दुबईत पादचाऱ्यांवर ठोठवण्यात आला हजारोंचा दंड; नेमके कारण काय?

दुबई हे शहर वाहतुकीचे कडक नियम आणि कायदे पाळण्यासाठी ओळखले जाते. या नियमांचे उल्लंघन करणाऱ्यांवर कठोर कारवाई करण्यात येते. दुबई पोलिसांनी पादचाऱ्यांना मोठ्या प्रमाणात दंड ठोठावला आहे.

दुबई: दुबई हे संयुक्त अरब अमिराती (UAE) चे एक प्रमुख शहर आहे, जे ग्लॅमर, लक्झरी शॉपिंग आणि नाइटलाइफसाठी प्रसिद्ध आहे. जगातील सर्वात उंच इमारत, आणि पाम जुमेराह, मानवनिर्मित बेट आणि कठोर कायद्यांसाठी प्रसिद्ध आहे. तसेच दुबई हे शहर जगातील सर्वाधिक शिस्तबद्ध शहरांपैकी एक आहे. या ठिकाणी काहीही करण्याची जेवढी सूट आहे तेवढेच अनेक निर्बंध देखील आहे. हे शहर वाहतुकीचे कडक नियम आणि कायदे पाळण्यासाठी ओळखले जाते. या नियमांचे उल्लंघन करणाऱ्यांवर कठोर कारवाई करण्यात येते.

दुबईत वाहतुकीचे नियम अतिशय कडक आहेत. केवळ वाहनांसाठीच नाही तर पादचाऱ्यांसाठीही येथे कडक नियम आहेत. रस्ता ओलांडताना वाहतूक नियमांचे उल्लंघन केल्यामुळे दुबई पोलिसांनी 37 जणांना दंड ठोठावला. या लोकांना 400 UAE दिरहम (अंदाजे 9000 भारतीय रुपये) दंड ठोठावण्यात आला. मिळालेल्या माहितीनुसार, दुबई पोलिसांनी पादचाऱ्यांना जे-वॉकिंगसारख्या चुकीच्या पद्धतीने रस्ता ओलांडल्याबद्दल मोठ्या प्रमाणात दंड ठोठावला आहे.

जे-वॉकिंग म्हणजे काय

दुबईमध्ये “जे-वॉकिंग” म्हणजेच परवानगीशिवाय रस्ता ओलांडणे हा गंभीर गुन्हा मानला जातो. जेव्हा एखादी व्यक्ती ट्रॅफिक सिग्नल किंवा झेब्रा क्रॉसिंगकडे दुर्लक्ष करून रस्ता ओलांडते तेव्हा त्याला जे-वॉकिंग म्हणतात. दुबई पोलिसांचे म्हणणे आहे की जे-वॉकिंगमुळे अनेक अपघात होतात ज्यात लोक जखमी होतात किंवा मृत्यूमुखी पडतात. मीडिया रिपोर्टनुसार, गेल्या वर्षी जे-वॉकिंगमुळे 8 लोकांचा मृत्यू झाला होता, तर 339 जण जखमी झाले होते.

हे देखील वाचा- इस्रायलला हिजबुल्लाच्या बंकरमध्ये सापडला ‘गुप्त’ खजिना; इस्त्रायलचा मोठा दावा

2023 मध्ये, 44,000 हून अधिक लोकांना दंड 

2023 मध्ये, 44,000 हून अधिक लोकांना जे-वॉकिंगसाठी दंड ठोठावण्यात आला होता. रस्ता ओलांडताना वाहतुकीचे नियम पाळणे महत्त्वाचे आहे, असा इशारा दुबई पोलिसांनी वारंवार दिला आहे. दुबई पोलिस अधिकाऱ्यांनी तेथील लोकांना रस्त्यावर वाहने नसताना क्रॉसिंग आणि क्रॉस करण्याची योग्य पद्धत अवलंबण्याचे आवाहन केले आहे. दुबईच्या वाहतूक कायद्यानुसार, जे-वॉकिंग केल्यास 400 UAE दिरहमचा दंड होऊ शकतो.

तुरुंगवासाची देखील शिक्षा होऊ शकते

अशा प्रकारच्या उल्लंघनात पादचाऱ्यांना लाल दिवा असताना किंवा निघावयाच्या ठिकाणांऐवजी इतर ठिकाणी रस्ता ओलांडल्यास दंड ठोठावला जातो. या कठोर कारवाईचे उद्दिष्ट भविष्यातील अपघात टाळणे आणि पादचाऱ्यांना सुरक्षित वाहतूक शिस्त पाळण्यासाठी प्रवृत्त करणे आहे. दुबईमधील या नियमांचे उल्लंघन केल्यास पादचाऱ्यांना मोठा दंड तर मिळतोच, परंतु काहीवेळा त्यांना तुरुंगवासाची देखील शिक्षा होऊ शकते. यामुळे दुबईमध्ये रस्ता ओलांडताना नियमांचे काटेकोर पालन करणे आवश्यक ठरते, कारण येथील वाहतूक नियमांचे उल्लंघन गंभीर परिणामांसाठी कारणीभूत ठरू शकते.

हे देखील वाचा- Israel-Hamas War: गाझामधील रेफ्यूजी कॅंपवर इस्रायलचा पुन्हा एकदा मोठा हल्ला; 33 पॅलेस्टिनी नागरिक ठार