हमासच्या अस्तित्वाला धोका? डोनाल्ड ट्रम्प यांच्या अटींवर गाझात होणार का युद्धबंदी?

Israel Hamas War : ऑक्टोबर २०२३ पासून सुरु असलेले युद्ध थांबवण्याचे दिशेने आहे. परंतु मात्र यामध्ये अजूनही अनेक अडचणी आहेत. सध्या ट्रम्प यांच्या प्रस्तावाला हमासने मान्य केले नाही, यामुळे सर्वांचे याकडे लक्ष लागलेले आहे.

• गाझात होणार का युद्धबंदी?
• हमास ट्रम्प यांच्या अटी करणार का मान्य?
• गाझा करारतील अडचणी

Gaza War news in Marathi : तेल अवीव : गाझात गेल्या दीड वर्षाहून अधिक काळ इस्रायल आणि हमासचे युद्ध (Israel Hamas War) सुरु आहे. या युद्धामुळे गाझात प्रचंड विध्वंस झाला असून अनेक पॅलेस्टिनींचा मृत्यू झाला आहे. याच वेळी डोनाल्ड ट्रम्प यांनी गाझात युद्धबंदीसाठी २० कलमी शांतता प्रस्ताव मांडला आहे. ज्याला इस्रायलकडून मान्यता मिळाली आहे. तसेच मुस्लिम आणि अरब राष्ट्रांनी देखील सहमती दर्शवली आहे. भारताने या योजनेचे स्वागत केले आहे. पण हमासने मात्र अद्याप यावर होकार दिलेला नाही. यामुळे सर्वत्र हमास ट्रम्प यांचा प्रस्तावर मान्य करेल यावर शंका व्यक्त केली जात आहे.

इस्रायल आणि हमास युद्ध ?

हमास अस्तित्वात आला तो म्हणजे, १९८७ मध्ये, परंतु २०२३ व्या वर्षात त्याचे नाव जगभर ऐकले गेले. कारण ७ ऑक्टेबर २०२३ रोजी इस्रायलवर हल्ला केला होता. तेव्हापासून हमास बातम्यामध्ये, हेडलाईन्समध्ये टॉपवर राहिला.या हल्ल्यात हमासने १२००० इस्रायलींना ठार केले होते, तर २०० हून अधिक लोकांना बंदी बनवले होते. यानंतरच इस्रायल आणि हमासमध्ये तीव्र संघर्ष सुरु झाला, जो आजही सुरुच आहे.

हमास हा इस्रायलच्या अस्तित्वाला विरोध करणार एक गट आहे. हमासच्या मते इस्रायलने पॅलेस्टिनींच्या भूमीवर ताबा जमवला आहे. यामुळे इस्रायलाकडून पॅलेस्टिनींची जमीन परत घेणे आणि एक इस्लामिक राज्य स्थापन करणे या संघटनेचा हेतू आहे. हमासला वेस्ट बँक ते पूर्व जेरुसेलमपर्यंत इस्लामिक राज्य स्थापन करायचे आहे.

Trump Gaza Plan : ट्रम्प यांच्या गाझा योजनेला PM मोदींचा पाठिंबा; इतर देशांनाही केले समर्थनाचे आवाहन

हमास ट्रम्प यांचा प्रस्ताव मान्य करणार?

• तज्ज्ञांच्या मते, डोनाल्ड ट्रम्प यांचा हा प्रस्ताव हमासच्या अस्तित्वावर घाला घालणार आहे. कारण या प्रस्तावानुसार हमासला त्यांची शस्त्रे आणि ठिकाणी सोडायची आहेत. यामुळे हा प्रस्ताव हमास मान्य करेल अशा शंका निर्माण झाली आहे.
• तसेच गाझातील सरकार स्थापनेतूनही हमासला बाहेर काढण्यात आले आहे. यामुळे हमासच्या अस्तित्त्वार हल्ला मानला जात आहे. यामुळे सध्या सर्वांचे लक्ष हमासच्या निर्णयाकडे लागले आहे.
• जर हमासला गाझा सरकारमधून बाहेर काढले तर त्यांना त्यांचे इस्लामिक राज्य स्थापन करता येणार नाही.
• याच वेळी इस्रायलने हमासला इशारा दिला आहे की, हमासने गाझा कराराच्या अटींचे उल्लंघन केले तर त्यांच्यावर पुन्हा हल्ला केला जाईल. तसेच याला अमेरिकेचे समर्थनही मिळेल.
• सध्या कतारच्या मध्यस्थीने हमाससोबत वाटाघाटाची चर्चा सुरु आहे. पण ट्रम्प यांच्या सर्व अटी या एकतर्फी असल्याचे आणि हमासला याचा कोणताही फायदा नसल्याने हमास युद्धबंदीचा प्रस्ताव मान्य करेल याची शंका तज्ज्ञांनी व्यक्त केली आहे.

Gaza War : इस्रायल गाझातील संघर्ष थांबवण्यास तयार? येत्या २४ तासांत ट्रम्प-नेतन्याहू करु शकतात युद्धबंदीची घोषणा