US Midterms 2026 : अमेरिका मध्यावधी निवडणुकांपूर्वी मोठा सायबर हल्ला; फेडरल इलेक्शन कमिशनची फाइलिंग सिस्टीम हॅक झाल्याने खळबळ

US Midterms 2026 : अमेरिकेत ३ नोव्हेंबर रोजी होणाऱ्या मध्यावधी निवडणुकांच्या काही दिवस आधी, हॅकर्सनी अमेरिकेच्या फेडरल इलेक्शन कमिशनला (FEC) लक्ष्य केले आहे. रॉयटर्सच्या वृत्तानुसार, एका सायबर हल्ल्यामुळे त्यांची इलेक्ट्रॉनिक फाइलिंग प्रणाली विस्कळीत झाली आहे.

• सायबर हल्ल्यामुळे प्रणाली ठप्प
• फंडिंग अहवालांना ब्रेक
• मतदानावर परिणाम नाही

अमेरिकेत ३ नोव्हेंबरला होणाऱ्या अत्यंत महत्त्वाच्या मध्यावधी निवडणुकांच्या (US Midterms) अवघ्या काही दिवस आधी एका मोठ्या सायबर हल्ल्याने खळबळ उडवून दिली आहे. अमेरिकेच्या ‘फेडरल इलेक्शन कमिशन’ (FEC) या निवडणूक निधीवर लक्ष ठेवणाऱ्या प्रमुख केंद्रीय यंत्रणेला सायबर हल्लेखोरांनी लक्ष्य केले आहे. या घुसखोरीच्या प्रयत्नामुळे आयोगाची सर्व वेब-आधारित सेवा आणि इलेक्ट्रॉनिक फाइलिंग प्रणाली तात्पुरती बंद करावी लागली असून, निवडणूक खर्चाच्या पारदर्शकतेवर मोठे प्रश्नचिन्ह निर्माण झाले आहे. 

रॉयटर्सने दिलेल्या अहवालानुसार, सोमवारी रात्री FEC च्या एका वरिष्ठ अधिकाऱ्याने सर्व राजकीय पक्षांच्या प्रचार अनुपालन (Campaign Compliance) कंपन्यांना तातडीने एक ईमेल पाठवला. यात त्यांनी एका अज्ञात उपद्रवी घटकाने आयोगाच्या डेटाबेस आणि सिस्टीममध्ये बेकायदेशीर घुसखोरी करण्याचा प्रयत्न केल्याचे उघड केले. सुरक्षेचा उपाय म्हणून यंत्रणेने आपल्या सर्व इलेक्ट्रॉनिक सेवा बंद केल्याने, राजकीय पक्षांना ऐन प्रचाराच्या काळात खर्चाचे कायदेशीर अहवाल दाखल करणे कठीण झाले आहे.

निवडणूक खर्चाच्या अहवालांवर कसा झाला परिणाम?

अमेरिकेतील राजकीय पक्षांसाठी निवडणुकीच्या अंतिम दिवसांमध्ये होणारा प्रचंड खर्च आणि मिळालेला निधी यांचा हिशोब देणे कायदेशीरदृष्ट्या बंधनकारक असते. राजकीय संघटना आणि शक्तिशाली ‘सुपर पीएसी’ (Super PACs) प्रचारावर विक्रमी निधी खर्च करत आहेत. नियमानुसार, निवडणुकीच्या अंतिम टप्प्यात राजकीय उमेदवारांना त्यांच्या २४ तास आणि ४८ तासांच्या आत मिळालेल्या देणग्या आणि खर्चाचा अहवाल FEC कडे ऑनलाइन दाखल करावा लागतो.

या सायबर हल्ल्यामुळे ही इलेक्ट्रॉनिक फाइलिंग सिस्टीमच ठप्प झाल्याने, कोणत्या पक्षाला कुठून आणि किती निधी मिळत आहे याचा तात्काळ तपशील मिळणे बंद झाले आहे. तथापि, आयोगाने स्पष्ट केले आहे की, पूर्वी दाखल केलेले आणि आधीच डेटाबेसमध्ये असलेले जुने अहवाल शोधण्यासाठी FEC ची मुख्य वेबसाईट अद्याप उपलब्ध आहे. FEC च्या IT तज्ज्ञांनी या तांत्रिक समस्येचा उगम शोधून काढला असून ती दूर करण्यासाठी युद्धपातळीवर प्रयत्न सुरू आहेत.

