Pharma News : चिनी-भारतीय औषधांमुळे वाढला मृत्यूचा धोका; अमेरिकन सिनेटर ‘Rick Scott’ने दिला सावध राहण्याचा स्पष्ट इशारा

Generic Drug Risk : अमेरिकेचे सिनेटर रिक स्कॉट यांनी भारत आणि चीनमधून येणाऱ्या जेनेरिक औषधांबद्दल चिंता व्यक्त केली. अहवालांनुसार, परदेशी औषधे आरोग्य समस्या निर्माण करत आहेत.

•  अमेरिकेतील ८०% जेनेरिक औषधे भारत आणि चीनमधून येतात, जे अमेरिकेच्या राष्ट्रीय सुरक्षेसाठी आणि सार्वजनिक आरोग्यासाठी मोठे संकट असल्याचे सिनेटर रिक स्कॉट यांनी म्हटले आहे.
•  भारतीय जेनेरिक औषधांचे दुष्परिणाम अमेरिकन औषधांच्या तुलनेत ५४% जास्त असल्याचा धक्कादायक दावा सिनेटच्या समितीसमोर करण्यात आला आहे.
•  अमेरिका ९५% आयबुप्रोफेन आणि ७०% पॅरासिटामॉलसाठी चीनवर अवलंबून असून, तणावाच्या काळात चीन हा पुरवठा रोखू शकतो, अशी भीती व्यक्त करण्यात आली आहे.

Senator Rick Scott generic drug warning 2025 : जागतिक औषध निर्मितीचे केंद्र मानल्या जाणाऱ्या भारत आणि चीनसाठी (India and China) अमेरिकेतून (America) एक धोक्याची घंटा वाजली आहे. अमेरिकन सिनेटर रिक स्कॉट यांनी औषध पुरवठा साखळीबाबत (Drug Supply Chain) सिनेटच्या विशेष समितीसमोर एक अत्यंत गंभीर अहवाल सादर केला आहे. त्यांच्या मते, अमेरिका आता जीवनरक्षक औषधांसाठी आणि कच्च्या मालासाठी (API) पूर्णपणे परदेशी देशांवर, विशेषतः भारत आणि चीनवर अवलंबून आहे, ज्यामुळे अमेरिकन नागरिकांचे आरोग्य धोक्यात आले आहे.

औषध बाजारपेठेतील भारत-चीनचा दबदबा

सिनेटर स्कॉट यांनी सादर केलेल्या आकडेवारीनुसार, अमेरिकेत वापरल्या जाणाऱ्या जेनेरिक औषधांचे सुमारे ८० टक्के सक्रिय घटक (API) परदेशातून येतात. २००२ मध्ये अमेरिका स्वतःच्या औषधांपैकी ८३ टक्के उत्पादन देशांतर्गत करत होती, मात्र २०२४ पर्यंत हा आकडा घसरून केवळ ३७ टक्क्यांवर आला आहे. विशेषतः सामान्य ताप आणि वेदनाशामक औषधे जसे की पॅरासिटामॉल आणि आयबुप्रोफेनसाठी अमेरिका ९५ टक्क्यांपर्यंत चीनवर अवलंबून आहे.

जागतिक घडामोडी संबंधित बातम्या वाचण्यासाठी येथे क्लिक करा : Climate Crisis : दिल्लीचा श्वास का कोंडला? भारतीय शेतकऱ्यांच्या ‘या’ कृतीने NASAचे शास्त्रज्ञही चक्रावले; वाचा कसे ते…

भारतीय औषधांच्या गुणवत्तेवर गंभीर आरोप

या अहवालातील सर्वात धक्कादायक बाब म्हणजे भारतीय जेनेरिक औषधांच्या गुणवत्तेवर उपस्थित केलेले प्रश्नचिन्ह. समितीच्या अभ्यासानुसार, भारतात उत्पादित होणाऱ्या औषधांचे दुष्परिणाम (Side Effects) अमेरिकन औषधांपेक्षा ५४ टक्के जास्त असल्याचे आढळले आहे. या दुष्परिणामांमुळे रुग्णांना कायमचे अपंगत्व किंवा मृत्यू ओढवण्याचा धोका असल्याचे स्कॉट यांनी म्हटले आहे. अमेरिकन अन्न आणि औषध प्रशासन (FDA) परदेशी कारखान्यांची तपासणी तितकी कठोरपणे करत नाही, जे स्थानिक कंपन्यांसाठी केली जाते, असा आरोपही त्यांनी केला आहे.

See more

Great op-ed from @cpa_tradereform Pres. Toomey on the threat Americans face because of U.S. reliance on generic drugs from India & Communist China. It’s time for generic drugs to be MADE IN AMERICA 🇺🇸 We won’t stop fighting until we get it done. https://t.co/7jyOT8L4uf — Rick Scott (@SenRickScott) December 11, 2025

credit : social media and Twitter

चीनचा ‘ड्रग वॉर’ आणि भारताची भूमिका

रिक स्कॉट यांनी चीनच्या धोरणात्मक प्रभावावरही बोट ठेवले आहे. जगातील ९० टक्के अँटीबायोटिक कच्चा माल चीनमध्ये तयार होतो. जर भविष्यात भू-राजकीय तणाव निर्माण झाला, तर चीन हा पुरवठा रोखून अमेरिकन लष्करी कर्मचारी आणि सर्वसामान्यांचे जीवन धोक्यात टाकू शकतो. यामध्ये भारताची कोंडी अशी आहे की, जरी अमेरिका ५० टक्के औषधे भारतातून घेत असली, तरी भारतीय कंपन्या स्वतः ८० टक्के कच्च्या मालासाठी चीनवरच अवलंबून आहेत.

जागतिक घडामोडी संबंधित बातम्या वाचण्यासाठी येथे क्लिक करा : PNS Ghazi: गाझीचा पुनर्जन्म! 54 वर्षांपूर्वी जलसमाधी मिळालेल्या पाकिस्तानी पाणबुडीचे पुन्हा जलावतरण; ड्रॅगनकडून भेट

सुधारणांसाठी ‘मेड इन अमेरिका’चा नारा

या संकटातून बाहेर पडण्यासाठी सिनेटर स्कॉट यांनी काही कडक उपाय सुचवले आहेत. प्रत्येक औषधाच्या पाकिटावर ते कोणत्या देशात बनले आहे (Country of Origin) हे स्पष्टपणे लिहिणे अनिवार्य करावे, अशी मागणी त्यांनी केली आहे. तसेच “मेड इन अमेरिका” औषधांना प्रोत्साहन देण्यासाठी सरकारी स्तरावर विशेष बाजारपेठ तयार करण्याची आणि देशांतर्गत जैवतंत्रज्ञानाला (Biotechnology) चालना देण्याची गरज त्यांनी व्यक्त केली आहे.