Maduro Bet: युद्धाच्या नावावर नफेखोरी! अमेरिकन जवानाने देशाची गुपिते ‘पॉलीमार्केट’वर लावली पणाला; मादुरो छाप्याचा ‘असा’ झाला सौदा

व्हेनेझुएलाचे अध्यक्ष मादुरो यांना सत्तेवरून हटवण्याच्या मोहिमेवर सट्टा लावून ४००,००० डॉलर्स कमावल्याच्या आरोपाखाली एका अमेरिकी मास्टर सार्जंटला अटक करण्यात आली आहे. त्याच्यावर गुप्त माहितीचा गैरवापर केल्याचा आरोप आहे.

• नफेखोरीसाठी देशाशी गद्दारी
• पॉलीमार्केटवर लावली पैज
• अटकेनंतर मोठे खुलासे

US Soldier arrested Maduro bet 2026 : अमेरिकन लष्कराच्या इतिहासात कधीही न घडलेली एक धक्कादायक घटना समोर आली आहे. ज्या जवानावर देशाच्या संरक्षणाची जबाबदारी होती, त्याच जवानाने चक्क लष्करी मोहिमेवर सट्टा लावून स्वतःची तिजोरी भरल्याचे उघड झाले आहे. व्हेनेझुएलाचे अध्यक्ष निकोलस मादुरो (Nicholas Maduro Venezuela) यांना पकडण्याच्या मोहिमेत सहभागी असलेल्या मास्टर सार्जंट गॅनन केन व्हॅन डायक याने गोपनीय माहितीच्या जोरावर ४,००,००० डॉलर्स (अंदाजे ३.३ कोटी रुपये) जिंकले, पण शेवटी कायद्याच्या कचाट्यात सापडला.

गुप्त माहितीचा ‘सट्टा’ बाजार

फोर्ट ब्रॅग येथे तैनात असलेला व्हॅन डायक हा केवळ एक सामान्य सैनिक नव्हता, तर तो एक ‘मास्टर सार्जंट’ होता. त्याच्याकडे ‘ऑपरेशन ॲब्सोल्यूट रिझॉल्व्ह’ या अतिशय संवेदनशील मोहिमेची सर्व माहिती होती. डिसेंबर २०२५ च्या अखेरीस त्याने ‘पॉलीमार्केट’ नावाच्या प्रसिद्ध प्रेडिक्शन मार्केटवर एक खाते उघडले. जानेवारीच्या अखेरीस मादुरो सत्तेवरून पायउतार होतील का? या प्रश्नावर त्याने ३२,००० डॉलर्सची पैज लावली. त्याला माहित होते की मोहीम यशस्वी होणार आहे, आणि याच विश्वासावर त्याने हा धोका पत्करला.

जागतिक घडामोडी संबंधित बातम्या वाचण्यासाठी येथे क्लिक करा : Meloni Earrings: ‘मेरे कानो में है जो बाली!’ मेलोंनीचें झुमके बनले इंटरनेटचे VIRAL सेन्सेशन; कॉमेंट्समध्ये मोदीजींच्या नावाचाच गजर

See more

🚨DOJ arrests soldier who was involved in capturing Maduro and made $400,000 by betting on it. The $32k bet was placed hours before the U.S. captured Maduro from a new account. If convicted on all counts he will face up to 60 years in prison. Thoughts? pic.twitter.com/Hd6V8WpeLg — Insiderwave (@insiderwave_) April 24, 2026

credit – social media and Twitter

पैसे लपवण्यासाठी ‘क्रिप्टो’चा आधार

विजयानंतर मिळालेली ४,००,००० डॉलर्सची मोठी रक्कम लपवण्यासाठी व्हॅन डायकने मोठी शक्कल लढवली होती. त्याने हा पैसा सुरुवातीला परदेशातील एका ‘क्रिप्टोकरन्सी व्हॉल्ट’मध्ये हस्तांतरित केला. त्यानंतर तो पैसा एका ऑनलाइन ब्रोकरेज खात्यात जमा करण्याच्या प्रयत्नात असतानाच अमेरिकन तपास यंत्रणांच्या रडारवर आला. रात्रीच्या वेळी, अटकेच्या अवघ्या काही तास आधी त्याने आपली १३ वी आणि शेवटची पैज लावली होती, जी त्याच्या आयुष्यातील सर्वात मोठी चूक ठरली.

जागतिक घडामोडी संबंधित बातम्या वाचण्यासाठी येथे क्लिक करा : Maldives: मालदीवने पाठीत खुपसला खंजीर! भारताचे 3000 कोटी लाटले अन् राजधानीत चीनचे ‘हेर जहाज’; यामागे काय आहे कूटनीती?

सुरक्षेची मोठी गळती आणि लष्कराची नाचक्की

मास्टर सार्जंटसारख्या वरिष्ठ पदावरील व्यक्तीकडून अशा प्रकारचा विश्वासघात होणे ही अमेरिकन लष्करासाठी मोठी नामुष्की मानली जात आहे. व्हॅन डायकवर आता सरकारी माहितीची चोरी, फसवणूक आणि गोपनीय माहितीचा गैरवापर केल्याचे पाच गुन्हे दाखल करण्यात आले आहेत. फिर्यादी पक्षाने न्यायालयात सांगितले की, सामान्य नागरिकाला जी माहिती मिळणे अशक्य होते, तिचा वापर करून या सैनिकाने आर्थिक लाभ मिळवला. सध्या त्याला नॉर्थ कॅरोलिना येथील न्यायालयात हजर करण्यात येणार असून, लष्करी नियमानुसार त्याला जन्मठेपेपर्यंतची शिक्षा होऊ शकते.