रशिया-यूक्रेनमधील नरसंहार थांबणार! एक महिन्याच्या युद्धबंदीवर दोन्ही देशांची सहमती

रशिया-यूक्रेन युद्ध दिवसेंदिवस तीव्र होत चालले आहे. आंतरराष्ट्रीय स्तरावर युद्धबंदीसाठी प्रयत्न सुरु आहे. दरम्यान 30 दिवसांच्या युद्धबंदीसाठी दोन्ही देशांनी सहमती दर्शवली.

वॉशिंग्टन/कीव: रशिया-यूक्रेन युद्ध दिवसेंदिवस तीव्र होत चालले आहे. आंतरराष्ट्रीय स्तरावर युद्धबंदीसाठी प्रयत्न सुरु आहे. दरम्यान रशियाचे राष्ट्राध्यक्ष व्लादिमिर पुतिन आणि अमेरिकेचे राष्ट्राध्यक्ष डोनाल्ड ट्रम्प यांनी 18 मार्च रोजी फोनवरुन दीर्घ संवाद साधाला. त्यानंतर बुधवारी (19 मार्च) यूक्रेनच्या राष्ट्राध्यक्ष झेलेन्स्की यांच्याशीही रशिया-यूक्रेन युद्धावर एक तास संवाद साधला. अमेरिकेच्या परराष्ट्र सचिव आणि NSA ने याबाबत एक निवेदन जारी केले आहे. या निवेदनात चर्चेदरम्यान डोनाल्ड ट्रम्प यांनी यूक्रेनच्या वीज प्रकल्पांचे नियंत्रण अमेरिकेला देण्याचे सुचवले असल्याचे सांगितले आहे.

संवादादरम्यान झेलेन्स्की काय म्हणाले? 

दरम्यान झेलेन्स्की यांनी म्हटले की,यूक्रेनने युद्ध संपवण्याच्या दिशेने पहिले पाऊल उचलले आहे. यूक्रेन उर्जा आणि इतर पायाभूत सुविधांवर हल्ला न करण्याचे समर्थन करतो. आम्ही युद्धबंदीसाठी तयार आहोत. यूक्रेनच्या सैन्याला युद्धबंदी लागू करण्याचे आणि इतर तांत्रिक समस्या सोडवण्याचे आदेश देण्यात आले आहेत. समन्वय राखण्यासाठी यूक्रेन आणि अमेरिका सौदी अरेबियात भेटीसाठी तयार असल्याचेही त्यांनी सांगितले.

जागतिक घडामोड संबंधित बातम्या- युद्ध की रणनीती? युक्रेनने युद्धासाठी मांडला आहे बुद्धिबळाचा डाव

See more

Today is another day when Ukraine brings its people back. 175 of our defenders have been released from Russian captivity. Another 22 defenders are returning home through measures beyond exchanges. Among them are severely wounded warriors and those whom Russia persecuted for… pic.twitter.com/r8vI7BiYxn — Volodymyr Zelenskyy / Володимир Зеленський (@ZelenskyyUa) March 19, 2025

पुतिन यूक्रेनच्या उर्जा प्रकल्पांवर हल्ला करणार नाही

पुतिन यांनी ट्रम्प यांच्याशी चर्चा केल्यानंतर 30 दिवस यूक्रेनच्या कोणत्याही उर्जा प्रकल्पांवर हल्ला न करण्यास सहमती दर्शवली. मीडिया रिपोर्टनुसार, तसेच 30 दिवसांच्या कालवधी दरम्यान यूक्रेन-रशियामधील कैद्यांची देवाण-घेवाण करण्यावरही पुतिन यांनी सहमती दर्शवली. मात्र, रशिया यूक्रेनियन शहरांवर आणि लष्करी तळांवर हल्ले करत राहू शकतो. तसेच रशियाने या दविसांत यूक्रेनने लष्करी हालचाली थांबवण्याची मागणी केली.

रशियाच्या यूद्धबंदीसाठी इतर काही अटी

रशियाने अमेरिकेसमोर काही दिवसांपूर्वी यूद्धबंदीसाठी काही अटी ठेवल्या होत्या

• पहिली अट यूक्रेनला नाटो सदस्यत्व मिळू नये अशी अटी रशियाने अमेरिकेसमोर ठेवली आहे. रशियाला भिती आहे की, यूक्रेनला नाटोचे सदस्यत्व मिळाल्यास त्यांच्या सुरक्षेला धोका निर्माण होऊ शकतो.
• तसेच कोणत्याही आंतरराष्ट्रीय सैन्य गटाने यूक्रेनमध्ये आपले लष्कर तैनात करु नयेत, रशियाच्या विरोधात आघाडी तयार करु नये ही दुसरी अत्यंत महत्त्वाची अट पुतिन यांनी मांडली आहे.
• तिसरी अट म्हणजे रशियाने क्रीमीया, डोनेत्स्क, लुहान्स्क, झापोरिझ्झिया आणि खेरसॉन या चार भागाना आंतरराष्ट्रीय मान्यता मिळावी.
• आणि चौथी शेवटची अट म्हणजे नाटोचा विस्तार थांबवावा, कारण रशिया नाटोला त्यांच्या सुरक्षेसाठी धोकादायक मानतो.

जागतिक घडामोडी संबंधित बातम्या- Israel-Hamas War: ‘… तर आमच्या अटी मान्य करा’ ; इस्त्रायलच्या राजदूताचा हमासला थेट इशारा