न्यूझीलंडच्या संसदेत हाना रावहितींचा जोरदार विरोध: पारंपारिक हाका नृत्याद्वारे स्वदेशी हक्कांचे समर्थन
वेलिंगटन: न्यूझीलंडच्या संसदेत नुकतीच एक ऐतिहासिक घटना घडली. सभागृहामध्ये माओरी समाज्याच्या हक्कासांठी लढणाऱ्या आणि संसदेतील सर्वात तरूण खासदार हाना रावहिती कारियारिकी मॅपे-क्लार्क यांनी हाका नृत्य केले. ही घटना गुरूवारी झालेल्या सभेदरम्यान घडली. हाना यांनी स्वदेशी संधि विधेयकाची प्रत फाडत पारंपारिक हाका नृत्य केले. त्यांच्या या कृतीने संपूर्ण संसदेत खळबळ उडाली आणि चर्चेला उधाण आले.
पारंपारिक नृत्याद्वारे विधेयकाचा तीव्र विरोध
मिळालेल्या माहितीनुसार, हाका हा माओरी समाजाचा पारंपारिक नृत्यप्रकार आहे. हा नृत्यप्रकार विरोध, एकता आणि सन्मान दर्शवतो. हाना रावहिती यांनी विधेयकाचा तीव्र विरोध करत हा नृत्यप्रकार केली. यावेळी सभागृहात उपस्थित इतर माओरी सदस्य आणि प्रेक्षकही त्यांच्यासोबत सामील झाले. परिणामी, सभापती गेरी ब्राउनली यांना काही काळासाठी सभागृहाचे कामकाज थांबवावे लागले. सध्या न्यूझीलंडच्या संसदेतील अधिवेशनाचा हा व्हिडिओ सोशल मीडियावर व्हायरल होत आहे.
माओरी समाजाचे अधिकार धोक्यात
मीडिया रिपोर्टनुसार, न्यूझीलंडचे खासदार तत्त्व विधेयकावर मतदान करण्यासाठी संसदेत जमले होते. यादरम्यान ही घटना घडली. ही घटना स्वदेशी माओरी समाजाच्या अधिकारांशी संबंधित आहे. न्यूझीलंडच्या 1840मधील वैतांगी करारानुसार माओरी समाजाला त्यांच्या जमिनी, संस्कृती आणि हक्कांचे संरक्षण मिळावे, असे ठरवले गेले होते. हे सर्व न्यूझीलंडवासियांना लागू केले पाहिजे असे या विधेयकात नमूद करण्यात आले आहे. मात्र, नव्या विधेयकामुळे हे हक्क आणि अधिकार धोक्यात येण्याची भीती हाना आणि इतर माओरी नेत्यांना वाटू लागली. त्यामुळे त्यांनी हाका न्यृत्याद्वारो याचा तीव्र विरोध नोंदवला.
Powerful: Māori legislators disrupt New Zealand’s parliament with the Haka to protest a damaging new bill which would seek to reinterpret a 184-year old treaty signed between the British Crown and more than 500 Māori chiefs in 1840.
Parliament was suspended after the protest. pic.twitter.com/enEfcaNMyS
— Chelsea Hart ۴۰۳۰ (@chelseahartisme) November 14, 2024
कोण आहेत हाना रावहिती?
हाना रावहिती करियारिकी मॅपे-क्लार्क या केवळ 22 वर्षांच्या असून त्या न्यूझीलंडच्या संसदेत निवडून जाणाऱ्या सर्वात तरुण खासदार आहेत. 2023 च्या निवडणुकीत त्यांनी ऐतिहासिक विजय मिळवला होता. त्यांनी माओरी समाजाचे प्रतिनिधित्व केले होते. त्या केवळ एक राजकीय नेत्या नसून माओरी समाजाच्या संस्कृती, हक्क आणि स्वाभिमानासाठी संघर्ष करणाऱ्या एक कणखर नेत्या म्हणून ओळखल्या जातात.
हाना रावहिती यांनी संसदेत दिलेल्या पहिल्याच भाषणातही हाका नृत्य सादर करत आपल्या भूमिकेची स्पष्टता दाखवली होती. या घटनेचा व्हिडिओ सोशल मीडियावर व्हायरल झाला असून हाना यांचे पाऊल माओरी समाजाच्या हक्कांसाठी महत्त्वाचे ठरत आहे. त्यांच्या या धाडसी कृतीने न्यूझीलंडच्या संसदेत आदिवासी अधिकारांची चर्चा पुन्हा रंगली आहे.
.png "Videos"){kind=small}
