शनिवार, 7 नोव्हेंबर 2026
'जर होर्मुझच्या सामुद्रधुनीतून जहाजांना जाण्याची परवानगी दिली गेली', तर कोणत्या देशांना परवानगी आहे हे इराणने उघड केले आहे, भारतीय जहाजे जाऊ शकतील का? ( फोटो सौजन्य : सोशल मीडिया )
Iran Permission for Indian Ships Hormuz : मध्यपूर्वेतील रणसंग्राम (US-Israel Iran War) शिगेला पोहोचलेला असतानाच, जगाची ‘आर्थिक रक्तवाहिनी’ मानल्या जाणाऱ्या होर्मुझच्या सामुद्रधुनीतून (Strait of Hormuz) एक महत्त्वाची बातमी समोर येत आहे. इराण आणि इस्रायल-अमेरिका यांच्यातील वाढत्या लष्करी संघर्षामुळे हा सागरी मार्ग बंद होण्याची भीती व्यक्त केली जात होती. मात्र, इराणने आता आपली भूमिका स्पष्ट केली असून, भारत, पाकिस्तान आणि तुर्की यांसारख्या मित्रराष्ट्रांच्या जहाजांना या मार्गावरून जाण्याची मुभा दिली आहे.
इराणचे उप परराष्ट्र मंत्री सईद खतीबजादा यांनी एका विशेष मुलाखतीत माहिती दिली की, इराणचा हा सागरी मार्ग पूर्णपणे बंद करण्याचा कोणताही इरादा नाही. मात्र, जे देश इस्रायल किंवा अमेरिकेच्या लष्करी आघाडीशी थेट जोडलेले आहेत, त्यांच्या जहाजांना कडक निर्बंधांचा सामना करावा लागेल. इराणच्या या निर्णयामुळे भारतीय तेलवाहू जहाजांना (Oil Tankers) मोठा दिलासा मिळाला आहे. विशेष म्हणजे, भारताचे दोन मोठे एलपीजी टँकर्स या सामुद्रधुनीतून सुखरूप बाहेर पडल्याची पुष्टी झाली आहे.
जागतिक घडामोडी संबंधित बातम्या वाचण्यासाठी येथे क्लिक करा : Cluster Bomb: ‘आधी त्यांनी शोक व्यक्त केला मग…’ इराणने तेल अवीवपासून दोहापर्यंत केला ‘असा’ भेदक प्रहार; इस्रायलवर भीतीचे ढग दाट
इराणचे भारतातील राजदूत मोहम्मद फथाली यांनी स्पष्ट केले की, तेहरानने काही भारतीय जहाजांना विशेष परवानगी दिली आहे. मात्र, परिस्थिती अजूनही पूर्णपणे निवळलेली नाही. सूत्रांच्या माहितीनुसार, अद्याप २० हून अधिक भारतीय जहाजे होर्मुझच्या बाहेर नांगर टाकून उभी आहेत आणि त्यांना इराणच्या लष्करी कमांडकडून हिरव्या कंदील मिळण्याची प्रतीक्षा आहे. इराणचे परराष्ट्र मंत्री अब्बास अराघची यांनी स्पष्ट केले आहे की, अंतिम निर्णय हा केवळ लष्कराच्या (IRGC) हातात असेल.
Iran has allowed some Indian vessels to sail through the Strait of Hormuz, Tehran’s Ambassador to India Mohammad Fathali says, confirming a rare exception to the blockade that has disrupted global energy supplies. pic.twitter.com/htUjV4aZLb — Al Arabiya English (@AlArabiya_Eng) March 14, 2026
credit – social media and Twitter
केवळ ५४ किलोमीटर रुंद असलेली ही सामुद्रधुनी जगातील २० टक्क्यांहून अधिक ऊर्जा निर्यातीसाठी जबाबदार आहे. जर हा मार्ग पूर्णपणे बंद झाला, तर जागतिक अर्थव्यवस्था कोलमडू शकते. भारतामध्ये गेल्या काही दिवसांत एलपीजीच्या पुरवठ्यावरून लोकांमध्ये मोठी घबराट पाहायला मिळाली आहे. अनेक शहरांमध्ये गॅस सिलिंडरचा तुटवडा निर्माण होण्याची भीती व्यक्त केली जात असल्याने इराणचा हा सकारात्मक पवित्रा भारतासाठी अत्यंत महत्त्वाचा ठरणार आहे.
जागतिक घडामोडी संबंधित बातम्या वाचण्यासाठी येथे क्लिक करा : Crude Oil: उच्चस्तरीय जागतिक रणनीती! चार टँकर, लाखो बॅरल तेल गुप्त मार्गाने पाठवून ‘या’ मुस्लिम देशाने जिंकले भारताचे मन
अमेरिकेचे अध्यक्ष डोनाल्ड ट्रम्प यांनी होर्मुझची सामुद्रधुनी सुरक्षित करण्यासाठी चीन, जपान, ब्रिटन आणि फ्रान्स यांसारख्या देशांना आपल्या युद्धनौका तैनात करण्याचे आवाहन केले होते. मात्र, इराणशी थेट पंगा घेण्यास बहुतांश देशांनी नकार दिला आहे. अशा परिस्थितीत भारताचे इराणशी असलेले राजनैतिक संबंध फळाला येताना दिसत आहेत. भारताने आपले परराष्ट्र धोरण अत्यंत संतुलित ठेवल्यानेच भारतीय ध्वज असलेल्या जहाजांना आज या ‘डेथ झोन’ मधून बाहेर पडता येत आहे.
Ans: इराणने प्रामुख्याने भारत, पाकिस्तान आणि तुर्की या देशांच्या जहाजांना जाण्याची मुभा दिली आहे, ज्यांचा इस्रायल-अमेरिका लष्करी आघाडीशी संबंध नाही.
Ans: यामुळे भारताचा ऊर्जा पुरवठा विस्कळीत झाला असून अनेक शहरांत एलपीजीचा तुटवडा आणि तेलाच्या किमती वाढण्याची भीती निर्माण झाली आहे.
Ans: ट्रम्प यांनी हा मार्ग पुन्हा उघडण्यासाठी जागतिक शक्तींना एकत्र येण्याचे आवाहन केले आहे आणि या प्रदेशात युद्धनौका तैनात करण्याची विनंती केली आहे.
