रशियाचा कहर! युक्रेनच्या ओडेसा बंदरावर घातक प्रहार ; हल्ल्यात ८ जण ठार, अनेक जखमी

Russia Ukraine War Update : रशिया आणि युक्रेन युद्ध आता भयंकर झाले आहे. या युद्धात अनेक लोकांचा बळी गेला आहे, तरीही दोन्ही देश एकमेकांवर प्रहार करत आहे. नुकतेच रशियाने युक्रेनच्या ओडेसा बंदरावरही हल्ला केला आहे.

• रशियाचा युक्रेनवर भीषण हल्ला
• ओडेसा बंदरावर घातक प्रहार
• हल्ल्यात ८ ठार अनेक जखमी

Russia attack on Ukraine Odessa Port : मॉस्को : रशिया आणि युक्रेन युद्धाने (Russia Ukraine War) आता रौद्रावतार घेतला आहे. रशिया युक्रेनवर हल्ला करत असून युद्ध थांबवण्यासाठी एक अट ठेवली आहे. याच वेळी रशियाने युक्रेनच्या ओडेशा शहरातील बंदरावर घातक प्रहार केला आहे. या हल्ल्यात ओडेसा बंदरावरील पायाभूत सुविधांना लक्ष्य करण्यात आले आहे. मिळालेल्या माहितीनुसार, हल्ल्यात आठ जण ठार झाले असून २७ जण जखमी झाले आहेत. युक्रेनच्या आपत्कालीन सेवांनी ही माहिती दिली.

भारतीय तरुणाची जबरदस्तीने रशिया सैन्यात भरती; युक्रेन युद्धात गेला हाकनाक बळी

युक्रेनच्या आपत्कानी सेवांनी दिलेल्या माहितीनुसार, शनिवारी (२० डिसेंबर) पहाटे हा हल्ला घडला. रशियाने या हल्ल्यात बॅलेस्टिक क्षेपणास्त्रांचा वापर केला आहे. या हल्ल्यात एका पार्किंग ट्रकला आग लागली असून अनेक गाड्यांचे नुकसान झाले आहे. या हल्ल्याला प्रत्युत्तर दाखल युक्रेनने देखील हल्ला केला आहे. युक्रेनने देखील रशियाच्या युद्धनौका आणि इतर काही सुविधांना लक्ष्य केले आहे. युक्रेनच्या जनरल स्टाफने दिलेल्या माहितीनुसार रशियावरील हल्ल्यात रशियाच्या ओखोटनिक युद्धनौकेला लक्ष्य करण्यात आले आहे. जहाज एका कॅस्पियन समुद्रातील तेल आणि वायू उत्पादन प्लॅटफॉर्मजवळ गस्त घालत होते.

दोन्ही देशांच्या नुकसानच नुकसान

सध्या रशिया युक्रेनमधील संघर्ष दिवसेंदिवस वाढत चालला असून आंतरराष्ट्रीय स्तरावर चिंतेचे वातावरण निर्माण झाले आहे. दोन्ही देशांचे मोठे नुकसान होत आहे. मात्र सर्वाधिक फटका युक्रेनच्या पायाभूत सुविधांना बसला आहे. शिवाय युक्रेनचे अनेक भाग रशियाने ताब्यात घेतले आहेत. गेल्या चार वर्षांपासून या युद्धामुळे युक्रेनमध्ये भीषण परिस्थिती निर्माण झाली आहे.

युद्धथांबवण्यासाठी पुतिन यांची अट

याच वेळी रशियाचे राष्ट्राध्यक्ष व्लादिमिर पुतिन (Vladimir Putin) यांनी युक्रेनसमोर युद्धबंदीसाठी एक अटक ठेवली आहे. ही अट मान्य झाल्यानंतर रशिया युक्रेनवरील हल्ले थांबवेल असे म्हटले आहे. पुतिन यांनी म्हटले आहे की, युक्रेनला शांतता हवी असेल तर चर्चेच्या अटी सोडून रशियाच्या ताब्यातील प्रदेशांवरील दावे सोडावेत. यानंतरच रशिया युद्धबंदी करारावर सहमत होईल असे पुतिन यांनी म्हटले आहे.

See more

🤬🤬💔 Terrible…
7 killed. 15 injured. russian terrorists struck port infrastructure in the Odesa region.
People were killed in their cars. Ordinary lives. Ordinary roads. This is what russia brings.
Nothing else. pic.twitter.com/zWnmI4bD2f — Angelica Shalagina🇺🇦 (@angelshalagina) December 19, 2025

Putin Ukraine-War News: ‘मी युद्ध थांबवेन पण…’ पुतिन यांनी युक्रेनसमोर ठेवली अशी अट