Space War : अंतराळात अमेरिकेची शस्त्रं! आता पृथ्वीच्या कक्षेतही युद्धाची तयारी?

Space War : अमेरिकेने प्रथमच पृथ्वीच्या कक्षेत ‘स्पेस कंट्रोल वेपन्स’ तैनात असल्याची अधिकृत कबुली दिली आहे. शस्त्रांचा प्रकार आणि क्षमता अद्याप गुप्त ठेवण्यात आली असून, या घोषणेमुळे अमेरिका, चीन आणि रशियामधील अंतराळातील लष्करी स्पर्धेला नवे वळण मिळाले आहे.

• कक्षेत नेमकी कोणती शस्त्रं आहेत?
• उपग्रहांवर हल्ला करण्याची क्षमता?
• चीन-रशियासोबत नवा ‘स्पेस वॉर’?

Space War : अंतराळातील महासत्तांची स्पर्धा आता आणखी धोकादायक टप्प्यावर पोहोचली आहे. अमेरिकेने प्रथमच अधिकृतपणे पृथ्वीच्या कक्षेत ‘ऑन-ऑर्बिट स्पेस कंट्रोल वेपन्स’ तैनात असल्याची कबुली दिली आहे. अमेरिकेच्या या घोषणेमुळे चीन आणि रशियासोबत अंतराळातील लष्करी स्पर्धा आणखी तीव्र होण्याची शक्यता आहे. मात्र, ही शस्त्रं नेमकी कोणती आहेत, त्यांची संख्या किती आहे आणि त्यांची क्षमता काय आहे, याबाबत अमेरिकेने गुप्तता कायम ठेवली आहे.

कक्षेत नेमकी कोणती शस्त्रं आहेत?

अमेरिकेच्या हवाई दलाचे सचिव ट्रॉय मिंक यांनी अमेरिकेकडे कक्षेत तैनात असलेली ‘स्पेस कंट्रोल वेपन्स’ असल्याचे स्पष्ट केले. ही शस्त्रं शत्रूच्या अंतराळातील कारवायांपासून अमेरिकन सैन्याचे संरक्षण करण्यासाठी वापरली जाऊ शकतात. मात्र, त्यांचा प्रकार, संख्या, तैनातीची वेळ किंवा कोणत्या कक्षेत ती कार्यरत आहेत, याची माहिती जाहीर करण्यात आलेली नाही.

Iran War : युद्ध की पैशांचा महापूर? अमेरिकेने खर्च केले तब्बल ३३.४ अब्ज डॉलर

उपग्रहांवर हल्ला करण्याची क्षमता?

अंतराळातील ‘स्पेस कंट्रोल’ मोहिमेत शत्रूच्या क्षमतांमध्ये अडथळा निर्माण करणे, त्यांना कमकुवत करणे किंवा गरज पडल्यास नष्ट करण्याच्या क्षमतांचा समावेश होतो. यासाठी इलेक्ट्रॉनिक युद्ध, जॅमिंग किंवा इतर तंत्रज्ञानाचा वापर होऊ शकतो. मात्र अमेरिकेने सध्या कोणत्या प्रणाली प्रत्यक्षात तैनात केल्या आहेत, हे स्पष्ट केलेले नाही. त्यामुळे कक्षेत असलेल्या शस्त्रांबाबत अनेक प्रश्न अद्याप अनुत्तरित आहेत.

Global Economy : अमेरिकेच्या बॉन्ड बाजारात भूकंप! २००७ नंतर पहिल्यांदाच यिल्ड ५ टक्क्यांवर

चीन-रशियासोबत नवा ‘स्पेस वॉर’?

अमेरिकेच्या घोषणेनंतर चीनने अंतराळाला युद्धभूमी बनवू नये, असा इशारा दिला आहे. रशियानेही अंतराळ शस्त्रमुक्त ठेवण्याची भूमिका मांडली आहे. दुसरीकडे अमेरिका चीन आणि रशिया दोन्ही देशांकडून अंतराळातील लष्करी क्षमता वाढवल्या जात असल्याचा दावा करत आहे.

उपग्रह हे आज लष्करी संचार, नेव्हिगेशन, गुप्तचर आणि क्षेपणास्त्र इशारा यासाठी अत्यंत महत्त्वाचे आहेत. त्यामुळे भविष्यातील संघर्षात अंतराळातील उपग्रह आणि तंत्रज्ञान हेच मोठे लक्ष्य बनू शकते. अमेरिकेची ही कबुली त्यामुळे नव्या ‘स्पेस वॉर’च्या शर्यतीची सुरुवात मानली जात आहे.