गुरुवार, 12 नोव्हेंबर 2026
11 महिने उलटले, स्वीकृत नगरसेवकांच्या नियुक्तीचा पत्ता नाही! कल्याण-डोंबिवली महापालिकेबाहेर ठाकरे गटाचा ठिय्या
कल्याण-डोंबिवली महानगरपालिकेच्या निवडणुकीनंतर स्वीकृत नगरसेवकांच्या निवडीचा विषय प्रलंबित आहे. निवडणुकीला जवळपास ११ महिने उलटून गेले, तरीही या नियुक्त्यांबाबत प्रशासनाकडून कोणताही ठोस निर्णय घेण्यात आलेला नाही. त्यामुळे इच्छुक उमेदवारांसह राजकीय पक्षांमध्येही नाराजी व्यक्त केली जात आहे. या मुद्द्यावरून आता शिवसेना ठाकरे गटाने आक्रमक भूमिका घेतली आहे. स्वीकृत नगरसेवकांच्या निवडीचा निर्णय लवकरात लवकर घ्यावा, अशी मागणी करत ठाकरे गटाच्या नगरसेवकांनी महापालिका मुख्यालयाबाहेर आंदोलन सुरू केले आहे.
NCP Merger News: अजित पवार महायुतीची साथ सोडणार होते; बड्या नेत्याच्या दाव्याने खळबळ
महापालिका प्रशासनाचे लक्ष वेधण्यासाठी ठाकरे गटाच्या नगरसेवकांनी ढोल-ताशांच्या गजरात आंदोलन केले. आंदोलनाचा आज (12 नोव्हेंबर 2026) दुसरा दिवस असून, प्रशासनाच्या दिरंगाईचा निषेध करण्यात येत आहे. स्वीकृत नगरसेवकांच्या निवडीचा निर्णय घेण्यास आणखी किती वेळ लागणार, असा सवाल आंदोलकांकडून उपस्थित केला जात आहे. केवळ आश्वासने न देता प्रशासनाने या विषयावर ठोस निर्णय घ्यावा, अशी मागणीही करण्यात येत आहे.
स्वीकृत नगरसेवकांच्या निवडीबाबत महापालिका प्रशासन किंवा संबंधित प्राधिकरणाकडून ठोस निर्णय घेतला जात नाही, तोपर्यंत आंदोलन मागे घेणार नसल्याचा पवित्रा ठाकरे गटाच्या नगरसेवकांनी घेतला आहे. या आंदोलनात शिवसेना ठाकरे गटाच्या नगरसेविका कीर्ती ढोणे यांनीही भूमिका मांडली. आता ठाकरे गटाच्या या आंदोलनाची महापालिका प्रशासन कितपत दखल घेते आणि स्वीकृत नगरसेवकांच्या निवडीबाबत नेमका काय निर्णय घेतला जातो, याकडे कल्याण-डोंबिवलीतील राजकीय वर्तुळाचे लक्ष लागले आहे.
Ans: महापालिकेतील स्वीकृत नगरसेवकांच्या निवडीचा निर्णय जवळपास ११ महिने उलटूनही प्रलंबित आहे.
Ans: शिवसेना उद्धव बाळासाहेब ठाकरे गटाच्या नगरसेवकांनी महापालिका मुख्यालयाबाहेर आंदोलन सुरू केले आहे.
Ans: स्वीकृत नगरसेवकांच्या निवडीबाबत ठोस निर्णय होत नाही, तोपर्यंत आंदोलन मागे घेणार नसल्याचा इशारा ठाकरे गटाने दिला आहे.
