'God Bless America' कार्यक्रमात राष्ट्राध्यक्ष जो बायडेन झाले भावुक; नेमके कारण काय?
वॉश्गिंटन: अमेरिकेचे राष्ट्राध्यक्ष जो बायडेन वॉश्गिंटनमध्ये ‘गॉड ब्लेस अमेरिका’ कार्यक्रमात भावूक झाले. या कार्यक्रमामध्ये अमेरिकन सशास्त्र दलातील दिग्गजांच्या सेवेचा सन्मान करण्यात येत होता. याच दरम्यान राष्ट्राध्यक्ष जो बायडेन ढसाढला रडले. याचा एक व्हिडिओ देखील सोशल मीडियावर व्हायरल होत आहे. या भावनिक क्षणाने अनेकांचे लक्ष वेधून घेतले आहे. या दरम्यान बायडेन यांनी शहीद जवानांना श्रद्धांजली वाहली.
आर्लिंगटन राष्ट्रीय स्मशानभूमित उभे राहण्याची ही त्यांची शेवटची वेळ असू शकते
या कार्यक्रमात अध्यक्ष जो बायडेन यांनी भाषण केले. आपल्या भाषणात त्यांनी सांगितले की, कमांडर-इन-चीफ म्हणून आर्लिंगटन राष्ट्रीय स्मशानभूमित उभे राहण्याची ही त्यांची शेवटची वेळ असू शकते. तसेच त्यांनी स्मशानभूमीत शहीद जवानांना श्रद्धांजली वाहली. या दरम्यान आपले मत मांडताना ते भावूक झाले होते. जो बायडेन यांनी या कार्यक्रमामध्ये अज्ञात सैनिकांच्या समाधील पुष्पहार अर्पण केला. यावेळी उपराष्ट्रपती कमला हॅरिस देखील कार्यक्रमाला उपस्थित होत्या.
📺 Today, at the Veterans Day service at Arlington National Cemetery, President Biden teared up as he joined veterans in singing God Bless America.
Moments like these show just how much he cares for our country. We’re going to miss him. 🇺🇸 pic.twitter.com/oQuXaoFbbg
— Chris D. Jackson (@ChrisDJackson) November 11, 2024
उपराष्ट्रपती कमला हॅरिस यांनी देखील शहीदांना श्रद्धांजली वाहली
कमला हॅरिस आणि डो बायडेन या दोघांनीही अत्यंत गंभीर भावनेत पुष्पहार अर्पण केला आणि काही क्षण स्मरणार्थ शांत उभे राहिले. बायडेन यांनी क्रॉसचे चिन्ह बनवून शहीद सैनिकांना श्रद्धांजली अर्पण केली. त्यानंतर त्यांनी उपस्थितांना संबोधित करताना सांगितले की, “तुमची सेवा करणे, तुमची काळजी घेणे आणि तुमचे रक्षण करणे हा माझ्या आयुष्यातील सर्वोच्च सन्मान आहे.” या भावना आणि शब्द सैनिकांच्या योगदानाबद्दल त्यांचे आदर व्यक्त करतात.
ब्यू बायडेनबद्दल देखील भावना व्यक्त
याशिवाय कार्मक्रमामध्ये बोलताना जो बायडेन यांनी त्यांच्या दिवंगत मुलगा ब्यू बायडेनबद्दल देखील आपल्या भावना व्यक्त केली. ब्यू बायडेन हे डेलावेअर आर्मी नॅशनल गार्डमध्ये प्रमुख होते आणि त्यांनी इराकमध्ये सेवा केली होती. 2015 मध्ये ग्लिओब्लास्टोमामुळे ब्यू यांचे निधन झाले.
बायडेन यांनी भावना व्यक्त करताना म्हटल की, “तुमच्यापैकी अनेकांच्या कुटुंबीयांप्रमाणेच आमचा मुलगा देखील एक वर्षासाठी इराकमध्ये तैनात होता.” या आठवणीनेही बायडेन यांना भावूक केले. या प्रसंगातून जो बायडेन यांनी सैनिकांसाठी असलेली आपल्या मनातील कृतज्ञता आणि आपल्या देशसेवकांप्रती आदराची भावना स्पष्टपणे व्यक्त केली. यामुळे त्यांचे शब्द आणि त्यांच्या भावनांनी उपस्थितांना खूपच प्रभावित केले.
.png "Videos"){kind=small}
