Deportation: अमेरिकेतून भारतीयांची ‘सन्मानाने’ हकालपट्टी? 2 लाख रुपये घ्या आणि देश सोडा; ताजमहाल फोटोने आणखी पेटला वाद

DHS Taj Mahal Photo Controversy : ट्रम्प प्रशासन देशातून कागदपत्रे नसलेल्या भारतीयांना हद्दपार करण्यास कटिबद्ध आहे. आता, अमेरिकेच्या गृह सुरक्षा विभागाने ताजमहालच्या फोटोसह एक नवीन प्रस्ताव जारी केला आहे.

• स्वयं-देशत्याग मोहीम
• मोठं आर्थिक आमिष
• ताजमहालचा वादग्रस्त वापर

Trump Self-Deportation Program 2026 : वॉशिंग्टनमधून एक अत्यंत खळबळजनक बातमी समोर येत आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी सत्तेत आल्यापासून बेकायदेशीर स्थलांतरितांविरुद्ध आक्रमक पवित्रा घेतला आहे. आता या मोहिमेला अधिक वेग देण्यासाठी ट्रम्प प्रशासनाने एक नवीन आणि धक्कादायक ‘एक्झिट प्लॅन’ तयार केला आहे. ज्या भारतीय नागरिकांकडे अमेरिकेत राहण्यासाठी वैध कागदपत्रे नाहीत, त्यांना जबरदस्तीने हद्दपार करण्याऐवजी स्वतःहून देश सोडण्यासाठी मोठे आर्थिक आमिष दाखवण्यात येत आहे. अमेरिकेच्या गृह सुरक्षा विभागाने (DHS) यासाठी ‘CBP Home’ नावाचा प्रोग्राम लाँच केला आहे.

२,६०० डॉलर्सचा बोनस आणि मोफत विमान प्रवास

या नवीन योजनेनुसार, जे भारतीय स्थलांतरित स्वेच्छेने अमेरिका सोडून मायदेशी परतण्याचा निर्णय घेतील, त्यांना ट्रम्प सरकार २,६०० डॉलर्सचा ‘एक्झिट बोनस’ देणार आहे. भारतीय चलनात ही रक्कम सुमारे २ लाख १५ हजार रुपयांपेक्षा जास्त होते. इतकेच नाही तर, या नागरिकांना भारतात परतण्यासाठी विमानाचे तिकीटही मोफत दिले जाईल. “अटक आणि अपमानास्पद हकालपट्टी टाळण्यासाठी हा एक सुवर्णसंधीसारखा पर्याय आहे,” असे अमेरिकन प्रशासनाचे म्हणणे आहे. मात्र, या मोहिमेसाठी वापरलेली जाहिरातबाजी भारतीयांच्या पचनी पडत नाहीये.

जागतिक घडामोडी संबंधित बातम्या वाचण्यासाठी येथे क्लिक करा : Crude Oil: उच्चस्तरीय जागतिक रणनीती! चार टँकर, लाखो बॅरल तेल गुप्त मार्गाने पाठवून ‘या’ मुस्लिम देशाने जिंकले भारताचे मन

ताजमहालच्या फोटोवरून वाद: मार्केटिंग की अपमान?

DHS ने सोशल मीडिया प्लॅटफॉर्म ‘X’ वर या योजनेची जाहिरात करताना भारताचे प्रतीक असलेल्या ‘ताजमहाल’चा फोटो वापरला आहे. “जेव्हा तुम्ही स्वतःला हद्दपार करण्यासाठी CBP Home वापरता, तेव्हा तुम्हाला मोफत प्रवास आणि बोनस मिळेल,” असे या पोस्टमध्ये म्हटले आहे. भारताच्या अस्मितेचा वापर करून भारतीयांनाच देशाबाहेर काढण्याचे आवाहन केल्याने सोशल मीडियावर संतापाची लाट आहे. अनेकांनी याला अमेरिकेची ‘कमकुवत विपणन रणनीती’ (Weak Marketing Strategy) म्हटले आहे.

See more

The US Dept of Homeland Security (@DHSgov) launches ‘self-deportation’ programme offering $2,600 and free flights to undocumented migrants The DHS’ post on X features a photo of the Taj Mahal, saying “Fly to India for free”, along with images of China and Colombia Read:… pic.twitter.com/Bi1htIv7ix — CNBC-TV18 (@CNBCTV18News) March 18, 2026

credit – social media and Twitter

‘CBP Home’ प्रोग्रामची चार प्रमुख आकर्षणे

ट्रम्प प्रशासनाने स्थलांतरितांना आकर्षित करण्यासाठी चार प्रमुख सवलती जाहीर केल्या आहेत: १. अटकेची भीती नाही: जर बेकायदेशीर स्थलांतरितांनी ॲपद्वारे स्वतःची नोंदणी केली, तर इमिग्रेशन विभाग त्यांना अटक करण्यास किंवा ताब्यात घेण्यास प्राधान्य देणार नाही. २. आर्थिक फायदा: २,६०० डॉलर्स रोख, मोफत प्रवास आणि उशिरा देश सोडल्याबद्दल लागणारा दंडही माफ केला जाईल. ३. सन्मानाने निर्गमन: कोणत्याही पोलीस हस्तक्षेपाशिवाय सामान्य प्रवाशाप्रमाणे विमानतळावरून तुम्ही मायदेशी जाऊ शकाल. ४. दंडाची माफी: ज्यांना यापूर्वी हकालपट्टीचे आदेश दिले गेले होते आणि त्यांच्यावर आर्थिक दंड आकारला होता, तो सर्व दंड या योजनेअंतर्गत पूर्णपणे माफ केला जाईल.

जागतिक घडामोडी संबंधित बातम्या वाचण्यासाठी येथे क्लिक करा : Hormuz Strait: ‘आम्ही होर्मुझची सामुद्रधुनी…’ इराणची ‘या’ देशांना परवानगी तर ‘यांना’ नाही; India-Iran नात्याचे गूढ कायम

भारतासह चीन आणि कोलंबियाही निशाण्यावर

हा कार्यक्रम केवळ भारतीयांसाठीच नाही, तर चीन आणि कोलंबियाच्या नागरिकांसाठीही लागू करण्यात आला आहे. अमेरिकेतील वाढती बेकायदेशीर लोकसंख्या कमी करण्यासाठी ट्रम्प सरकारने उचललेले हे पाऊल जगभरात चर्चेचा विषय ठरत आहे. एकीकडे सक्तीची हकालपट्टी टाळण्यासाठी हा मार्ग योग्य वाटत असला, तरी ताजमहालसारख्या ऐतिहासिक वास्तूचा वापर करून भारतीयांना ‘बाहेर’चा रस्ता दाखवणे हे राजनैतिकदृष्ट्या चुकीचे असल्याचे तज्ज्ञांचे मत आहे.