क्वीन्सलँड : साप म्हटलं की अनेकांना भीती (Snake found in Bedroom) वाटते. तो जर दिसलाच तर चांगलाच थरकाप उडतो. पण क्वीन्सलँडमध्ये एक विचित्र घटना घडली. एका महिलेने बेडरूममध्ये प्रवेश करताच तिला मोठा धक्का बसला. या महिलेच्या बेडवर एक विषारी साप दिसला. हा साप सुमारे 6 फूट लांब होता. घाबरलेल्या महिलेने तात्काळ याबाबतची माहिती बचाव पथकाला दिली.
ऑस्ट्रेलियातील क्वीन्सलँडमधील एक महिला जेव्हा बेडशिट बदलत होती. तेव्हा तिला तिच्या बेडवर 6 फूट लांबीचा ईस्टर्न ब्राऊन साप दिसला. हा भलामोठा साप पाहून तिला भीती वाटली. बेडवर विषारी साप पाहून महिला पळून गेली. तिने तातडीने बेडरूमचा दरवाजा बंद केला आणि मग सर्पमित्राला बोलावले. याबाबतची माहिती मिळाल्यानंतर सर्पमित्राने सांगितले की, ‘मी घटनास्थळी पोहोचलो तेव्हा पाहिले की, ती महिला माझी वाट पाहत होती. मी बेडरुमच्या आत गेलो जिथे साप होता. तो बेडवर पडून माझ्याकडे बघत होता. अत्यंत शिताफीने त्याला पकडण्यात आले’.
साप दिसल्यास बचावपथकाला माहिती द्या
उष्णतेपासून वाचण्यासाठी साप उघड्या दारातून आत आला असावा. अशाप्रकारचा साप दिसला तर तिथून तातडीने बाहेर पडा आणि बचाव पथकाला याची माहिती द्या. या सापाचे फोटो सोशल मीडियावर मोठ्या प्रमाणात व्हायरल होत आहेत.
सापाला पकडण्यात यश
या सापाबाबत माहिती मिळाल्यानंतर त्याला मोठ्या सतर्कतेने पकडण्यात आले. या सापाला सुखरूप दुसऱ्या ठिकाणी हलवण्यात आले आहे. ईस्टर्न ब्राउन स्‍नेक हा ऑस्‍ट्रेलियामध्‍ये दुसऱ्या क्रमांकाचा सर्वात विषारी साप आहे.
