US China -चीन-अमेरिकेतील व्यापारयुद्धाला ब्रेक? ३० अब्ज डॉलरच्या शुल्क कपातीवर सहमती; AI वरही चर्चा

US China : शी जिनपिंग आणि डोनाल्ड ट्रम्प यांच्या भेटीदरम्यान चीन-अमेरिकेतील व्यापार तणाव कमी करण्यासाठी सुमारे ३० अब्ज डॉलरच्या आयात शुल्क कपातीवर सहमती झाली. यासोबतच कृत्रिम बुद्धिमत्ता क्षेत्रातील जोखीम, सुरक्षा आणि सहकार्याबाबत दोन्ही देशांमध्ये स्वतंत्र संवाद सुरू करण्याचा निर्णय घेण्यात आला.

• ३० अब्ज डॉलरच्या व्यापारावर शुल्क कपात
• AI स्वतंत्र संवाद सुरु होणार
• मोठ्या तणावाच्या पार्श्वभूमीवर महत्वाची बैठक

US China : तब्बल ११ वर्षानंतर चीनचे राष्ट्राध्यक्ष शी जिनपिंग यांनी बहुचर्चित अमेरिका दौरा सुरु केला . या दौऱ्याकडे साऱ्या जगाचे लक्ष लागून राहिले आहे . कारण आजच्या घडीला जगात अमेरिकेसमोर जश्यास तसे उत्तर देणारा आणि ते ही सगळ्याच पातळ्यांवर जसे GDP , AI , Rare Earth , Technology , Sports , Education या मुळे चीन जगाच्या राजकारणात महत्वाची भूमिका बजावत आहे .

आणि अमेरिकेला आव्हान देत असल्याने या दोन ताकदवान देशांनी एकत्र येऊन विविध मुद्द्यांवर बैठक घेणे ही जागतिक राजकारणात महत्वाची गोष्ट आहे . अशातच टॅरिफ युद्धाच्या वेळीही अमेरिकेच्या टॅरिफवर तेवढाच टॅरिफ चीनने लावला होता .त्यामुळे दोन्ही देशांतील संबंध गरम झाले होते . आणि याच टॅरिफ युद्धावर या बैठकीत टॅरिफ युद्धाला ब्रेक लागण्याची शक्यता निर्माण झाली आहे .

३० अब्ज डॉलरच्या व्यापारावर शुल्क कपात

सध्या तरी जगात अमेरिकेपेक्षा सगळ्यात जास्त रेअर अर्थ हे चीनकडे आहेत . अमेरिका ग्रीनलँडच्या मागे रेअर अर्थ साठी लागला असून अजूनतरी त्याला ग्रीनलँड मिळवणे शक्य झाले नाही . यामुळे टॅरिफ युद्धात अमेरिकेला चीनसमोर माघार घ्यावी लागली . आणि याचाच दुसरा प्रत्यय जीनपिंग आणि ट्रम्प यांच्या अमेरिकेतील भेटीमध्ये दिसून आला आहे .

चीन आणि अमेरिकेने दोन्ही बाजूने सुमारे ३० अब्ज डॉलरच्या वस्तूंवरील आयात कमी करण्याच्या व्यवस्थेवर सहमती दर्शवली आहे . हा करार प्रामुख्याने गैर – संवेदनशील वस्तूंशी संबंधित आहे . दोन्ही देशांच्या व्यापार पथकांना या निर्णयाची अंमलबजावणी करण्याचे निर्देश देण्यात आले आहेत .

याचा उद्देश गेल्या काही वर्षांपासून सुरु असलेल्या अमेरिका चीन टॅरिफ संघर्षातील तणाव कमी करणे आणि द्विपक्षीय व्यापारासाठी अधिक स्थिर वातावरण तयार करणे हा आहे .

Syria News : दारामध्ये पुन्हा इस्रायली सैन्याची धडक; वाडी अल-रुक्कदमध्ये गोळीबारानंतर हालचाली वाढल्या

AI स्वतंत्र संवाद सुरु होणार

दोन्ही देशांनी कृत्रिम बुद्दीमत्तेसोबत स्वतंत्र संवाद यंत्रणा सुरु करण्याचे मान्य केले आहे . या चर्चेत AI चे फायदे ,धोके,सुरक्षा आणि गैरवापर यावर चर्चा होणार आहार . तसेच AI शी संबंधित गंभीर घटनांसाठी दोन्ही देशांमध्ये संवादाचे माध्यम तयार करण्याचीही योजना आहे .

पुढील AI संवाद नोव्हेंबर २०२६ मध्ये होणार असल्याचे सांगण्यात आले आहे . शी जिनपिंग यांनी चीन आणि अमेरिका AI क्षेत्रात स्पर्धक असले तरी AI च्या जोखमी कमी करण्यासाठी सहकार्य आणि संवादाची गरज असल्याचे म्हंटले आहे . त्यांनी AI वर मानवी नियंत्रण कायम राहावे आणि तंत्रज्ञानाचा गैरवापर टाळण्यासाठी दोन्ही देशांनी एकत्र काम करावे ,असे सांगितले आहे .

Afghanistan News : तालिबान म्हणतं ‘संगीत बंद’ पण टॅक्सीमध्ये सुरूच! चेकपोस्ट दिसताच आवाज Off, पुढे गेल्यावर पुन्हा गाणं On ( Sched

मोठ्या तणावाच्या पार्श्वभूमीवर महत्वाची बैठक

हि सहमती अशा वेळी झाली आहे . जेव्हा अमेरिका आणि चीनमध्ये व्यापार , तंत्रज्ञान ,AI आणि इतर धोरणात्मक मुद्यांवर स्पर्धा सुरु आहे . त्यामुळे ३० अब्ज डॉलरची शुल्क कपात आणि AI संवादाची सुरवात ही दोन्ही देशांमधील संबंध व्यवस्थापित करण्यासाठी झालेली महत्वाची पावले आहेत . मात्र या निर्णयाची प्रत्यक्ष अंमलबजावणी किती आणि कशी होते . हे पुढील काळात स्पष्ट होईल .