
फोटो सौजन्य सोशल मीडिया
पेरूची राजधानी लिमामधील लास पाल्मास एअर बेस येथे पोप लिओ चौदावे अंतिम प्रार्थनेसाठी जात होते . यावेळी त्यांच्या स्वागतासाठी सुमारे १५ लाख लोकांची गर्दी जमल्याचा अंदाज व्यक्त करण्यात आला . पोप मोबाईल मधून प्रवास करत असताना गर्दीतील एका व्यक्तीने त्यांच्याकडे जपमाळ फेकली मात्र , ती जपमाळ पकडण्यात पोप यांना यश आले नाही आणि ती थेट त्यांच्या डोळ्याजवळ जोरात लागली . घटनेनंतर पोप यांनी चेहऱ्याला हात लावत वेदना जाणवल्याची प्रतिक्रिया दिली .मात्र ,त्यांनी आपला प्रवास थांबवला नाही आणि नियोजित प्रार्थनेतही सहभाग घेतला .
Yemen News : एडनजवळ हौथींची हालचाल; दक्षिण येमेनमधील भूभागावर कब्जा केल्याचा दावा
या घटनेनंतर पोप लिओ मायदेशी परतत असताना विमानातील पत्रकार परिषदेत एका पेरुव्हियन पत्रकाराने त्यांची माफी मागितली . त्यावर पोप लिओ यांनी अत्यंत शांतपणे प्रतिक्रिया दिली . जपमाळ फेकणाऱ्या व्यक्तीचा हेतू आपल्यापर्यंत पोहोचण्याचा आणि आपल्या कडून आशीर्वाद मिळवायचा असावा असे त्यांनी सांगितले .
पेरूच्या नागरिकांमध्ये प्रचंड उत्साह आणि खोलवर रुजलेली श्रद्धा असल्याचेही त्यांनी नमूद केले . त्या व्यक्तीने मोठ्या श्रद्धेने जपमाळ अर्पण करण्याचा प्रयत्न केला , असे म्हणत त्यांनी या घटनेला सकारात्मक दृष्टिकोनातून पाहिले . डोळ्याला लागलेल्या जपमाळेचा उल्लेख करत त्यांनी विनोदी शैलीतही प्रतिक्रिया दिली .
Middle East News : मध्यपूर्वेत अमेरिकेची लष्करी ताकद वाढली; तीन विमानवाहू नौका तैनात
पोप लिओ यांचे पेरूशी जुने आणि जिव्हाळ्याचे नाते आहे . त्यांनी आयुष्यात सुमारे दोन दशके पेरूमध्ये घालवली असून , त्यांच्याकडे पेरूचे नागरिकत्व ही आहे . त्यामुळे या देशातील नागरिकांशी त्यांचे विशेष भावनिक नाते आहे . त्यांच्या दक्षिण अमेरिका दोऱ्यात उरुग्वे , अर्जेंटिना आणि पेरू या देशांचा समावेश होता . तब्बल १२ दिवसांच्या या दौऱ्यात त्यांनी अनेक धार्मिक कार्यक्रमांमध्ये सहभाग घेतला .
पोप मोबाईलमधून जाताना भाविकांकडून जपमाळ ,खेळणी , झेंडे आणि इतर वस्तू त्यांच्या दिशेने फेकल्या जाण्याच्या घटना याआधी सुद्धा घडल्या आहेत . पण अशा वस्तूंमुळे सुरक्षेचा प्रश्न निर्माण होऊ शकतो , असे त्यांच्या सुरक्षा पथकाचे मत आहे . तरीही या घटनेत पोप यांनी दाखवलेली क्षमाशीलता विशेष चर्चेचा विषय ठरली आहे .