सूदानमध्ये मृत्यूचे तांडव! लष्कराने दहशतावदी तळ समजून रुग्णालयालाच उडवलं; चिमुकल्यांसह ६४ जणांचा निष्पाप बळी

Sudan hospital attack : सुदानमध्ये मृत्यूने थैमान घातले आहे. लष्कराने दहशतवादी तळ समजून थेट रुग्णालयावरच हल्ला केला आहे. यामुळे मोठी खळबळ उडाली आहे. या हल्ल्यात महिला आणि लहान मुलांचाही मृत्यू झाल्याचे वृत्त आहे.

• सूडान हादरलं
• लष्कराने रुग्णालयावर केला ड्रोन हल्ला
• १३ चिमुकल्यांसह ६४ निरापराधांचा बळी

Sudan Hospital Attack : एकीकडे मध्यपूर्वेत संघर्ष सुरु असताना दुसरीकडे सुदान(Sudan) मध्येही गृहयुद्धाने भीषण वळ घेतले आहे. या युद्धात आतापर्यंत हजारोंचा बळी गेला आहे. नुकतेच शुक्रवारी(२० मार्च २०२६) रात्री सुदानच्या एका रुग्णालयावर भीषण हल्ला करण्यात आला आहे. या हल्ल्यात लहान चिमुकल्यांसह ६४ जणांचा मृत्यू झाला आहे.

Middle East War : युद्ध पेटलं! डिएगो गार्सियावर हल्ल्यानंतर ब्रिटन आक्रमक; अरब सागरात धाडली घातक अणु पाणबुडी, इराणचा करणार गेम?

मिळालेल्या माहितीनुसार, शुक्रवारी(२० मार्च २०२६) सुदानच्या पूर्व दारफुर प्रांतातील अल-दाइन टीचिंग हॉस्पिटवर भीषण ड्रोन हल्ला करण्यात आला. या हल्ल्यात १३ निष्पाप चिमुकल्यांचा मृत्यू झाला आहे. तसेच महिलांचाही यामध्ये समावेश आहे. या हल्ल्याने संपूर्ण सुदान हादरला असून जागतिक स्तरावर गंभीर चिंतेचे वातावरण निर्माण झाले आहे.

कोणी केला हल्ला?

मिळालेल्या माहितीनुसार, शुक्रवारी रात्री उशिरा सुदानच्या लष्करी दलाने अल-दाइन शहरातील एका ठिकाणाला लक्ष्य केले. लष्कराने दावा केला आहे की, त्यांनी रॅपिड सपोर्ट फोर्सेस(RSF) च्या बंडखोर गटाच्या तळावर हल्ला केला होता. मात्र हे बॉम्ब थेट रुग्णालयावर पडल्याने हल्ल्यात इमर्जन्सी वॉर्ड, मॅटरनिटी विभाग आणि बालरोग विभाग पूर्णपणे उद्ध्वस्त झाले आहे. जागतिक आरोग्य संघटनेने(WHO) याची पु्ष्टी केली आहे.

WHO ने दिलेल्या माहितीनुसार, लष्कराने केलेल्या हल्ल्यात केवळ रुग्णच नाही, तर दोन महिला पारिचारिका आणि एक पुरुष डॉक्टरचाही मृत्यू झाला आहे. याशिवाय हल्ल्यात ८० हून अधिक लोक गंभीर जखमी झाले असून यामध्ये ८ रुग्णालयतील कर्मचाऱ्यां समावेश आहे. मानवाधिकार संघटनांनी थेट लष्कराला यासाठी जबाबदार धरले आहे.

सुदानमधील गृह युद्ध

गेल्या तीन वर्षांपासून सुदानमध्ये लष्कर आणि निमलष्करी दल रॅपिड सपोर्ट फोर्सेस (RSF) मध्ये सत्ता वर्चास्वावरुन संघर्ष सुरु आहे. एप्रिल २०२३ नंतर या संघर्षाने तीव्र रुप धारण केल असून आतपार्यंत या संघर्षात अनेकांचा मृत्यू झाला आहे. नुकत्याच झालेल्या ताज्या हल्ल्यांनी सुदानमध्ये पुन्हा एकदा अस्थिरतेचे वातचावरण पसरले आहे. RSF वर दाट लोकवस्तीमध्ये ड्रोन हल्ला केल्याचा आरोप आहे. या हल्ल्यात सुदानमधील स्थानिक नागरिकांचा निष्पाप बळी जात आहे. गेल्या तीन वर्षांपासून सुरू असलेल्या या युद्धामुळे आतापर्यंत १.२ कोटी लोक बेघर झाले असून आरोग्य यंत्रणा पूर्णपणे कोलमडली आहे.

आरोग्य संकट

संयुक्त राष्ट्रांचे मानवाधिकार प्रमुख वोल्कर तुर्क यांनी सुदानमधील बिघडत्या परिस्थितीवर चिंता व्यक्त केली आहे. त्यांनी म्हटले आहे की, ड्रोन हल्ल्यांमध्ये २०० हून अधिक सामान्य नागरिकांचा बळी जात आहे. रुग्णालयांवरील हल्ल्यांमुळे औषदांचा तुटवडा आणि डॉक्टरांवरील हल्ल्यांमुळे जनतेला उपचयाविना मरावे लागत आहे. यामुळे आंतरराष्ट्रीय समुदायाकडे यावर तोडगा काढण्याची मागणी केली आहे. अन्याथा मोठे मानवी संकट उभे राहण्याची भिती निर्माण झाली आहे.

Iran war strategy : खामेनेईंनी मृत्यूपूर्वीच रचले होते चक्रव्यूह? इराणच्या सूडाने ट्रम्प-नेतन्याहूंची उडाली झोप; जगाला मोठा इशारा