world news : अमेरिकेला स्वर्ग नकोच आहे का ? पलाऊवर संकट

world news : पॅसिफिक महासागरातील निसर्गरम्य पलाऊमध्ये अमेरिकेच्या वाढत्या लष्करी हालचालींमुळे युद्ध आणि पर्यावरणाबाबत चिंता वाढली आहे. बंदराचा विस्तार, रडार आणि लष्करी पायाभूत सुविधांच्या विकासामुळे पलाऊ भविष्यातील संघर्षात लक्ष्य ठरण्याची भीती व्यक्त होत आहे.यामुळे जैवविविधता धोक्यात येणार आहे .

• अमेरिकेचा मोठा लष्करी विस्तार
• युद्ध झालं तर पलाऊचं काय?
• डुगोंग आणि समुद्री जैवविविधतेवर संकट?

world news : पॅसिफिक महासागरातील निळ्या पाण्याने, प्रवाळभित्तींनी आणि समृद्ध समुद्री जैवविविधतेने नटलेला पलाऊ सध्या अमेरिकेच्या वाढत्या लष्करी हालचालींमुळे चर्चेत आला आहे. अमेरिकेकडून पलाऊमध्ये बंदराचा विस्तार, लष्करी रडार आणि इतर पायाभूत सुविधांवर काम केले जात आहे. या पार्श्वभूमीवर स्थानिक नागरिकांमध्ये भविष्यातील संघर्षात हे छोटं द्वीपदेश लक्ष्य ठरू शकते, अशी चिंता व्यक्त होत आहे.

अमेरिकेचा मोठा लष्करी विस्तार

पलाऊच्या मुख्य बंदराच्या पुनर्बांधणीसाठी अमेरिकेकडून सुमारे ५०० दशलक्ष डॉलरची गुंतवणूक केली जात आहे. बंदर अधिक खोल करून मोठ्या नौदल जहाजांना तिथे प्रवेश मिळवून देण्याची योजना आहे. यासोबतच रडार यंत्रणा आणि लष्करी वापरासाठी धावपट्टीच्या विस्तारासह इतर प्रकल्पही पुढे नेले जात आहेत.

अमेरिकेच्या मते, या सुविधांमुळे प्रादेशिक सुरक्षा आणि लॉजिस्टिक क्षमता मजबूत होईल. मात्र, या वाढत्या लष्करी उपस्थितीकडे स्थानिक नागरिक वेगळ्या नजरेने पाहत आहेत.

world News: आता फक्त वाट बघायची ,हल्ला झाला कि तिप्पट रिटर्न गिफ्ट मिळणार ;इराणची सूचना

युद्ध झालं तर पलाऊचं काय?

दुसऱ्या महायुद्धाच्या भीषण आठवणी पलाऊच्या इतिहासाशी जोडलेल्या आहेत. त्यामुळे भविष्यात अमेरिका आणि चीनसारख्या महासत्तांमध्ये संघर्ष निर्माण झाल्यास पलाऊ त्याच्या भौगोलिक स्थानामुळे अडचणीत येऊ शकतो, अशी भीती स्थानिकांमध्ये आहे.

पलाऊची लोकसंख्या कमी असून देशाचा मोठा आधार पर्यटन आणि समुद्री पर्यावरणावर आहे. त्यामुळे युद्धजन्य परिस्थिती निर्माण झाल्यास सुरक्षा, पर्यटन आणि स्थानिक अर्थव्यवस्थेवर परिणाम होण्याची चिंता व्यक्त केली जात आहे.

Trump vs Media : ‘दरवाजा बंद केला? मग कोर्टात भेटू!’ CNN-MSNOW-Politicoचा ट्रम्प प्रशासनाला झटका

डुगोंग आणि समुद्री जैवविविधतेवर संकट?

लष्करी प्रकल्पांमुळे पर्यावरणीय परिणामांचीही चिंता वाढली आहे. पलाऊच्या समुद्रात दुर्मिळ डुगोंग, म्हणजेच समुद्री गाय, तसेच विविध प्रकारच्या प्रवाळभित्ती आणि समुद्री जीवांचे अधिवास आहेत.

बंदरासाठी होणारे ड्रेजिंग आणि बांधकामामुळे प्रवाळभित्ती तसेच डुगोंगच्या अधिवासावर परिणाम होण्याची शक्यता व्यक्त केली जात आहे. त्यामुळे पलाऊसमोर आता एकीकडे सुरक्षा आणि दुसरीकडे नाजूक समुद्री पर्यावरण जपण्याचे आव्हान उभे राहिले आहे.