भारतासाठी इशारा? राफेलविरोधात चीनने मैदानात उतरवले J-16 ; जाणून घ्या किती घातक?

China J-16 fighter jet : चीनने भारताच्या राफेल लढाऊ विमानाविरोधात आपले स्वत:चे J-16 फायटर जेट मैदानावर उतरवले आहे. हा भातासाठी चीनचा वॉर थ्रेट मानला जात आहे. हे अत्यंत घातक फाटर जेट मानले जात आहे.

• चीनचे वॉर गेम सिम्युलेशन
• राफेलविरोधात उतरवले J-16 फायटर जेट
• भारतासाठी धोक्याचा इशारा?
• जाणून घ्या किती घातक आहे हे j-16

China J-16 Fighter Jet : नवी दिल्ली/ बीजिंग : चीनने (China) आपल्या लष्करी ताकदीचे पुन्हा प्रदर्शन केले आहे. चीनच्या पीपल्स लिबरेशन आर्मी एअर फोर्सने आठ अत्याधुनिक J-16 मल्टीरोल लढाऊ विमान मैदानात उतरवले आहे. हे विमान भारताच्या राफेलविराधोत मोठे थ्रेट मानले जात आहे. हेनान प्रांतात झुचांग येथे टेबलटॉप वॉर गेम सिम्युलेशनमध्ये चीनने जे-१६ ची ८ विमाने राफेलच्या सहा जेट्ससोमर ठेवण्यात आली आहे.

पॅसिफिक महासागरात चीनची मोठी खेळी! ड्रॅगनच्या अंडरवॉटर ड्रोन टेस्टिंगमुळे भारताची चिंता वाढली, हिंद महासागरात खळबळ

२२ डिसेंबर रोजी हेनान प्रांतात झुचांग येथे चीनचा लष्करी सराव झाला. याचे सीसीटव्ही फुटेज सरकारी माध्यमांनी सार्वजनिक केले आहे.चीनच्या या सरावाचा उद्दिष्ठ आधुनिकीकरणात आणि शत्रूच्या धोक्यांवरोधात त्याची शक्ती प्रदर्शित करण्याचा होता. तसेच भारताकडे असलेले सर्वात प्रगत पाश्चिमात्य फायटर जेट राफेलला कांऊटर करण्याची तयारी करत असल्याचा अप्रत्यक्ष संदेश चीनने या सरावातून दिला असल्याचे तज्ज्ञांनी म्हटले आहेत. मे २०२५ मध्ये भारत आणि पाकिस्तान संघर्षानंतर आणि सीमारेषेवरील सध्याचा तणाव पाहता चीन भारताला धोक्याचा इशारा देत असल्याचे स्पष्ट होत आहे.

चीनच्या J-16 फायटर जेटची वैशिष्ट्ये आणि ताकद

• चीनचे J-16 फायटर जेट हे ४.५ जनरेशन पिढीचे असून हे ट्विन-इंजिन मल्टीरोल फायटर जेट आहे.
• हे फायटर जेट रशियाच्या Su-30 वर आधारित असून चीनने पूर्णपणे आपले तंत्रज्ञान यामध्ये वापरले आहे.
• या फाटर जेटमध्ये स्वदेशी AESA रडार बसवण्यात आले असून हे रडार १५० ते २०० किमी अंतरापर्यंलच्या लक्ष्याला शोधू शकते.
• या फायटर जेटच्या इन्फ्रारेड सर्व अँड टँक (IRST) प्रणालीमुळे रडानचा वापर न करता देखील शत्रूचा मागोवा घेऊ शकते.
• J-16 फायटर जेट हे ८ टन पेलोड क्षमतेचे असून यामुळे लांब पल्ल्याच्या हल्ल्यांसाठी आणि पेट्रोलिंगसाठी हे अत्यंत उपयुक्त आहे.
• या फाटर जेटमध्ये हेल्मेट मांऊटेड डिस्प्ले, प्रगत इलेक्ट्रॉनिक वॉरफेर सिस्टम, मिसाइल वॉर्निंग सेन्सर्स आणि रडार सिग्नेचर कमी करणार कोटींग तंत्रज्ञान आहे.
• विशेष म्हणजे हे विमान J-16D व्हेरिएंट शत्रूच्या रडार आणि हवाई संरक्षण यंत्रणा निष्क्रिय करण्यासाठीही देखील वापरता येते.

राफेलपेक्षा किती ताकदवर आणि घातक आहे हे विमान?

राफेलच्या तुलनेत चीनचे J-16 अधिक जड आणि मोठ्या पेलोडसह तयार करण्यात आले आहे. राफेल अधिक चपळ, अत्याधुनिक सेन्सर्ससह सुसज्ज आहे. तसेच भारताच्या राफेलने युद्धभूमीवरही उत्तम कामगिरी करत स्वत:ला सिद्ध केले आहे. परंतु चीनने राफेललाच थ्रेट म्हणून आपले स्वदेशी विमान मैदानात उतरवले असून भारतासाठी धोकादायक मानले जात आहे.

China GJ-11 Drone : चीनने लाँच केला ‘मिस्ट्रीयस ड्रॅगन’; सोशल मीडियावर व्हिडिओ झाला जोरदार VIRAL