trump taco iran strait of hormuz toll us midterm elections inflation 2026
Trump Always Chickens Out (TACO) meaning : डोनाल्ड ट्रम्प यांच्या ‘अमेरिका फर्स्ट’ धोरणाला इराणने जबरदस्त आव्हान दिले आहे. सुरुवातीला सहा आठवड्यांत इराणला अश्मयुगात ढकलण्याची भाषा करणारे ट्रम्प आता स्वतःच या युद्धातून बाहेर पडण्यासाठी धडपडत असल्याचे दिसत आहे. इतिहास साक्षी आहे की अमेरिकेने कोरिया, व्हिएतनाम आणि अफगाणिस्तानमध्ये सुरुवातीला ताकद दाखवली, पण शेवटी तिथून माघार घ्यावी लागली. इराणच्या बाबतीतही आता तेच घडताना दिसत असून, ट्रम्प यांना आता “TACO” (Trump Always Chickens Out) म्हणजेच ‘ट्रम्प नेहमीच माघार घेतात’ या टोपणनावाने हिणवले जात आहे.
इराणसोबतच्या संघर्षामुळे जागतिक स्तरावर तेल आणि वायूच्या किमती गगनाला भिडल्या आहेत. अमेरिकेत पेट्रोलच्या किमती ३५ टक्क्यांनी वाढल्या असून खतांच्या दरवाढीमुळे शेतकरी हवालदिल झाला आहे. महागाईचा दर ३.३ टक्क्यांपर्यंत पोहोचला असून तो नियंत्रणात येण्याची चिन्हे नाहीत. यामुळे ट्रम्प यांची लोकप्रियता मोठ्या प्रमाणात घसरली आहे. नोव्हेंबरमध्ये होणाऱ्या मध्यावधी निवडणुकांमध्ये जर रिपब्लिकन पक्षाचा पराभव झाला, तर ट्रम्प यांचे कार्यकारी अधिकार कमी होतील आणि ते केवळ नाममात्र राष्ट्राध्यक्ष उरतील. ही भीतीच ट्रम्प यांना आता शांतता चर्चेकडे खेचत आहे.
जागतिक घडामोडी संबंधित बातम्या वाचण्यासाठी येथे क्लिक करा : Diplomatic War: 4,596 वर्षांचा तुरुंगवास? तुर्कियेचा नेतान्याहूंना दणका; इस्रायलनेही ‘कागदी वाघ’ म्हणत केली एर्दोगानची गुपितं उघड
इराणने अमेरिकेच्या हल्ल्यांपुढे झुकण्याऐवजी आपला प्रतिकार अधिक तीव्र केला आहे. इराणचे लष्करी नेते मारले गेले तरी इराणी जनतेचा निर्धार कमी झालेला नाही. उलट, इराणने आता होर्मुझच्या सामुद्रधुनीवर पूर्णपणे नियंत्रण मिळवले आहे. जगातील २० टक्के तेल वाहतूक याच मार्गातून होते. इराणने आता प्रत्येक बॅरल मागे १ डॉलर ‘टोल’ आकारण्याचा प्रस्ताव ठेवला आहे. जर दिवसाला २० दशलक्ष बॅरल तेल इथून जात असेल, तर इराण केवळ बसल्या जागी दररोज २० दशलक्ष डॉलर कमावेल. वर्षाकाठी हा आकडा ७.३ अब्ज डॉलर्सच्या (अंदाजे ६० हजार कोटी रुपये) घरात जातो. अमेरिकन नौदलाने या मार्गाला संरक्षण देणे अव्यवहार्य असल्याचे सांगितल्यामुळे आता इराणची ही ‘टोल वसुली’ ट्रम्प यांना निमूटपणे मान्य करावी लागण्याची शक्यता आहे.
Trump TACO Tuesday lego rap track ‘Trump Always Chickens Out’ https://t.co/SsoMsopRl3 pic.twitter.com/tfJj4Z9KRU — RT (@RT_com) April 9, 2026
credit – social media and Twitter
ट्रम्प यांनी इराणच्या वीज केंद्रांवर हल्ल्याची धमकी दिली तेव्हा हजारो इराणी नागरिकांनी तिथे मानवी साखळ्या तयार करून “आम्हाला मारून दाखवा” असे आव्हान दिले. या ‘ह्युमन शील्ड’मुळे ट्रम्प यांना माघार घ्यावी लागली. तसेच, महागड्या अमेरिकन क्षेपणास्त्रांना उत्तर देण्यासाठी इराणने स्वस्त ड्रोन आणि स्फोटकांनी भरलेल्या बोटींचा वापर करून सौदी अरेबिया आणि कतारच्या तेल क्षेत्रांना लक्ष्य केले आहे. यामुळे इराणला युद्धाचा खर्च कमी येत आहे, तर अमेरिकेची आर्थिक हानी मोठी होत आहे.
जागतिक घडामोडी संबंधित बातम्या वाचण्यासाठी येथे क्लिक करा : India Nepal Ties : ‘ती’ मोदींची रणनीती! दिल्ली निमंत्रणानंतर PM बालेंद्र शाहांचा ‘Delhi Plan’ तयार; नेपाळची भारतासोबत खलबतं
जरी आता शांतता चर्चा सुरू झाली असली, तरी तेल उत्पादन पूर्ववत व्हायला बराच वेळ लागणार आहे. नोव्हेंबरपर्यंत महागाई कमी होण्याची शक्यता कमी आहे. यामुळे ट्रम्प यांना मोठा राजकीय फटका बसू शकतो. इराणला अश्मयुगात नेण्याचे स्वप्न पाहणारे ट्रम्प आता स्वतःच्याच देशात आर्थिक संकटात सापडले आहेत. इराणने केवळ लष्करी बळावरच नाही, तर आर्थिक आणि धोरणात्मक आघाडीवरही ट्रम्प यांना चक्रव्यूहात अडकवले आहे.
Ans: ट्रम्प सुरुवातीला मोठी धमकी देतात आणि नंतर राजकीय दबावामुळे माघार घेतात, या प्रवृत्तीमुळे त्यांना "TACO" (Trump Always Chickens Out) हे टोपणनाव मिळाले आहे.
Ans: इराण तेल वाहतुकीवरील टोलमधून दररोज २० दशलक्ष डॉलर आणि वार्षिक सुमारे ७.३ अब्ज डॉलर कमावण्याची अपेक्षा करत आहे.
Ans: महागाई आणि पेट्रोलच्या वाढत्या किमतींमुळे ट्रम्प यांच्या रिपब्लिकन पक्षाला मोठा पराभव सहन करावा लागू शकतो, ज्यामुळे त्यांचे राजकीय वर्चस्व कमी होईल.
.png "Videos"){kind=small}
