ झालेली नाही.
• पाकिस्तान सरकार २००८ नुसार महागाई भत्ता देत आहे. या कारणास्तव सरकारविरोधी अनिश्चित काळासाठी सैनिकांनी बंड पुकारला आहे.
• तसेच सैनिकांच्या कुटुंबियांना पाकिस्तान आणि पीओकेच्या प्रमुख रुग्णालयांमध्ये सैन्यासारख्या सुविधांची मागणी केली जात आहे. सैनिकांनी सांगितले की, सरकार सैन्यासारखे त्यांच्याकडून काम करुन घेत आहेत, परंतु त्याप्रकारच्या सोयीसुविधा देत नाहीत. अगदी गणवेश खरेदीसाठी देखील सैनिकांना पैसे दिले जात नाहीत.

बैठकीत कोणताही तोडगा निघाला नाही

पीओके प्रातांचे आयजी अब्दुल जब्बार यांनी आंदोलन करणाऱ्यांना इशारा दिला आहे. त्यांचे आंदोलन शिस्तीचे उल्लंघन करत असल्याचे आणि त्यांना कमकुवत करत असल्याचे जब्बार यांनी म्हटले आहे. मंगळवारी पोलिस संघटनांची बैठक देखील घेण्यात आली. मात्र या बैठकीत सैनिकांच्या मागण्यांवर कोणताही तोडगा काढण्यात आला नाही. याउलट निर्शक पोलिसांना संप थांबवण्यास सांगितले.

निदर्शनांमध्ये वाढ

सध्या या निदर्शनांनी तीव्र वळण घेतले आहे. पोलिस कर्मचारी, आणि महसूल विभागाच्या कर्मचाऱ्यांमध्ये रोष वाढत आहे. दरम्यान ३ जुलैपासून पूर्ण संपावर जाण्याचाही इशारा सरकारला देण्यात आला आहे.

जागतिक घडामोडी संबंधित बातम्या- मोदींची वरात लंडनच्या घरात! पंतप्रधान दौऱ्यावर असताना व्यापाराबाबत आली ‘गुडन्यूज’