गुरुवार, 12 नोव्हेंबर 2026
Nepal PM Oath Ceremony: रॅपर-गायक बालेन शाह बनले नेपाळचे सर्वात तरुण पंतप्रधान ( फोटो सौजन्य : सोशल मीडिया )
Balen Shah Nepal Prime Minister Oath : नेपाळच्या (Balen Shah Nepal Prime Minister) राजकीय इतिहासात आज एका सुवर्ण अध्यायाची सुरुवात झाली आहे. हिमालयीन राष्ट्रातील प्रस्थापित पक्षांना आणि मातब्बर नेत्यांना धूळ चारत, काठमांडूचे माजी महापौर आणि लोकप्रिय रॅपर बलेंद्र शाह ऊर्फ ‘बालेन’ यांनी नेपाळचे ४७ वे पंतप्रधान म्हणून शपथ घेतली आहे. वयाच्या अवघ्या ३५ व्या वर्षी देशाची धुरा सांभाळणारे ते नेपाळचे सर्वात तरुण निर्वाचित पंतप्रधान ठरले आहेत. बालेन यांच्या या विजयाने दक्षिण आशियातील पारंपरिक राजकारणाला मोठा धक्का दिला असून तरुणाईच्या शक्तीचे दर्शन घडवले आहे.
राष्ट्रपती रामचंद्र पौडेल यांनी बालेन शाह यांना पद आणि गोपनीयतेची शपथ दिली. या सोहळ्याचे सर्वात मोठे आकर्षण ठरले ते म्हणजे तिथे पार पडलेले धार्मिक विधी. बालेन यांच्या सूचनेनुसार, या सोहळ्यात सात ब्राह्मणांनी शंखनाद केला, तर १०८ बटुकांनी (तरुण ब्राह्मण) वैदिक मंत्रांचे ‘स्वस्ती वचन’ पठण केले. इतकेच नाही, तर नेपाळच्या सर्वसमावेशक संस्कृतीचे दर्शन घडवत १०७ लामांनी ‘मंगल वचना’चे पठण केले. हिंदू आणि बौद्ध धर्माच्या या अनोख्या संगमाने संपूर्ण जगाचे लक्ष वेधून घेतले.
जागतिक घडामोडी संबंधित बातम्या वाचण्यासाठी येथे क्लिक करा : Viral Rap: नेपाळमध्ये रॅपर राज! PM बालेन शहांचा माईक ड्रॉप; शपथविधीपूर्वी ‘जय महाकाली’ गाण्याला 2 तासांत लाखो Views
बालेन शाह हे मधेस प्रदेशातून आलेले देशाचे पहिले पंतप्रधान ठरले आहेत. त्यांचे पक्ष, राष्ट्रीय स्वतंत्र पक्ष (RSP), याने संसदेच्या २७५ पैकी १८२ जागा जिंकून निर्विवाद बहुमत मिळवले आहे. गेल्या वर्षी नेपाळमध्ये झालेल्या ‘जनरेशन झेड’ (Gen Z) आंदोलनाचा हा परिणाम मानला जात आहे. तरुणांनी भ्रष्टाचारमुक्त शासन आणि पिढीगत बदलाची मागणी केली होती, ज्याला बालेन शाह यांनी आपला चेहरा दिला. ४ वेळा पंतप्रधान राहिलेल्या के.पी. शर्मा ओली यांचा मोठ्या फरकाने पराभव करून बालेन यांनी आपले वर्चस्व सिद्ध केले आहे.
🔴Watch #LIVE | Balen Shah takes oath at Nepal Prime Minister https://t.co/akoCsm7Bj3 — NDTV (@ndtv) March 27, 2026
credit – social media and Twitter
बालेन शाह यांच्या नियुक्तीनंतर भारताचे पंतप्रधान नरेंद्र मोदी यांनी त्यांचे ट्विटरवरून अभिनंदन केले. मोदी म्हणाले, “तुमची नियुक्ती ही नेपाळच्या जनतेने तुमच्यावर दाखवलेल्या विश्वासाचे प्रतीक आहे. भारत आणि नेपाळमधील मैत्री आणि सहकार्य अधिक दृढ करण्यासाठी मी तुमच्यासोबत काम करण्यास उत्सुक आहे.” बालेन शाह यांच्या नेतृत्वाखाली नेपाळचे परराष्ट्र धोरण आणि भारतासोबतचे संबंध कोणत्या दिशेला जातात, याकडे आता तज्ज्ञांचे लक्ष लागले आहे.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : ‘Thank you people of India’ एक संदेश आणि गेम ओव्हर; इराणनच्या इस्रायलवर हल्ल्याचा ‘हा’ VIDEO तुफान VIRAL
सूत्रांनी दिलेल्या माहितीनुसार, पंतप्रधान बालेन शाह १५ ते १८ मंत्र्यांचे एक छोटे आणि कार्यक्षम मंत्रिमंडळ स्थापन करण्याच्या तयारीत आहेत. भ्रष्टाचार निर्मूलन, आर्थिक स्थैर्य आणि पायाभूत सुविधांचा विकास ही त्यांच्यासमोर प्राथमिक आव्हाने असतील. रॅपर म्हणून तरुणांच्या मनात स्थान मिळवल्यानंतर, आता पंतप्रधान म्हणून ते नेपाळच्या जनतेच्या अपेक्षा पूर्ण करतात का, हे पाहणे औत्सुक्याचे ठरेल.
Ans: बालेन शाह यांचे वय ३५ वर्षे असून ते नेपाळचे आतापर्यंतचे सर्वात तरुण पंतप्रधान ठरले आहेत.
Ans: बालेन शाह हे 'राष्ट्रीय स्वतंत्र पक्षा'चे (Rashtriya Swatantra Party - RSP) नेते आहेत.
Ans: सोहळ्यात १०८ हिंदू बटुकांचे वैदिक मंत्र पठण आणि १०७ बौद्ध लामांचे मंगल वचन पठण अशा हिंदू-बौद्ध परंपरांचा संगम पाहायला मिळाला.
