Trump claims on India’s zero-tariff deal India-Pak ceasefire stirs protests
US President Donald Trump : अमेरिकेचे माजी राष्ट्राध्यक्ष डोनाल्ड ट्रम्प यांनी पुन्हा एकदा आंतरराष्ट्रीय व्यासपीठावर मोठा दावा करत भारताशी संबंधित व्यापार आणि राजनैतिक विषयांना हात घातला आहे. ट्रम्प यांच्या म्हणण्यानुसार, भारताने अमेरिकेला ‘शून्य शुल्क व्यापार करार’ (Zero Tariff Trade Deal) करण्याची ऑफर दिली आहे. त्यांनी यासोबतच भारत-पाकिस्तान युद्धबंदीमध्ये आपल्या मध्यस्थीची भूमिका असल्याचेही पुन्हा अधोरेखित केले आहे.
रॉयटर्सने दिलेल्या माहितीनुसार, ट्रम्प यांनी गुरुवारी सांगितले की, “भारत हा खूप कठीण बाजारपेठ आहे. भारतात काहीही विकणे सोपे नाही. मात्र आता ते अमेरिका सोबत शून्य शुल्क व्यापार करार करण्यास तयार आहेत.” या वक्तव्यानंतर आर्थिक व व्यापारी क्षेत्रात खळबळ उडाली आहे. यापूर्वी अमेरिकेने भारतावर २६ टक्के आयात कर लावला होता, ज्यामुळे दोन्ही देशांमध्ये व्यापारसंबंधांमध्ये तणाव निर्माण झाला होता. परिणामी, भारत सरकारने अमेरिका सरकारसोबत करारावरील चर्चा गतिमान केल्या होत्या.
जागतिक घडामोडी संबंधित बातम्या वाचण्यासाठी येथे क्लिक करा : हिमाचलमध्ये सापडला 60 कोटी वर्षांपूर्वीचा ‘खजिना’; पृथ्वीवरील जीवनाच्या उगमाचा दुवा उजेडात
ट्रम्प यांनी यावेळी भारत-पाकिस्तान दरम्यान झालेल्या युद्धसदृश स्थितीबाबतही आपले मत मांडले. त्यांच्या म्हणण्यानुसार, भारताच्या ‘ऑपरेशन सिंदूर’नंतर पाकिस्तानने ड्रोन्स व क्षेपणास्त्रांचा वापर करत आक्रमक प्रतिक्रिया दिली. भारतानेही तत्काळ प्रत्युत्तर दिले आणि पाकिस्तानचे मोठे नुकसान केले. या तणावाच्या काळात ट्रम्प यांनी भारत व पाकिस्तान या दोन्ही देशांशी संपर्क साधला होता. त्यांनी दावा केला की, आपल्या हस्तक्षेपामुळे युद्धबंदी झाली, आणि दोन्ही देशांमध्ये थेट युद्ध टळले.
ट्रम्प यांनी यावेळी अमेरिकेच्या आयात कर धोरणाबाबत माहिती देताना सांगितले की –
1. चीनवर सध्या १४५ टक्के आयात कर लावण्यात आला आहे.
2. व्हिएतनामवर ४६ टक्के कर असून, सध्या ९० दिवसांची सूट देऊन १०% कर लावण्यात येत आहे.
3. ऑस्ट्रेलिया आणि न्यूझीलंड यांच्यावर १० टक्के शुल्क कायम ठेवण्यात आले आहे.
ट्रम्प यांचे धोरण हे अमेरिकेच्या स्थानिक उत्पादनसंस्थांचे रक्षण आणि आयात नियंत्रण यावर केंद्रित होते. मात्र अनेक देशांनी याविरोधात नाराजी व्यक्त केली होती.
भारताने खरोखरच अमेरिकेला शून्य शुल्क व्यापार कराराची ऑफर दिली असल्यास, त्याचे भारतीय उद्योग, कृषी, फार्मा आणि आयटी क्षेत्रावर मोठे परिणाम होऊ शकतात. अमेरिकन बाजारपेठ भारतासाठी अत्यंत महत्त्वाची असून, शून्य शुल्काच्या अटींमध्ये भारतीय निर्यातदारांना मोठा फायदा होऊ शकतो. मात्र त्याचवेळी विदेशी वस्तूंनी भारतीय बाजारपेठेवर ताबा मिळवण्याची शक्यता देखील नाकारता येत नाही.
जागतिक घडामोडी संबंधित बातम्या वाचण्यासाठी येथे क्लिक करा : पाकिस्तानच्या तणावाच्या पार्श्वभूमीवर चीनचा ‘डावपेचपूर्ण हस्तक्षेप’; अरुणाचल दाव्यावर भारताचा मात्र थेट नकार
डोनाल्ड ट्रम्प यांच्या वादग्रस्त आणि स्पष्टवक्तेपणामुळे आंतरराष्ट्रीय राजकारणात अनेकदा नवे वळण मिळते. भारताने अमेरिकेला ‘शून्य शुल्क करार’ देण्याची ऑफर दिली असल्याच्या ट्रम्प यांच्या दाव्यामुळे द्विपक्षीय संबंधांमध्ये घडामोडी घडू शकतात. भारत-पाकिस्तान संघर्षात हस्तक्षेप केल्याचा दावा आणि जागतिक व्यापार धोरणावरील वक्तव्ये ही ट्रम्प यांच्या नव्या निवडणूक मोहिमेचा भागही असू शकते, असा अंदाज राजकीय निरीक्षक व्यक्त करत आहेत. आता यावर भारत सरकारची अधिकृत प्रतिक्रिया काय येते, याकडे संपूर्ण जगाचे लक्ष लागले आहे.
.png "Videos"){kind=small}
