शुक्रवार, 6 नोव्हेंबर 2026
फोटो सौजन्य AI
वाढत्या महागाईच्या दबावामुळे फेडरल रिझर्व्हकडून व्याजदर वाढवला जाऊ शकतो , असा अंदाज बाजारातील गुंतवणूकदार व्यक्त करत आहेत .
मध्यपूर्वेतील युद्धामुळे कच्च्या तेलाच्या पुरवठयावर दबाव वाढला आहे . त्यामुळे तेलाचे दर पुन्हा वाढत असून , अमेरिकेच्या अर्थव्यवस्थेसमोर महागाईचे नवे आव्हान निर्माण झाले आहे . तेलाच्या किमती वाढल्या कि पेट्रोल , डिझेल , वाहतूक आणि उत्पादन खर्चावर परिणाम होतो .
त्याचा थेट परिणाम ग्राहकांच्या खर्चावर आणि कंपन्यांवर उत्पादन खर्चावर होऊ शकतो . त्यामुळे महागाई आणखी वाढण्याची भीती गुंतवणूकदारांना सतावत आहे . या चिंतेमुळे बॉन्ड बाजारात मोठ्या प्रमाणावर विक्रीचा दबाव दिसून येत आहे .
अमेरिकेच्या १० वर्षाच्या ट्रेझरी बॉन्डवरील यिल्ड मंगळवारी ५.०२ टक्क्यांपर्यंत पोहोचली . नंतर ती ५.०४ टक्क्यांच्या आसपासही गेली . २००७ नंतर एवढी उच्च पातळी प्रथमच पहायला मिळाली आहे बॉन्ड यिल्ड वाढण्याचा अर्थ सरकारसाठी कर्ज घेण्याचा खर्च वाढणे असा होतो . याचा परिणाम पुढे कंपन्यांच्या कर्जदारावर आणि ग्राहकांच्या कर्जाच्या खर्चावरही होऊ शकतो . त्यामुळे अमेरिकेच्या अर्थव्यवस्थेवर वाढत्या व्याजदराचा दबाव निर्माण होण्याची शक्यता आहे .
Yemen War : पळायचं कुठे? पुढे गोळ्या, मागे गोळ्या; १.२५ लाख येमेनी नागरिक संकटात
तेलाच्या वाढत्या किमती आणि महागाईच्या दबावामुळे फेडरल रिझर्व्हसमोर मोठी कोंडी निर्माण झाली आहे . बाजारातील व्यवहारांमधून फेडकडून व्याजदर वाढण्याची शक्यता मोठ्या प्रमाणात व्यक्त केली जाते आहे . व्याजदर वाढल्यास महागाई नियंत्रणात आणण्यास मदत होऊ शकते , मात्र त्याचवेळी कर्ज महाग होऊन आर्थिक वाढीवर दबाव येऊ शकतो . त्यामुळे फेडचा आगामी निर्णय केवळ अमेरिकेसाठीच न्हवे , तर जागतिक बाजारासाठीही महत्वाचा ठरणार आहे . अमेरिकेच्या बॉन्ड यिल्डमधील ही वाढ शेअर बाजार , डॉलर आणि इतर देशांच्या कर्जबाजारावरही परिणाम करू शकते .
