US Iran War : इराणचे अस्तित्व धोक्यात? ट्रम्प यांचा एका रात्रीत विनाशाचा इशारा; होर्मुझबाबतही मोठे विधान

US Iran War Update : मध्यपूर्वेतील अमेरिका इराण युद्ध आता टोकाच्या वळणावर येऊन पोहोचले आहे. या युद्धामुळे जागतिक स्तरावर चिंतेचे वातावरण निर्माण झाले आहे. ट्रम्प यांनी दिलेल्या अल्टीमेटम संपायला आता काही तासच उरले आहेत.

• अल्टीमेटम संपण्यापूर्वीच ट्रम्प यांची नवी धमकी
• इराणला एका रात्रीत उद्ध्वस्त करण्याचा इशारा
• होर्मुझ स्ट्रेट बाबत मोठे विधान

Donald Trump againg Warns Iran : वॉशिंग्टन/तेहरान : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी पुन्हा एकदा इराणविरोधात आक्रमक भूमिका घेतली आहे. ट्रम्प यांनी ४८ तासांचा अल्टीमेटम संपण्यापूर्वी आणखी एक नवी धमकी इराणला दिली आहे. त्यांनी म्हटले आहे की, अमेरिकेच्या अटी मान्य न झाल्यास, इराणचे अस्तित्व धोक्यात येईल. त्यांच्या या धमकीमुळे पुन्हा एकदा जगभरात खळबळ उडाली आहे. ट्रम्प यांनी होर्मुझबाबतही मोठे विधान केले आहे.

US Pilot Rescue Mission : अमेरिकेने पायलटच्या बचाव मोहिमेत आपल्याच विमानांना का उडवले? इराणमध्ये नक्की काय घडलं?

ट्रम्प यांचा अल्टीमेटम

ट्रम्प यांनी इराण(Iran) ला ४८ तासांचा अल्टीमेटम दिला आहे. या वेळी इराणला वाटाघाटी चर्चेचा अटी मान्य करुन शांतता करार करण्यास आणि होर्मुझ सामुद्रधुनी खुली करण्याचा आदेश त्यांनी दिला आहे. असे न झाल्यास इराणला एका रात्रीत उद्ध्वस्त करु असा सज्जड दम ट्रम्प यांनी दिला आहे. असे न केल्यास इराणच्या पायाभूत सुविधा आणि उर्जा प्रकल्पांवर हल्ल्याची धमकी दिली आहे.

होर्मुझ सामुद्रधुनी खुली करण्यासाठी आता केवळ २४ तासांचा वेळ उरला आहे. अशा परिस्थिती व्हाइट हाऊसमध्ये पत्रकार परिषदेत बोलताना ट्रम्प यांनी स्पष्ट केले आहे की, इराणला कोणत्याही परिस्थिती अणू शस्त्रे बनवू दिली जाणार नाहीत. यामुळे युद्धाचा शेवट करायचा का नाही हे इराणवर अवलंबून असल्याचे ट्रम्प यांनी म्हटले.

होर्मुझबाबत मोठे विधान

याच वेळी ट्रम्प यांनी स्ट्रेट ऑफ होर्मुझ(Strait of Hormuz)बाबतही मोठे खळबळजनक विधान केले आहे. त्यांनी म्हटले आहे की, होर्मुझ सामुद्रधुनीतून जाणाऱ्या जहाजांकडून इराणऐवजी अमेरिकेने टोल वसूल केला पाहिजे. त्यांनी इराणच्या खाडीत सुरुंग पेरण्याच्या क्षमतेवरही शंका व्यक्त केली. त्यांनी इराण जगाची दिशाभूल करत असल्याचा दावा केला.

याच वेळी ट्रम्प यांनी अमेरिकेला युद्ध नको असल्याचाही दावा केला. परंतु गरज पडल्यास मागे हटणार नाही हेही त्यांनी स्पष्ट केले. सध्या ट्रम्प यांच्या या विधानामुळे जागतिक बाजारपेठ आणि तेल पुरवट्यावर गंभीर परिणाम होण्याची शक्यता आहे. सध्या संपूर्ण जगाचे लक्ष्य इराणच्या हालचालींकडे लागले आहे.

See more

#WATCH | Washington, DC: US President Donald Trump says, “… This is a critical period… They asked for an extension of seven days; I gave them 10 days… They have till tomorrow. Now we will see what happens… A lot of people are affected by this. We are giving them until… pic.twitter.com/ly9MDBHjLy — ANI (@ANI) April 6, 2026

Iran-US War : डोनाल्ड ट्रम्प यांच्या आक्रमक भूमिकेला अमेरिकेतूनच विरोध; युद्धातून माघार घ्यावी लागणार?