शुक्रवार, 6 नोव्हेंबर 2026
Iran war strategy : खामेनेईंनी मृत्यूपूर्वीच रचले होते चक्रव्यूह? इराणच्या सूडाने ट्रम्प-नेतन्याहूंची उडाली झोप; जगाला मोठा इशारा (फोटो सौजन्य: सोशल मीडिया)
मिळालेल्या माहितीनुसार, अयातुल्ला अली खामेनेई (Ayatollah Ali Khamenei) यांनी मरणापूर्वीच बॅकअप-प्लॅन तयार केला होता असा इराणी अधिकाऱ्याने खुलासा केला आहे. या खुलाशामुळे जागतिक स्तरावर मोठी खळबळ उडाली आहे. अधिकाऱ्याने दावा केला आहे की, खामेनेईंनी युद्धाच्या तयारीचे आदेश आधीच दिले होते. यामुळे इराणेन अनेक महिन्यांपर्यंत युद्ध लढू शकते.
इराणच्या वरिष्ठ अधिकाऱ्याने म्हटले की, इराणची सध्या रणनीती अनेक महिन्यांपूर्वीच खामेनेईंच्या मार्गदर्शनाखाली आखण्यात आली होती. सर्वोच्च नेतृत्त्वावर हल्ला किंवा त्यांची हत्या करण्यात आली तर लष्कराने कोणती पावले उचलावीत याचे नियोजन आधीच करण्यात आले होते. इराणकडे अद्यापही अनेक गुपित लष्करी क्षमता असून येत्या काळात इस्रायल आणि अमेरिकेचा नाश निश्चित असल्याचा इशारा या अधिकाऱ्याने दिले आहे.
सध्या इराणच्या या अचूक हल्ल्यांमुळे युद्धाचा प्लॅन आधीच ठरवण्यात आला होता का असा प्रश्न उपस्थित केला जात आहे. इराणने अमेरिका-इस्रायलच्या सुरक्षा यंत्रणा निकामी केल्याचाही गावा केला आहे. इराण सातत्याने हल्ले करत आहे.
इराणने रविवारी(२२ मार्च) इस्रायलच्या दक्षिणेकडील डिमोना आणि अराद या शहरांना शेकडो क्षेपणास्त्रांनी लक्ष्य केले आहे. या हल्ल्यात १०० हून अधिक लोक जखमी झाले असून ६ जणांचा मृत्यू झाल्याचे वृत्त आहे. विशेष म्हणजे डिमोना हे इस्रायलचे अण्वस्त्र संशोधनाचे केंद्र आहे. या हल्ल्यामुळे प्रचंड खळबळ माजली आहे.
इराणने याच वेळी हिंद महासागरात अमेरिकेवरही भीषण हल्ला चढवला आहे. इराणने ब्रिटन अमेरिकेच्या संयुक्त लष्करी तळ डिएगो गार्सियावर दोन बॅलेस्टिक क्षेपणास्त्रे डागली आहे. इराणपासून ४००० किमी अंतरावर असलेल्या तळावर हल्ला झाल्याने इराणच्या लांब पल्ल्यांच्या क्षेपणास्त्रांची ताकद जगाला समजली आहे. यामुळे राष्ट्राध्यक्ष डोनाल्ड ट्रम्प (Donald Trump) आणि पंतप्रधान बेंजामिन नेतन्याहू (Benjamin Netanyahu) यांच्या चिंतेते अधिक भर पडली आहे.
