परदेशी उद्योजकांना मिळणार UAE चे नागरिकत्व? सरकारने कायद्यात केला ‘हा’ नवा बदल

UAE New Law : UAE सरकारने आपल्या देशाच्या कॉर्पोरेट कायद्यात मोठा बदल केला आहे. UAE सरकार परदेशी कंपन्यांना देशाची ओळख देणार आहे. परंतु यासाठी तुमची कंपनीही नोंदणीकृत असली पाहिजे.

• यूएईच्या कॉर्पोरेट कायद्यात मोठा बदल
• परदेशी कंपन्यांना मिळणार यूएईची ओळख
• परदेशी कंपन्यांच्या मालकांना मिळणार का यूएईचे नागरिकत्व

UAE Corporate Law 2026 : अबू धाबी : एक महत्त्वपूर्ण वृत्त आहे. संयुक्त अरब अमिराती (UAE)ने त्यांच्या कॉर्पोरेट कायद्यात नवा बदल केला आहे. यामुळे UAE त स्थायिक असलेल्या परदेशी कंपन्यांना देशाचा अधिकृत दर्जा मिळणार आहे. मात्र ही सिटीझनशिप केवळ कंपन्यांसाठी लागू होईल, कंपनीचे मालक किंवा गुंतवणूकदारांसाठी नव्हे. केवळ युएईकडून कायदेशीर मान्यता मिळालेल्या कंपन्यांना हा नियम लागू होणार आहे.

Saudi VS UAE : जग व्हेनेझुएलात गुंतले असताना सौदीने खेळला मोठा डाव; येमेनमध्ये UAE ला दिला मोठा धक्का

केवळ कंपन्यांना मिळणार UAE ची ओळख

UAE चे अर्थ आणि पर्यटन मंत्री अब्दुल्ला बिन तौक अल मारी यांनी याची घोषणा केली आहे. त्यांनी दिलेल्या माहितीनुसार, यूएईच्या नव्या काद्यानुसार, देशात कुठेही स्थापन झालेल्या अधिकृत कंपन्यांना म्हणजेच मॅनलँड आणि फ्री-झोनमधील कंपन्यांना त्यांची ओळख मिळणार आहे. आर्थिक मुक्त क्षेत्रांमध्ये असलेल्या कंपन्यांना यूएईची कॉर्पोरेट मान्यता मिळेल.

अब्दुल्ला यांनी ब्रिटन आणि जर्मनीचे उदाहरण देत सांगितले की, ज्याप्रमाणे या देशांमध्ये नोंदणीकृत व्यवसायांना त्यांची ओळख दिले जाते, तसेच UAE देखील कंपन्यांना नागरिकत्व देणार आहे. अब्दुल्ला यांनी हेही स्पष्ट केले आहे की, ही ओळख केवळ कंपन्यांसाठी असेल. कंपनीचे मालक किंवा वैयक्तिक गुंतवणूकदारांसाठी नाही.

काय आहे UAE चा कॉर्पोरेट नागरिकत्व कायदा

UAE च्या या नव्या कायद्यानुसार, कंपनीच्या मालकांना किंवा वैयक्तिक भागीदारांना देशाचे नागरिकत्व मिळणार नाही. हा कायदा केवळ कंपन्यांना UAE ची ओळख देण्यासाठी आहे. UAE मध्ये कुठेही स्थापन झालेल्या अधिकृत कंपन्यांना हा नवा कायदा या कंपन्यांना जागतिक स्तरावर UAE कंपनी म्हणून ओळख देईल. तसेच UEA ब्रँडचा त्यांना फायदा होईल. त्याच्या निर्यात होणाऱ्या वस्तूंवर UAE चे लेबल असेल.

भारताला होणार फायदा?

• UAE च्या या नव्या काद्यामुळे भारतीय कंपन्यांना जागतिक स्तरावर ओळख मिळण्याची शक्यता आहे. यामुळे मध्य-पूर्व, युरोप  आणि आफ्रिकेतील व्यापार सोपा होईल.
• तसेच UAE हा भारताचा ट्रेड हब असल्याने त्याच्या ब्रँड अंतर्गत निर्यात केल्यावर भारतीय वस्तूंना जलद बाजारपेठा मिळतील.
• कायदेशीर अधिकारामुळे भारतीय गुंतवणूकदारांचा विश्वास वाढेल, ज्यामुळे स्टार्टअप्स आणि दीर्घकाळ गुंतवणूकदारांना याचा फायदा होईल
• भारत-UAE च्या मुक्त व्यापार कराराला आणखी चालना मिळेल.

 

UAE चा गोल्डन व्हिसा भारतीयांना मिळणार का? जोरदार चर्चांनंतर प्रशासनाने स्पष्टच सांगितलं