'धमकी देऊ नका....'; तैवानच्या राष्ट्राध्यक्षांचा चीनला सल्ला; संबंध आणखी ताणावपूर्ण
ताइपे: तैवानचे राष्ट्राध्यक्ष लाई चिंग ते यांनी आपल्या पहिल्या विदेश दौऱ्याच्या शेवटी चीनला थेट सल्ला दिला आहे. लाई चिंग यांनी चीनला म्हटले आहे की, धमकी न देता शांतीचा मार्ग स्वीकाराण्यास सागंतिले आहे. लाई चिंग ते यांनी असे म्हटले की, चीनने आपल्या शेजारील देशांसोबत वाद निर्माण करण्याऐवजी त्यांच्यासाठी आपली शस्त्रांची दारे उघडली पाहिजे. त्यांचा हा सल्ला चीनच्या आक्रमक धोरणावर लक्ष केंद्रित करून देण्यात आला आहे.
युद्धाने चीनने कोणत्याही देशाची साथ मिळवू शकत नाही
लाई चिंग ते यांनी प्रशांत महासागरातील पलाऊ या लहान राष्ट्रात पत्रकारांशी संवाद साधताना चीनच्या सैन्य हालचालींवर भाष्य केले. ते म्हणाले, “शेजारील देशांवर दबाव टाकण्यासाठी कितीही सैन्य सराव, युद्धनौका किंवा लढाऊ विमाने वापरली तरी चीन कोणत्याही देशाचा आदर जिंकू शकत नाही.” हे विधान त्या पार्श्वभूमीवर महत्त्वाचे ठरते जेव्हा चीनने त्यांच्या दौऱ्याच्या उत्तरादाखल तैवानच्या आजूबाजूच्या भागात सैन्य सराव करण्याचे संकेत दिले आहेत.
चीन-तैवान तणावपूर्ण संबंध
चीन आणि तैवान यांच्यातील संबंध नेहमी तणावपूर्ण राहिले आहेत. चीन तैवानला आपला भाग मानतो, परंतु तैवान हा एक स्वतंत्र आणि सार्वभौम राष्ट्र आहे, असा तैवानचा दावा आहे. तैवानवर वर्चस्व मिळवून चीन पश्चिम प्रशांत महासागरात आपले वर्चस्व प्रस्थापित करू शकतो, यामुळे अमेरिकेच्या हवाई व गुआमसारख्या लष्करी तळांना धोका निर्माण होण्याची शक्यता तज्ञांकडून वर्तवली जात आहे. याच पार्श्वभूमीवर, लाई चिंग ते यांचे विधान चीनला थेट आव्हान देणारे मानले जात आहे.
फोटो सौजन्य: सोशल मीडिया
चीनने तैवानविरोधात आक्रमक भूमिका घेतली आहे, विशेषतः अमेरिकेने तैवानला शस्त्रास्त्र विक्री केल्यामुळे चीनने 13 अमेरिकी कंपन्या आणि सहा अधिकाऱ्यांवर निर्बंध लादले आहेत. या घटनांच्या पार्श्वभूमीवर लाई चिंग ते यांनी म्हटले की, “सत्तावादी देश जेव्हा एकत्र येतात, तेव्हा लोकशाही देशांनी जागतिक आणि प्रादेशिक स्थैर्य टिकवण्यासाठी एकत्र काम केले पाहिजे.” चीनच्या आक्रमक धोरणाला उत्तर देताना तैवानने जागतिक शांततेचा मुद्दा पुढे आणला आहे.
तैवान व अमेरिका संबंध अधिक दृढ
लाई चिंग ते यांनी चीनला स्पष्टपणे सांगितले की, धमक्या आणि दबावाच्या मार्गाने चीनला काहीही साध्य होणार नाही. त्यांनी शेजारील देशांसाठी शांततेच्या दिशेने पाऊल उचलण्याचा सल्ला दिला आहे. या विधानामुळे जागतिक पटलावर तैवानचा मुद्दा पुन्हा एकदा चर्चेत आला आहे. काही दिवसांपूर्वी अमेरिकेने तैवानचे राष्ट्राध्यक्ष लाई चांग यांचे स्वागत केले होते. यामुळे चीन संतापला होता. यामुळे चीन-अमेरिका संबंध बिघडण्याची शक्यता वर्तवली जात आहे. या सर्व पार्श्वभूमीवर, तैवान व अमेरिका यांचे संबंध अधिक दृढ होत आहेत, तर चीनने आपली नाराजी व्यक्त करत प्रतिकाराची भूमिका घेतली आहे.
.png "Videos"){kind=small}
