Modi Putin Meet: राजनैतिक चौकटीपलीकडील संवाद! PM मोदींनी प्रोटोकॉल तोडून केले मित्राचे स्वागत; ‘Limousine Diplomacy’ पुन्हा चर्चेत

Modi Putin Meet : रशियाचे अध्यक्ष पुतिन यांच्या भारत भेटीदरम्यान, पंतप्रधान मोदींनी प्रोटोकॉल तोडून त्यांचे वैयक्तिकरित्या स्वागत केले. या असाधारण उबदारपणाने जगाचे लक्ष वेधून घेतले.

1. पंतप्रधान नरेंद्र मोदी यांनी प्रोटोकॉल तोडून पालम विमानतळावर अध्यक्ष व्लादिमीर पुतिन यांचे वैयक्तिक स्वागत करून भारत-रशिया मैत्रीचा ठाम संदेश दिला.

                    2. न्यू यॉर्क टाईम्स, अल जझीरा, DW, TASS आणि खलीज टाईम्ससह आंतरराष्ट्रीय माध्यमांनी या घटनेला मोठे महत्त्व दिले.

                    3. पाश्चात्त्य दबाव असूनही भारताने स्वतंत्र परराष्ट्र धोरण अधोरेखित केले, असे तज्ज्ञांनी म्हटले आहे.

Modi Putin Meet : रशियाचे राष्ट्राध्यक्ष व्लादिमीर पुतिन (Vladimir Putin) भारताच्या अधिकृत दौऱ्यावर आले असताना नवी दिल्लीच्या पालम विमानतळावर एक अत्यंत अनपेक्षित आणि ऐतिहासिक दृश्य पाहायला मिळाले. पंतप्रधान नरेंद्र मोदी (PM Narendra Modi) स्वतः विमानतळावर पोहोचून पुतिन यांचे स्वागत करण्यासाठी उपस्थित होते. सामान्यतः अशा प्रसंगी परराष्ट्र मंत्री किंवा उच्चपदस्थ अधिकारी परदेशी नेत्यांचे स्वागत करतात, मात्र पंतप्रधान स्वयं उपस्थित राहणे हे राजनैतिक प्रोटोकॉलला छेद देणारे होते. ही केवळ औपचारिकता नव्हती, तर भारत-रशिया) मैत्रीची (India-Russia friendship) ताकद, परस्पर विश्वास आणि विशेष संबंधांचे प्रतिक म्हणून पाहिले गेले. मोदी आणि पुतिन यांच्यातील उबदार हस्तांदोलन आणि मिठीने जगभरातील माध्यमांचे लक्ष वेधून घेतले.

या क्षणानंतर दोन्ही नेते एकाच अधिकृत वाहनातून थेट पंतप्रधानांच्या निवासस्थानी रवाना झाले, जिथे अनौपचारिक चर्चा झाली. रशियन वृत्तसंस्था TASS च्या माहितीनुसार, ही चर्चा दौऱ्यातील सर्वात महत्त्वाची घटना मानली जात आहे, कारण अशा अनौपचारिक भेटींमध्येच मोठ्या आणि संवेदनशील विषयांवर चर्चा होते. युरी उशाकोव्ह, पुतिन यांचे वरिष्ठ सहाय्यक, यांनीही या चर्चेला मोठे महत्त्व असल्याचे स्पष्ट केले. या बैठकीत संरक्षण सहकार्य, ऊर्जा व्यवहार, लष्करी उपकरणे, व्यापार, आणि राजकीय सहकार्य यावर चर्चा झाल्याचे मानले जाते.

