pm modi emmanuel macron call west asia crisis diplomacy peace mission news update
PM Modi Emmanuel Macron Call : पश्चिम आशियातील आकाश सध्या युद्धाच्या ढगांनी काळवंडले आहे. इराण, इस्रायल आणि अमेरिका (US-Israel Iran War) यांच्यातील वाढता संघर्ष पाहून संपूर्ण जग चिंतेत आहे. अशा गंभीर परिस्थितीत जगाची नजर भारताकडे आणि पंतप्रधान नरेंद्र मोदींच्या मुत्सद्देगिरीकडे लागली आहे. भारताने नेहमीच ‘हे युद्धाचे युग नाही’ ही भूमिका मांडली आहे. याच भूमिकेला पुढे नेत पंतप्रधान मोदींनी त्यांचे ‘प्रिय मित्र’ आणि फ्रान्सचे राष्ट्राध्यक्ष इमॅन्युएल मॅक्रॉन यांच्याशी फोनवर सविस्तर चर्चा केली आहे.
पंतप्रधान मोदींनी स्वतः त्यांच्या सोशल मीडिया हँडलवरून या संभाषणाची माहिती दिली. पश्चिम आशियातील बिघडलेली परिस्थिती केवळ त्या प्रदेशापुरती मर्यादित नसून, तिचा परिणाम जागतिक अर्थव्यवस्था आणि शांततेवर होत आहे. फ्रान्स हा युरोपातील एक शक्तिशाली देश आणि भारताचा धोरणात्मक भागीदार आहे. त्यामुळे मोदी आणि मॅक्रॉन यांच्यातील समन्वय या प्रदेशातील तणाव कमी करण्यासाठी अत्यंत महत्त्वाचा मानला जात आहे. दोन्ही नेत्यांनी मान्य केले की, केवळ चर्चेच्या माध्यमातूनच हा प्रश्न सुटू शकतो आणि हिंसाचार थांबवणे ही काळाची गरज आहे.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : भारत-पाकिस्तान अणुयुद्ध सुरु होणार? इराणमधील युद्धाच्या पार्श्वभूमीवर धक्कादायक अहवाल आला समोर
पंतप्रधान मोदी केवळ पाश्चात्य देशांशीच नाही, तर आग्नेय आशियातील प्रमुख मुस्लिम राष्ट्र असलेल्या मलेशियाशीही संपर्क ठेवून आहेत. मलेशियाचे पंतप्रधान अन्वर इब्राहिम यांच्याशी संवाद साधताना मोदींनी त्यांना ईद-उल-फित्रच्या शुभेच्छा दिल्या आणि त्याचवेळी पश्चिम आशियातील चिंतेच्या विषयावर चर्चा केली. मुस्लिम देशांसोबत भारताचे वाढते संबंध हे सिद्ध करतात की, भारत या संघर्षात एक निष्पक्ष मध्यस्थ म्हणून महत्त्वाची भूमिका बजावू शकतो.
Spoke with my dear friend, President Emmanuel Macron, on the situation in West Asia and the urgent need for de-escalation, as well as a return to dialogue and diplomacy. We look forward to continuing our close coordination to advance peace and stability in the region and… — Narendra Modi (@narendramodi) March 19, 2026
credit – social media and Twitter
पश्चिम आशियातील तणावामुळे कच्च्या तेलाच्या किमतीत वाढ होणे, सागरी व्यापारात अडथळे येणे यांसारखे धोके भारतासमोर आहेत. म्हणूनच पंतप्रधान मोदी जागतिक नेत्यांशी नियमित संवाद साधून एक ‘समान व्यासपीठ’ तयार करण्याचा प्रयत्न करत आहेत. “आम्ही या प्रदेशात आणि त्यापलीकडे शांतता आणि स्थैर्य वाढवण्यासाठी आमचे घनिष्ठ समन्वय सुरू ठेवण्यास उत्सुक आहोत,” असे मोदींनी नमूद केले आहे. भारताचा हा पुढाकार केवळ राजनैतिक नसून तो मानवी दृष्टिकोनातूनही तितकाच महत्त्वाचा आहे.
जागतिक घडामोडी संबंधित बातम्या वाचण्यासाठी येथे क्लिक करा : India-Iran ties: ‘इराण युद्ध जिंकेल आणि भारत…’ RAWच्या माजी प्रमुखांचा खळबळजनक दावा; दोन्ही देशांमधील संबंधांवर टाकला प्रकाश
एकूणच, पंतप्रधान मोदींची ही सक्रियता हे दर्शवते की, भारत आता जागतिक समस्यांकडे केवळ प्रेक्षक म्हणून पाहत नाही, तर त्यांचे निराकरण करण्यासाठी पुढाकार घेतो. मॅक्रॉन, अन्वर इब्राहिम आणि इतर जागतिक नेत्यांशी साधलेला हा संपर्क आगामी काळात इराण-इस्रायल संघर्ष कमी करण्यास मदत करेल, अशी आशा व्यक्त केली जात आहे.
.png "Videos"){kind=small}
