WHO ने केली MPox बाबत आरोग्य आणीबाणी घोषित; Covid संबंधावर दिले उत्तर

जगातील अनेक देशांमध्ये एमपॉक्स विषाणूची प्रकरणे झपाट्याने वाढत आहेत. जागतिक आरोग्य संघटनेने याबाबत एक मोठी घोषणा केली आहे. आफ्रिकेत MPox च्या रूग्णांची संख्या मोठ्या प्रमाणात वाढली आहे. मात्र अधिकाऱ्यांच्या म्हणण्यानुसार, त्याचा प्रसार सहज नियंत्रित केला जाऊ शकतो.

नवी दिल्ली: जगातील अनेक देशांमध्ये एमपॉक्स विषाणूची प्रकरणे झपाट्याने वाढत आहेत. जागतिक आरोग्य संघटनेने याबाबत एक मोठी घोषणा केली आहे. आफ्रिकेत MPox च्या रूग्णांची संख्या मोठ्या प्रमाणात वाढली आहे. आता  MPox बाबत WHO अधिकाऱ्यांचे विधान समोर आले आहे. हा रोग जगभर झपाट्याने पसरू शकतो. यामुळे जागतिक आरोग्य संघटनेने आरोग्य आणीबाणी घोषित केली आहे. अधिकाऱ्यांच्या म्हणण्यानुसार, हा MPox कोव्हिड नाही. त्याचा प्रसार सहज नियंत्रित केला जाऊ शकतो.

डब्ल्यूएचओचे अधिकारी हंस क्लुगे म्हणाले, ” आपण एमपॉक्स संक्रमण नियंत्रित आणू शकतो.” डब्ल्यूएचओ पुढे म्हणाले की, आम्ही त्याच्या नियंत्रणासाठी प्रयत्न करत आहोत. तसेच जागतिक स्तरावर याविषयी चर्चा केली पाहिजे. याविषयी जनजागृती केली पाहिजे. आपण या रोगावर न घाबरता मात करू शकतो. तसेच एमपॉक्स हा दुसरा कोव्हिड नाही.

डब्ल्यूएचओ पुढे म्हणाले की, ही युरोप आणि जगासाठी महत्त्वाची चाचणी ठरेल. गालगुंड हा एक विषाणूजन्य संसर्ग आहे ज्यामुळे शरिरावर पू भरलेले फोड येतात. यामुळे फ्लूसारखी लक्षणे उद्भवतात, जी सहसा सौम्य असतात परंतु जीवघेणी असू शकतात. एमपऑक्सच्या क्लेड 1b प्रकाराने जागतिक स्तरावर कहर केला आहे, नियमित स्ट्रेनपेक्षा अधिक सहजपणे पसरत आहे. गेल्या आठवड्यात, स्वीडन आणि आफ्रिकेत एमपॉक्सचे प्रमाण जास्त आहे याची पुष्टी झाली.

100 हून अधिक प्रकरणे नोंदवली  

क्लुगे म्हणाले की यावेळी आमचे लक्ष नवीन क्लेड 1 स्ट्रेनवर आहे, ज्यामुळे युरोपला कमी गंभीर क्लेड 2 वर पुन्हा लक्ष केंद्रित करण्याची संधी मिळते. उत्तम सार्वजनिक आरोग्य सल्ला आणि देखरेख यासह विविधतेवर भर देण्यात आला आहे. क्लुगे म्हणाले की, आता युरोपीय प्रदेशात क्लेड 2 MPox स्ट्रेनची सुमारे 100 नवीन प्रकरणे दर महिन्याला नोंदवली जात आहेत. तर जगभरात 116 देशांमध्ये एमपॉक्स हा विषाणु पसरलेला आहे.

एमपॉक्स काय आहे?

या रोगाला मंकीपॉक्स म्हणून ओळखले जात होते. या आजाराचा विषाणु आफ्रिकेत आढळतो. 1958 मध्ये हा विषाणु माकडांमध्ये आढळला होता. म्हणून या विषाणुला माकंडाच्या नावाने ओळखले जाते. पुरळ, ताप, थकवा, डोकेदुखी यांसारखी लक्षणे या आजारात दिसून येतात. हा आजार नियंत्रित येऊ शकतो असे जागतिक आरोग्य संघटनेने सांगितले आहे.