जागतिक घडामोडी संबंधित बातम्या वाचण्यासाठी येथे क्लिक करा : world soil day 2025 : रासायनिक प्रदूषणामुळे नष्ट होत असलेली माती मानवासाठी धोक्याची घंटा; वाचा कसे ते…

न्यू यॉर्क टाईम्सने या भेटीस “वैयक्तिक नात्यांचे प्रतीक” असे संबोधले असून, मोदींनी विमानतळावर जाऊन केलेले स्वागत हे दोन्ही नेत्यांतील विशेष नात्याचे दर्शन घडवणारे असल्याचे म्हटले आहे. त्यांनी ‘लिमोझिन डिप्लोमसी’चा देखील उल्लेख करत, यापूर्वी चीनच्या तिआनजिन येथे पुतिन यांनी मोदींना आपल्या अधिकृत वाहनात बसवून फेरफटका मारून दिल्याचाही संदर्भ दिला. या दोन्ही घटना दोन्ही देशांतील स्नेहाचे द्योतक असल्याचे आंतरराष्ट्रीय विश्लेषकांचे मत आहे.

See more

Welcome to India 🇮🇳🇷🇺 Prime Minister Narendra Modi broke protocol and went to the airport to receive President Putin. This shows how strong and solid the friendship between India and Russia is, the world should also take notice, especially the West and the US.#PutinInIndia pic.twitter.com/jz709NwzNS — Global perspective (@Global__persp1) December 4, 2025

credit : social media and Twitter 

अल जझीराने आपल्या वृत्तात म्हटले आहे की, पाश्चात्य देशांकडून प्रचंड दबाव असूनही भारताने रशियाशी असलेले संबंध कायम ठेवले आहेत आणि मोदींनी पुतिनांचे दिलेले स्वागत हा एक स्पष्ट राजनैतिक संदेश आहे. यामधून असे दिसते की रशिया जागतिक स्तरावर एकाकी पडलेला नाही, तर अजूनही अनेक मोठे देश त्याच्यासोबत संबंध ठेवतात. डीडब्ल्यूनेही या भेटीचे वार्तांकन करताना दोन्ही नेत्यांतील मैत्री अधोरेखित केली असून, पुतिन यांनी मोदी यांना “माझा मित्र” असे संबोधल्याचे नमूद केले आहे.

See more

🚨 BREAKING: PM Modi receives President Putin at Palam Airport. 🇮🇳🇷🇺 Breaks protocol to welcome the Russian President. Putin has landed in India after almost four years. pic.twitter.com/7lokwL8x71 — Beats in Brief 🗞️ (@beatsinbrief) December 4, 2025

credit : social media and Twitter 

युएईस्थित खलीज टाईम्सने आपल्या अहवालात अमेरिकेच्या दबावाचा उल्लेख केला असून, रशियाकडून तेल आयात रोखण्यासाठी भारतावर दबाव होता, तरीही मोदींनी वैयक्तिकरित्या स्वागत करून आपल्या स्वायत्त परराष्ट्र धोरणाची ठाम घोषणा केली आहे. युक्रेन युद्धानंतर पुतिन यांचा हा पहिला भारत दौरा असून, त्यांच्यासोबत संरक्षण मंत्री आंद्रेई बेलोसोव्ह देखील उपस्थित आहेत. लढाऊ विमाने आणि हवाई संरक्षण प्रणालीसंबंधी करारांची शक्यता व्यक्त केली जात आहे.

जागतिक घडामोडी संबंधित बातम्या वाचण्यासाठी येथे क्लिक करा : Ban Munir: पाकिस्तानच्या सत्ताकाठावर पडझड सुरूच! असीम मुनीर प्रकरणात अमेरिकाही सहभागी; 49 कायदेकर्त्यांनी केली ‘ही’ मागणी

संपूर्ण भेट केवळ औपचारिक न राहता आंतरराष्ट्रीय राजकारणातील एक निर्णायक आणि लक्षवेधी क्षण ठरली आहे. मोदी आणि पुतिन यांची जवळीक ही केवळ दोन नेत्यांची नसून, ती दोन राष्ट्रांमधील दीर्घकालीन मैत्री, विश्वास आणि सामरिक भागीदारीची साक्ष देणारी आहे. आजच्या अस्थिर जागतिक राजकारणात भारताने पुन्हा एकदा आपण स्वतंत्र आणि ठाम भूमिका घेणारा देश असतो हे स्पष्ट केले आहे.