सोमवार, 9 नोव्हेंबर 2026
मैत्री असावी तर अशी! इराणच्या युद्धाने रस्ते रोखले, पण सौदीने समुद्रातून पाठवला भारतासाठी मदतीचा 'खजिना'; पाहा स्पेशल रिपोर्ट ( फोटो सौजन्य : सोशल मीडिया )
Saudi Oil Supply India 2026 : मध्यपूर्वेत सध्या बारुदाचा वास पसरला आहे. अमेरिका, इस्रायल आणि इराण यांच्यातील संघर्ष (US-Israel Iran War) आता टोकाला पोहोचला असून, जगाची ‘लाईफलाईन’ मानली जाणारी होर्मुझची सामुद्रधुनी आता युद्धाचं रणांगण बनली आहे. या युद्धामुळे जगात मोठे ऊर्जा संकट निर्माण होण्याची भीती असतानाच, भारतासाठी एक अत्यंत आनंदाची आणि दिलासादायक बातमी आली आहे. भारताचा जुना मित्र असलेल्या सौदी अरेबियाने या कठीण काळात भारताची साथ निभावली आहे. होर्मुझचा मार्ग असुरक्षित झाल्याने सौदीने आता आपल्या ‘यान्बू’ (Yanbu) बंदरातून तांबड्या समुद्रामार्गे भारताला तेलाचा पुरवठा सुरू केला आहे.
जगातील सुमारे २० टक्के तेल व्यापार होर्मुझच्या सामुद्रधुनीतून होतो. मात्र, इराणने या मार्गावर नियंत्रण मिळवण्याचा प्रयत्न केल्याने आणि अमेरिकेने १७ मार्चला इराणच्या क्षेपणास्त्र तळांवर केलेल्या बॉम्बहल्ल्यामुळे हा मार्ग आता ‘नो-गो झोन’ बनला आहे. अशा स्थितीत भारताची तेलाची गरज पूर्ण करण्यासाठी सौदीने आपली १,२०० किलोमीटर लांबीची पाइपलाइन सक्रिय केली आहे. या पाइपलाइनद्वारे तेल प्रथम सौदीच्या पश्चिम किनारपट्टीवरील यान्बू बंदरात आणले जाते आणि तिथून ते टँकरद्वारे थेट भारताकडे पाठवले जात आहे.
जागतिक घडामोडी संबंधित बातम्या वाचण्यासाठी येथे क्लिक करा : Hormuz Strait: महासत्ता हतबल नाही तर आक्रमक! अमेरिकेचे 5,000 पौंडांचे ‘बंकर बस्टर’ बरसले इराणच्या छाताडावर; जमिनीखालचे तळ बेचिराख
जागतिक तेल हालचालींवर लक्ष ठेवणाऱ्या ‘केप्लर’ (Kpler) या संस्थेच्या अहवालानुसार, सौदी अरेबियाने आधीच ४ मोठे टँकर भारतासाठी रवाना केले आहेत. यामध्ये अंदाजे ६ दशलक्ष बॅरल कच्चे तेल आहे. इतकेच नाही तर, मार्च महिन्याच्या अखेरपर्यंत आणखी ९ ते १० दशलक्ष बॅरल तेल भारताला मिळण्याची शक्यता आहे. सौदीच्या या पावलामुळे भारतीय बाजारपेठेत तेलाच्या किमती स्थिर राहण्यास मदत होईल आणि सामान्य जनतेला महागाईच्या झळा बसणार नाहीत.
🚨 While the world panicked about the Strait of Hormuz, Saudi Arabia already had a backup plan. A 1,200 km pipeline across the desert
Persian Gulf ➝ Red Sea Built in 1981 to bypass Hormuz entirely. Now running at full capacity. Up to 7 million barrels of oil per day flowing… pic.twitter.com/cfsQywKVwv — Mossad Commentary (@MOSSADil) March 15, 2026
credit – social media and Twitter
सौदीने निवडलेला हा तांबड्या समुद्राचा मार्ग सोपा नाही. ‘बाब अल-मंदेब’ (Bab al-Mandab) जवळ हुथी बंडखोरांकडून जहाजांवर होणाऱ्या हल्ल्यांचा धोका अजूनही कायम आहे. मात्र, होर्मुझच्या सामुद्रधुनीतील थेट युद्धापेक्षा हा मार्ग सध्या भारतासाठी अधिक सुरक्षित मानला जात आहे. सौदी अरेबियाने आपल्या पाइपलाइनची क्षमता मर्यादित असूनही भारताला प्राधान्य दिले आहे, हे विशेष. यामुळे भारत आणि सौदी अरेबियामधील द्विपक्षीय संबंध किती मजबूत आहेत, हे पुन्हा एकदा सिद्ध झाले आहे.
जागतिक घडामोडी संबंधित बातम्या वाचण्यासाठी येथे क्लिक करा : Dhurandhar 2: कॅनडा-फिनलँड राष्ट्राध्यक्षांनाही ‘धुरंधर’ची भुरळ; लंडनच्या रस्त्यांवरील ‘त्या’ VIRAL VIDEOची चर्चा संपूर्ण जगभर
भारत आपल्या कच्च्या तेलाच्या गरजेपैकी ८० टक्क्यांहून अधिक भाग आयातीद्वारे पूर्ण करतो. होर्मुझचा मार्ग बंद होणे म्हणजे भारतासाठी आर्थिक आणीबाणीसारखी परिस्थिती होती. मात्र, सौदी अरेबियाने ‘यान्बू’ मार्ग उघडून भारताला मोठा आधार दिला आहे. यामुळे देशातील ऊर्जा सुरक्षा (Energy Security) अबाधित राहिली आहे. इराण आणि अमेरिकेतील हे युद्ध किती काळ चालेल हे सांगता येत नसले तरी, सौदीच्या या मैत्रीमुळे भारताचा तेलाचा साठा सुरक्षित आहे.
Ans: सौदी अरेबिया होर्मुझची सामुद्रधुनी टाळून तांबड्या समुद्रामार्गे (Red Sea) आपल्या 'यान्बू' बंदरातून भारताला तेल पुरवठा करत आहे.
Ans: केप्लरच्या अहवालानुसार, ६ दशलक्ष बॅरल तेल घेऊन ४ टँकर निघाले असून मार्च अखेरपर्यंत एकूण १५-१६ दशलक्ष बॅरल तेल मिळण्याची अपेक्षा आहे.
Ans: अमेरिका आणि इराणमधील युद्धामुळे हा मार्ग अत्यंत असुरक्षित झाला असून १७ मार्चला अमेरिकेने तिथे इराणच्या तळांवर बॉम्बहल्ला केला आहे.
