इराण अमेरिकेत किती दिवसांच्या युद्धबंदीची घोषणा करण्यात आली आहे?

इराण अमेरिकेत दोन आठवड्यांच्या (१४ दिवस) शस्त्रसंधीची घोषणा करण्यात आली आहे.

इराणने अमेरिकेला कोणता इशारा दिला आहे?

इराणने युद्धबंदी स्वीकारली असून होर्मुझ दोन आठवड्यांसाठी खुला करण्याचा इशारा दिला आहे. तसेच त्यांच्यावरील हल्ले थांबवले तर संरक्षणात्मक कारवाया थांबवल्या जातील असेही इराणने म्हटले आहे. परंतु शत्रूने त्यांच्यावर पुन्हा हल्ला केल्यास त्यांना पूर्ण ताकदीने उत्तर दिले जाईल असे इराणने म्हटले आहे.

US Iran Ceasefire : होर्मुझची सामुद्रधुनी खुली होणार! अमेरिकेसोबतच्या युद्धबंदीवर इराणकडून विजयाची घोषणा, पण हात अजूनही ट्रिगरवर?

US Iran Ceasefire : मध्यपूर्वेतील तणाव अखेर दोन आठवड्यांसाठी थांबला आहे. अमेरिका इराणमध्ये युद्धबंदीवर १० एप्रिलपासून चर्चा सुरु होणार आहे. परंतु इराणने त्यांच्यावर पुन्हा हल्ला झाल्यास प्रत्युत्तराचा इशाराही दिला आहे.

By स्वराली शहा

Updated On: Apr 08, 2026 | 09:49 AM

Iran Claims Victory in War with US

अमेरिका इराणमध्ये दोन आठवड्यांची शस्त्रसंधी लागू
इराणची विजयाची घोषणा
पण दिला हा गंभीर इशारा

US Iran Ceasefire News in Marathi : वॉशिंग्टन : गेल्या काही काळापासून जागतिक शांततेसाठी धोका ठरलेल्या इराण आणि अमेरिका संघर्षाला अखेर तात्पुरता विराम मिळाला आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी दोन आठवड्यांच्या युद्धबंदीची घोषणा केल्यानंतर इराणने याला सकारात्मक प्रतिसाद दिला आहे. परंतु ही केवळ युद्धबंदी आहे युद्धाचा अंत नाही, असाही कडक इशारा दिला आहे. सध्या ट्रम्प यांच्या घोषणेनंतर इराणमध्ये युद्धबंदीचा विजय साजरा केला जात आहे.

दिलासादायक ! इराण-अमेरिका युद्ध अखेर थांबले; डोनाल्ड ट्रम्प यांच्याकडून युद्धविरामाची घोषणा, इंधनाचा पुरवठाही सुरळीत होणार

इराण होर्मुझ खुला करण्यास तयार पण…

इराणचे परराष्ट्र मंत्री अब्बास अराघची यांनी सोशल मीडियावर पोस्ट करत म्हटले आहे की, जर आमच्यावरील हल्ले थांबवले गेले, तर आमच्या सैन्य देखील संरक्षणात्मक हल्ले थांबवले. पुढील दोन आठवड्यांच्या कालावधीसाठी इराणच्या सशस्त्र दलांशी समन्वय साधू आणि तांत्रिक मर्यादा घालू, तसेच होर्मुझची सामुद्रधुनी देखील खुली केली जाईल असे त्यांनी म्हटले.

इराणने असाही इशारा दिला की, आम्ही युद्धबंदी स्वीकारत आहोत, पण हात आमचा अजूनही ट्रिगरवर आहे. शत्रूने थोडी जरी चूक केली, त्यांच्यावर भविष्यात हल्ला केला तर त्याला पूर्ण ताकदीने उत्तर दिले जाईल असा कडक आणि स्पष्ट इशारा इराण(Iran)ने दिला आहे.

ट्रम्प यांचा शांतता कराराचा दावा

दुसरीकडे, अमेरिकेच्या व्हाईट हाऊसमध्ये देखील आनंद साजरा केला जात आहे. इराणविरुद्ध युद्धात अमेरिकेचा विजयाची घोषणा करण्यात आली आहे. याच पार्श्वभूमीवर ट्रम्प यांनी दावा केला आहे की, इराणमध्ये अमेरिकेची सर्वा लष्करी उद्दिष्टे पूर्ण झाली आहेत. त्यांनी इराणसोबत दीर्घकालीन शांतता करार अगदी जवळ असल्याचा दावा केला आहे.

पाकिस्तानची मध्यस्थी अन् १० कलमी प्रस्ताव

अमेरिका इराण तणाव (US Iran Conflict) निवळण्यात पाकिस्तानने महत्त्वपूर्ण भूमिका बजावली आहे. अमेरिका आणि इराण दोन्ही बाजूंनी युद्धविरामाची घोषणा करताना पाकिस्तानचे पंतप्रधान शाहबाज शरीफ आणि लष्करी प्रमुख असीम मुनीर (Asim Munir) यांच्या प्रयत्नांमुळे तात्पुरती युद्धबंदी लागू झाल्याचे म्हटले आहे. तसेच इराणने अमेरिकेसमोर १० कलमी प्रस्ताव मांडला असून अमेरिकेने तो मान्य केला आहे. यावर १० एप्रिलपासून पाकिस्तान(Pakistan)च्या इस्लामाबाद येथे चर्चा सुरु होणार आहे.

Statement on behalf of the Supreme National Security Council of the Islamic Republic of Iran: pic.twitter.com/cEtBNCLnWT — Seyed Abbas Araghchi (@araghchi) April 7, 2026

US Iran Ceasefire : होर्मुझपासून ते नुकसानभरपाईपर्यंत… इराणच्या अटींसमोर झुकणार ट्रम्प? शांतता टिकणार का?

💡

Frequently Asked Questions

Que: इराण अमेरिकेत किती दिवसांच्या युद्धबंदीची घोषणा करण्यात आली आहे?

Ans: इराण अमेरिकेत दोन आठवड्यांच्या (१४ दिवस) शस्त्रसंधीची घोषणा करण्यात आली आहे.
Que: इराणने अमेरिकेला कोणता इशारा दिला आहे?

Ans: इराणने युद्धबंदी स्वीकारली असून होर्मुझ दोन आठवड्यांसाठी खुला करण्याचा इशारा दिला आहे. तसेच त्यांच्यावरील हल्ले थांबवले तर संरक्षणात्मक कारवाया थांबवल्या जातील असेही इराणने म्हटले आहे. परंतु शत्रूने त्यांच्यावर पुन्हा हल्ला केल्यास त्यांना पूर्ण ताकदीने उत्तर दिले जाईल असे इराणने म्हटले आहे.