Trump Gaza Plan : ट्रम्प यांच्या गाझा योजनेला PM मोदींचा पाठिंबा; इतर देशांनाही केले समर्थनाचे आवाहन (फोटो सौजन्य: सोशल मीडिया)
PM Modi Supports Trump Gaza Plan : नवी दिल्ली : नुकतेच अध्यक्ष डोनाल्ड ट्रम्प (Donald Trump) आणि इस्रायलचे पंतप्रधान नेतन्याहू यांनी गाझात युद्धबंसाठी घोषणा केली आहे. यासाठी ट्रम्प यांनी २० कलमी योजना आखली आहे. या योजनेला पंतप्रधान नरेंद्र मोदी (Narendra Modi) यांनी पाठिंबा दिला आहे. तसेच त्यांनी जगभरातील इतर देशांना गाझात शांतीच्या ट्रम्प यांच्या प्रयत्नांना पाठिंबा देण्याचे आवाहन केले आहे.
काल, डोनाल्ड ट्रम्प यांनी अमेरिकेच्या व्हाइट हाउसमध्ये बेंजामिन नेतन्याहूंची (Benjamin Netnyahu) भेट घेतली. यावेळी ट्रम्प यांनी नेतन्यांहूसमोर गाझा युद्धबंदीचा नवा प्रस्ताव मांडला. या प्रस्तावार नेतन्याहूंनी सहमती दर्शवली.
दरम्यान पंतप्रधान मोदींनी ट्रम्प यांच्या गाझातील शांतता योजोनेचे स्वागत केले आहे. या संदर्भात त्यांनी सोशल मीडियावर एक पोस्ट केली आहे. या पोस्टमध्ये त्यांनी सांगितले की, गाझा संघर्ष संपवण्यासाठी आम्ही अध्यक्ष ट्रम्प यांच्या योजनेचे स्वागत करतो. ही योजना पॅलेस्टिनी आणि इस्रायली लोकांसाठी नाही, तर पश्चिम आशिया देशांसाठी कायमस्वरुपी शांतत, सुरक्षा आणि विकासाचा मार्ग निर्माण करेल. पंतप्रधान मोदींनी आशा व्यक्त केली की, युद्धबंदीसाठी प्रयत्न करणारे पक्षही याला पाठिंबा देतील. ज्यामुळे गाझातील लोकांचे संघर्षमयी जीवन संपेल आणि शांतात प्रस्थापित होईल.
We welcome President Donald J. Trump’s announcement of a comprehensive plan to end the Gaza conflict. It provides a viable pathway to long term and sustainable peace, security and development for the Palestinian and Israeli people, as also for the larger West Asian region. We… — Narendra Modi (@narendramodi) September 30, 2025
ट्रम्प यांनी गाझातील इस्रायल हमास युद्ध (Israel Hamas War) संपवण्यासाठी २० कलमी प्रस्ताव सादर केला आहे. या प्रस्तावाला इस्रायलने पाठिंबा दिला आहे. तसेच मुस्लिम देशांनी देखील सहमती दिली आहे. अमेरिकेने कतारच्या माध्यमातून हा प्रस्ताव हमाससोमर सादर केला आहे. सध्या हमास यावर विचार करत आहे. ट्रम्प यांनी संयुक्त राष्ट्राच्या सभेनंतर अरब आणि मुस्लिम देशांच्या प्रतिनिधींची भेट घेतली. यावेळी त्यांनी गाझातील युद्धबंदीचा प्रस्ताव सादर केला.
या सर्व घडामोडींदरम्यान इस्रायलचे पंतप्रधान नेतन्याहूंनी कतारच्या पंतप्रधानांची माफी मागितली आहे. डोनाल्ड ट्रम्प यांनी स्वत:हा व्हाइट हाउसमधून कतारच्या पंतप्रधानांना फोन लावला. यावेळी नेतन्याहूंनी कतारची राजधानी दोहावर ९ सप्टेंबर रोजी केलेल्या हल्ल्याची माफी मागितली.
प्रश्न १. ट्रम्प यांच्या गाझा योजनेवर PM मोदींनी काय प्रतिक्रिया दिली?
डोनाल्ड ट्रम्प यांच्या गाझा योजनेचे पंतप्रदान मोदींनी स्वागत केले असून इतर देशांकडून या योजनेला पाठिंब्याचे आवाहन केले आहे.
प्रश्न २. ट्रम्प यांच्या योजनेवर हमासने काय प्रतिक्रिया दिली आहे?
कतारच्या मध्यस्थीने ट्रम्प यांनी हमाससमोर गाझात युद्धबंदीची योजना मांडली. यावर हमासने सध्या गांभीर्याने विचार करत असल्याचे म्हटले आहे. सध्या या योजनेला हमासने मान्यता दिलेली नाही.
प्रश्न ३. नेतन्याहूंनी कोणची व का मागितली माफी?
इस्रायलने ९ सप्टेंबर रोजी कतारची राजधानी दोहावर केलेल्या हल्ल्याबद्दल कतारच्या पंतप्रधानांची माफी मागितली आहे.
गांधी जयंतीपूर्वी मोठी घटना! लंडनमध्ये महात्मा गांधींच्या स्मारकाची विटंबना, वातावरण तापणार
