Pak Former PM Imran Khan
मिळालेल्या माहितीनुसार, पाकिस्तानचे लष्कर प्रमुख असीम मुनीर यांच्या नेतृत्त्वाखाली एक गुप्त आपत्कालीन बैठक बोलवण्यात आली आहे. याचा उद्देश इम्रान खान यांच्या पक्षाकडून आणि समर्थकांकडून होण्याऱ्या आंदोलनांना रोखणे आहे. गेले काही दिवस रावळपिंडीतील अदियाला तुरुंगाबाहेर मोठा गोंधळ सुरु आहे. खान यांच्या मृत्यूच्या अफवांवरुन त्यांच्या बहिणी आणि पीटीआय पक्षाने मोर्चा काढला आहे. शिवाय त्यांच्या बहिणींना खान यांना भेटण्यासही नका देण्यात आला आहे. यामुळे निदर्शने वाढत असून प्रचंड गोंधळ निर्माण होत आहे.
सूत्रांनी दिलेल्या माहितीनुसार, असीम मुनीर यांच्या नेतृत्वाखाली घेण्यात आलेल्या बैठकीत, निदर्शनांदरम्यान घडणाऱ्या हिंचासारासाठी त्याच्या आजोयकांना जबाबदार धरले जाईल असे सांगण्यात आले आहे. तसेच आंदोलनातील प्रमुख व्यक्तींवर जीवे मारण्याचे धमक्यांचे आणि सरकारवर विनाकारण दबाव आणण्याचे आरोप करण्यात आले आहे. सध्या वाढत असलेल्या निदर्शनांना रोखण्यासाठी उपायोजनांवर देखील चर्चा करण्यात आली आहे.
रावळपिंडीतील अदियाला तुरुंगाने इम्रान खान यांच्या मृत्यूच्या अफवांना फेटाळले असून त्यांची प्रकृती देखील चांगली असल्याचे म्हटले आहे. खान यांच्याबाबत पसरवण्यात आलेल्या निधनाच्या आणि प्रकृती खराब झाल्याच्या सर्व बातम्या खोट्या असल्याचे तुरुंग प्रशासनाने म्हटले आहे. तसेच त्यांना आवश्यक त्या सुविधा दिल्या जात असल्याचे स्पष्ट केले आहे.
सरकारची प्रतिक्रिया
सरकारने देखील यावर स्पष्टीकरण देत इम्रान खान यांना तुरुंगात पंचतारांकित हॉटेलच्या मेन्यूपेक्षाही चांगले जेवण आणि इतर सोऊई सुविधा दिल्या जात असल्याचे म्हटले आहे. संरक्षण मंत्री आसिफ ख्वाजा यांनी खान यांना तुरुंगात डबल बेड, मखमली गादी आणि अनेक चांगल्या सुविधा देण्यात आली असल्याची उपहासात्मक टिप्पणी केली आहे.
.png "Videos"){kind=small}