जागतिक घडामोडी संबंधित बातम्या वाचण्यासाठी येथे क्लिक करा : Wild Foods Day : निसर्गाचा अनमोल ठेवा! जाणून घ्या ‘वन्य खाद्य दिना’चे महत्त्व आणि रानभाज्यांचे आरोग्यादायी फायदे

 मतदानावर या सायबर हल्ल्याचा परिणाम होणार का?

या सायबर घटनेची बातमी बाहेर येताच अमेरिकन मतदारांमध्ये चिंतेचे वातावरण निर्माण झाले होते. मात्र, FEC आणि सायबर सुरक्षा तज्ज्ञांनी यावर तत्काळ स्पष्टीकरण दिले आहे. अमेरिकेच्या राजकीय व्यवस्थेत फेडरल इलेक्शन कमिशन ही संस्था केवळ निवडणूक वित्त आणि प्रचार खर्चाचे नियमन करते. ही संस्था प्रत्यक्ष निवडणुकांचे आयोजन किंवा ई-व्होटिंग सिस्टीम हाताळत नाही.

🇺🇸 BIG: The U.S. Federal Election Commission temporarily shut down online services amid hacking attempts, disrupting its electronic filing system a week before the Nov. 3 midterm election https://t.co/tXiJ8WqPsz — Cointelegraph (@Cointelegraph) October 27, 2026

credit – social media and Twitter

त्यामुळे, या सायबर हल्ल्यामुळे मतदारांच्या प्रत्यक्ष मतदान करण्याच्या क्षमतेवर किंवा ईव्हीएम व मतपत्रिकांच्या सुरक्षेवर कोणताही विपरीत परिणाम होणार नाही. सायबर सुरक्षा आणि पायाभूत सुविधा सुरक्षा एजन्सी (CISA) तसेच एफबीआय (FBI) या केंद्रीय यंत्रणा सध्या परिस्थितीवर बारकाईने लक्ष ठेवून आहेत.

जागतिक घडामोडी संबंधित बातम्या वाचण्यासाठी येथे क्लिक करा : India-US Ties: भारत-अमेरिका संरक्षण संबंधांना नवी धार; फिलीपिन्समध्ये राजनाथ सिंह अन् अमेरिकन संरक्षण सचिवांची महत्त्वपूर्ण बैठक

डोनाल्ड ट्रम्प, काँग्रेसमधील सत्ता अन् नकाराधिकाराचा (Veto) मुद्दा

या वर्षीच्या मध्यावधी निवडणुका अमेरिकेचे राष्ट्राध्यक्ष डोनाल्ड ट्रम्प आणि त्यांच्या रिपब्लिकन पक्षासाठी अत्यंत निर्णायक मानल्या जात आहेत. या निवडणुकांच्या निकालांवरूनच रिपब्लिकन पक्ष अमेरिकन काँग्रेसच्या (संसद) दोन्ही सभागृहांमधील आपले वर्चस्व टिकवून ठेवेल की नाही हे स्पष्ट होणार आहे. जर विरोधी डेमॉक्रॅटिक पक्षाने सत्ता मिळवली, तर ट्रम्प यांच्या उर्वरित कार्यकाळातील कायदेविषयक अजेंड्याला मोठा ब्रेक लागू शकतो.

या सायबर घडामोडींच्या पार्श्वभूमीवर, ट्रम्प यांनी पुन्हा एकदा निवडणुकीच्या निष्पक्षतेवर भर दिला आहे. मध्यावधी निवडणुका जर पूर्णपणे पारदर्शक आणि निष्पक्ष पार पडल्या, तरच आपण त्या निकालांचा आदर करू असे त्यांनी म्हटले आहे. त्याच वेळी, भविष्यात संसदेत आपल्या धोरणांना विरोध झाल्यास राष्ट्राध्यक्ष म्हणून आपल्याकडे असलेल्या ‘नकाराधिकाराचा’ (Veto Power) वापर करण्याचा इशाराही त्यांनी दिला आहे. या राजकीय तणावातच झालेल्या या सायबर हल्ल्यामुळे अमेरिकन राजकारणात अधिकच खळबळ उडाली आहे.