फोटो सौजन्य: सोशल मीडिया
जेरूसेलम: सध्या इस्त्रायल-हमास यांच्यात तीव्र युद्ध सुरू आहे. तर दुसरीकडे इस्त्रायलला हिजहुल्लाहचा लपलेला खजिना सापडल्याची माहिती समोर आली आहे. इस्त्रायलने दावा केला आहे की, त्यांना बेरुतच्या रुग्णालत इमारतीच्या खाली हिजबुल्लाहच्या लपविलेल्या खजिना सापडला आहे. इस्रायली डिफेन्स फोर्सेस (आयडीएफ) ने याची माहिती दिली. त्यांनी दिलेल्या माहितीनुसार, या बंकरमध्ये लाखो डॉलर्स आणि मोठ्या प्रमाणात सोने सापडले आहे.
बंकरमध्ये किमान अर्धा अब्ज डॉलर्स आणि सोने सापडले
हा खुलासा इस्रायली हवाई दलाने रविवारी रात्री केला, आणि हा खजिना हिजबुल्लाहच्या आर्थिक संसाधनांवर लक्ष केंद्रित करणाऱ्या ऑपरेशनचा एक भाग आहे. आयडीएफचे प्रवक्ते रिअर ॲडमिरल डॅनियल हगारी यांनी मीडियाला सांगितले की, ‘या बंकरमध्ये किमान अर्धा अब्ज डॉलर्स आणि सोने आहे, जे हिजबुल्लाहच्या पुनर्बांधणीसाठी वापरले जात आहे.’ हा बंकर अल-साहेल हॉस्पिटलच्या खाली स्थित आहे, तरीही इस्रायली हवाई दलाने या ठिकाणी हल्ला केलेला नाही.
“Tonight, I am going to declassify intelligence on a site that we did not strike—where Hezbollah has millions of dollars in gold and cash—in Hassan Nasrallah’s bunker. Where is the bunker located? Directly under Al-Sahel Hospital in the heart of Beirut.” Listen to IDF Spox.… pic.twitter.com/SjMZQpKqoJ — Israel Defense Forces (@IDF) October 21, 2024
हिजबुल्लाहच्या पुनर्बांधणी सुरू आहे
हगारी यांनी यावर्षी हिजबुल्लाहच्या आर्थिक कंपन्यांवर लक्ष ठेवणाऱ्या हवाई हल्ल्यांचा संदर्भ दिला, ज्यामध्ये 30 हिट्सचा समावेश असल्याचे त्यांनी सांगितले.त्यांनी म्हटले आहे की, विशेषतः अल-कर्द अल-हसन कंपनीवर हे हल्ले करण्यात आले आहेत. या कंपनीला अधिकृतपणे धर्मादाय म्हणून नोंदणीकृत करण्यात आले आहे, परंतु इस्रायली आणि अमेरिकन अधिकाऱ्यांचा असा दावा आहे की, हिजबुल्लाहच्या आर्थिक नेटवर्कमध्ये ही महत्त्वाची भूमिका निभावते. यामुळे हिजबुल्लाहला त्यांची लष्करी सेना पुन्हा उभी करण्यास मदत मिळते.
लेबनॉन आणि इराण हिजबुल्लाच्या उत्पन्नाचे मुख्य स्त्रोत
लेबनॉन आणि इराणमधील हिजबुल्लाच्या उत्पन्नाचे मुख्य स्त्रोत असल्याचे हगारीने स्पष्ट केले. हिजबुल्लाच्या आर्थिक यंत्रणेमध्ये सीरियातून रोख हस्तांतरण आणि इराणमार्गे सोन्याची तस्करी यांचा समावेश आहे. या हल्ल्यांद्वारे इस्रायली सरकारने हिजबुल्लाच्या आर्थिक क्षमता कमी करण्याचा प्रयत्न सुरू ठेवला आहे, ज्यामुळे गटाच्या दहशतवादी कारवायांचे समर्थन करणे कठीण होईल.
