US Iran Peace Talks : ‘या’ एका अटींमुळे फिस्कटली शांतता चर्चा; इराणचे अमेरिकेवर गंभीर आरोप, म्हणाला…

US Iran Tensions : इस्लामाबाद येथील शांतता चर्चा फिस्कटल्याने जगभरात चिंतेचे वातावरण निर्माण झाले आहे. दोन्ही देशांतील तणाव शिगेला पोहोचून पुन्हा युद्धाचा भडका उडण्याची शक्यता आहे.

• अमेरिका इराण चर्चा निष्फळ
• जे युद्धात शक्य झालं नाही, तर चर्चेतून साध्य करण्याचा अमेरिकेचा प्रयत्न
• इराणचे अमेरिकेवर गंभीर आरोप

US Iran Peace Talks Fails : वॉशिंग्टन/तेहरान : शनिवारी (११ एप्रिल २०२६) पाकिस्तानच्या इस्लामाबाद येथे अमेरिका इराणमध्ये शांतता चर्चा पार पाडली. जवळपास २१ तास ही चर्चा सुरु होती. मात्र या चर्चेत कोणताही निकाल लागलेला नाही. इराणने अमेरिकेच्या अटी मान्य करण्यास नकार दिला आहे. इराणने अमेरिकेवर गंभीर आरोपही केले आहे. यामुळे पुन्हा एकदा मध्यपूर्वेत युद्धाचे ढग अधिक गढद झाले आहेत.

US Iran शांतता चर्चा फिस्कटली; त्यापूर्वीच भारताचे LPG टँकर Hormuz मधून सुखरुप बाहेर, जग पाहतचं राहिलं

नेमकं काय घडलं चर्चेत?

पाकिस्तानचे पंतप्रधान शाहबाज शरीफ आणि फील्ड मार्शल असीम मुनीर यांच्या मध्यस्थीने अमेरिका इराणमध्ये वाटाघाटी चर्चा सुरु होती. मात्र इस्लामाबादमध्ये सुरु असलेल्या उच्चस्तरीय राजनैतिक चर्चेत कोणताही ठोस करार झालेला नाही. इराणच्या मते, अमेरिकेच्या अटी अत्यंत जाचक आणि कठोर होत्या. यामुळेच चर्चा फिस्कटली असल्याचे इराणने म्हटले असून अमेरिकेच्या तटस्थ भूमिकेवर टीका केली आहे.

इराणच्या सरकारी वृत्तसंस्थेने दिलेल्या माहितीनुसार, अमेरिकेला युद्धात जे साध्य करता आले नाही, ते चर्चेच्या टेबलावर साध्य करायचे होते. चर्चेच्या माध्यमातून इराणचे होर्मुझवरील नियंत्रण कमी करण्याचा आणि इराणच्या अण्वस्त्र कार्यक्रमावर बंदी घालण्याचा अमेरिकेचा प्रयत्न सुरु होता. काही मुद्द्यांवर दोन्ही देशांतमध्ये सहमती झाली, परंतु महत्त्वाच्या  विषयांवर वाद कायम राहिल्याने चर्चा थांबवावी लागली. इराणने राष्ट्रीय हिताशी तडजोड करण्यास नकार दिला.

अमेरिकेचे स्पष्टीकरण

दुसरीकडे अमेरिकेचे उपराष्ट्राध्यक्ष जेडी वेंस यांनी रविवारी(१२ एप्रिल) पत्रकार परिषदेत सांगितले की, आम्ही २१ तास सलग चर्चा केली. परंतु इराणने आमच्या अटी मान्य करण्यास नकार दिला असून ही अत्यंत वाईट बाब आहे. वेंस यांच्या म्हणण्यानुसार, इराणने अण्वस्त्र कार्यक्रम थांबवण्याबाबत कोणतीही ठोस हमी दिली नाही, हा अमेरिकेसाठी अत्यंत महत्त्वाचा मुद्दा होता.

पाकिस्तानची प्रतिक्रिया

दरम्यान या चर्चेवर पाकिस्तानची पहिली प्रतिक्रिया समोर आली आहे. पाकिस्तानचे परराष्ट्र मंत्री इशाक दार यांनी म्हटले की, पाकिस्तानने दोन्ही देशांना चर्चेच्या एका टेबालावर आणण्याचा प्रयत्न केला. परंतु करार होऊ शकला नाही. असे असले तर आमची इच्छा आहे की, दोन्ही देशांमधील शस्त्रसंधी आणखी वाढवण्यात यावी. पुढील चर्चेसाठी वातावरण शांत राहणे, दोन्ही देशांनी संयम बाळगणे अत्यंत महत्त्वाचे आहे असे इशाक दार यांनी म्हटले. आता पाकिस्तानच्या या विनंतीला मान देऊन अमेरिका इराणमधील शस्त्रसंधी वाढते का नाही याकडे सर्वांचे लक्ष लागले आहे.

See more

JUST IN 🇵🇰🇮🇷: Pakistan Issues Statement on Failed U.S. and Iran Talks in Islamabad “Pakistan will continue facilitating engagement and dialogue between Iran and the United States in the days to come.” https://t.co/TSeq24J1eJ pic.twitter.com/eYPoGkEejj — Ryan Rozbiani (@RyanRozbiani) April 12, 2026

Trump Warns China : इराणला मदत करणं चीनला पडणार महागात; ट्रम्प यांनी दिला ड्रॅगनला थेट इशारा