Pakistan Shutdown : रात्री आठनंतर पाकिस्तानची बत्तीगुल! खायचे हाल अन् इंधन दर वाढ; इराण युद्धाचा जबरदस्त फटका

Pakistan Energy Crisis : कंगाल पाकिस्तान हाल आणखी बेहाल झाले आहे. मध्यपूर्वेतील संघर्षाची झळ पाकिस्तानपर्यंत पोहोचली आहे. देशात मोठे इंधन आणि उर्जा संकट निर्माण झाले आहे. यामुळे जनतेचे प्रचडं हाल होत आहे.

• पाकिस्तानमध्ये मोठे इंधन अन् उर्जा संकट
• देशात आठनंतर सर्वकाही ठप्प
• लोकांमध्ये भीतीचे वातावरण

Pakistan News in marathu : इस्लामाबाद : भारताचा शेजारी आणि शत्रू देश पाकिस्तान (Pakistan) डबघाईला आला आहे. मध्यपूर्वेतील अमेरिका इराण युद्धामुळे पाकिस्तानमध्ये मोठे इंधन आणि उर्जा संकट निर्माण झाले आहे. याच पार्श्वभूमीवर पाकिस्तानचे पंतप्रधान शाहबाज शरीफ (Shehbaz Sharif) यांच्या नेतृत्त्वाखाली उच्चस्तरिय बैठक घेण्यात आली होती. या बैठकीनवंतर देशभरात अत्यंत कठोर निर्बंध लागू करण्याचा निर्णय घेण्यात आला आहे. सराकारने संपूर्ण देशासाठी वीज टंचाईमुळे नवी नियमावली जाहीर केली आहे.

Donald Trump यांची पुन्हा तीच तुतारी; भारत-पाकिस्तान तणावात ‘तारणहार’ असल्याचा पुनरुच्चार

रात्री ८ नंतर सर्व काही ठप्प

• बाजापेठा बंद : सरकारच्या नव्या आदेशानुसार,पंजाब, खैबर पख्तूनख्वा, बलुचिस्तान, इस्लामाबाद, गिलगिट-बाल्टिस्तान आणि पाकव्याप्त काश्मीर (PoK) यांसारख्या विविध प्रदेशांमधील बाजारपेठा, मॉल्स आणि दुकाने रात्री ८ नंतर बंद करण्याचे आदेश देण्यात आळे आहे.
• हॉटेल्स आणि रेस्टारंट, खानावळी, बेकरी रात्री १० पर्यंतच खुले राहणार आहेत.
• याशिवाय वाढत्या वीज टंचाई आणि खर्चामुळे लग्नसमारंभांवरही बंदी घालण्यात आली आहे.
• खैबर पख्तूनख्वामधील काही भागांनमध्ये रात्री ९ पर्यंतच बाजारपेठा खुले ठेवण्याचे आदेश देण्यात आले आहे.

इंधन दर गगनाला भिडले

पाकिस्तानची जनता महागाई आणि आर्थिक ताणांचा सामना करत आहे. परंतु पेट्रोल आणि डिझेलच्या किमतींमध्ये प्रचंड वाढ झाली आहे. यामुळे जनतेचे कंबरडे मोडले आहे. सरकारने इंधन दरांमध्ये प्रचंड वाढ जाहीर केली आहे. पेट्रोलचे दर सुमारे ४३ टक्क्यांनी वाढले आहेत, तर हाय-स्पीड डिझेलच्या दरा तब्बल ५५ टक्क्यांपर्यंत वाढ झाली आहे. पाकिस्तानमध्ये सध्या पेट्रोल ४५८.४१ पाकिस्तानी रुपये प्रति लीटवर आहे, तर डिझेल ५२०.३५ रुपये प्रति लिटर झाले आहे.

लोकांच्या दैनंदिन जीवनावर परिणाम 

याशिवाय नैसर्गिक वायूच्या तुटवड्यामुळे पेशावर आणि खैबर पख्तुनख्वामधील सीएनजी स्टेशन्स बंद झाले आहे. यामुळे स्कूल व्हॅन आणि सार्वजनिक वाहतूक ठप्प झाली आहे.  घरगुती गॅस आणि विजेच्या पुरवठ्यात कपातीमुळे लोकांना प्रचंड त्रास सहन करावा लागत आहे. तसेच मालवाहतुकीवरही परिणाम झाला असून पेट्रोल १६० प्रति लीटर लेव्ही आकारण्यात येत आहे. यामुळे सध्या पाकिस्तानी लोकांचे दैनंदिन जीवनही विस्कळीत झाले आहेत. आधीच कंगाल असलेल्या पाकिस्तानचे आणखी कंबरडे मोडले आहे.

इराण युद्धाचा फटका

पाकिस्तान आपली बहुतांश इंधन गरज आयातीद्वारे पूर्ण करतो. परंतु मध्यपूर्वेतील युद्धामुळे तेलाचे जहाज होर्मुझमध्ये अडकून पडले असून देशात मोठा तुटवडा निर्माण झाला आहे. पाकिस्तानला दरमहिन्याला १२ एलएनजी जहाजे मिळत होती, मात्र युद्धामुळे आता केवळ १-२ जहाजेच पाकिस्तानमध्ये पोहचत आहे. शिवाय आधीच कर्जबाजारी असलेल्या पाकिस्तानने अनुदाने बंदी केली असल्याचे महागाई वाढून आर्थिक बोझाही वाढला आहे.

US Iran War : ट्रम्प यांची धमकी अन् इराणचा पलटवार; कुवैत, सौदीमध्ये भीषण हल्ले, १५ अमेरिकन सैनिक जखमी