2026 TVS Ronin, Apache RTR 160 4V, RTR 200 4V आणि RTR 310 अपडेटसह लाँच; पाहा नव्या बाइक्समध्ये काय बदलले!

टीव्हीएसने 2026 साठी Ronin आणि Apache रेंजमध्ये मोठे फीचर अपडेट केले आहेत. विशेष म्हणजे कमी किंमतीच्या मॉडेल्समध्येही TFT डिस्प्ले, Traction Control, Google Maps आणि Type-C चार्जिंगसारख्या सुविधा मिळत आहेत.

टीव्हीएस मोटर कंपनीने आपल्या लोकप्रिय Ronin आणि Apache मोटरसायकल रेंजमध्ये 2026 साठी महत्त्वाचे अपडेट्स केले आहेत. नवीन मॉडेल्समध्ये कनेक्टेड फीचर्स, सुरक्षा तंत्रज्ञान, चार्जिंग सुविधा आणि काही यांत्रिक बदल करण्यात आले आहेत. या अपडेटेड रेंजमध्ये Apache RTR 160 4V ची सुरुवातीची एक्स-शोरूम किंमत ₹1,26,890 आहे. यासोबत Ronin, Apache RTR 200 4V आणि Apache 310 रेंजमध्येही नवे पर्याय आणि फीचर्स मिळतात.

Apache RTR 160 4V मध्ये नवे फीचर्स

अपाचे RTR 160 4V च्या टॉप व्हेरिएंटची किंमत ₹1,41,440 पासून सुरू होते. या मॉडेलमध्ये 5-इंच कनेक्टेड TFT डिस्प्ले, Google Maps मिररिंग, Type-C चार्जिंग पोर्ट आणि Panic Brake Alert देण्यात आले आहेत. याशिवाय Class-D प्रोजेक्टर हेडलॅम्प, USD फ्रंट सस्पेंशन, Assist आणि Slipper Clutch तसेच Traction Control मिळते. Marine Blue, Racing Red, Matte Black आणि Arctic Teal असे रंग पर्यायही दाखवण्यात आले आहेत.

Honda UC3 VS TVS iQube: बजेट आणि रेंजच्या खेळात कोणती ई-स्कूटर ठरेल सर्वोत्तम? पाह इन डिटेल तुलना

Ronin मध्ये 3 व्हेरिएंट

टीव्हीएस Ronin आता Base+, Mid आणि Top अशा 3 व्हेरिएंटमध्ये उपलब्ध आहे. Base+ ची किंमत ₹1,42,490 असून त्यात Dual-Channel ABS आणि नवीन रंग-ग्राफिक्स मिळतात. Mid व्हेरिएंट ₹1,51,540 पासून सुरू होते आणि त्यात टाईप सी चार्जिंग तसेच Connected Instrument Cluster जोडण्यात आले आहे. Top व्हेरिएंटची किंमत ₹1,63,640 असून त्यात Traction Control आणि Type-C चार्जर मिळतो. Sunlit Yellow आणि Desert Mirage हे नवे रंगही आकर्षण ठरतात.

Apache RTR 200 4V आणि 310 रेंजमध्येही अपडेट

Apache RTR 200 4V Top ची किंमत ₹1,49,990 आहे. यात Google Maps मिररिंग, Adjustable USD फ्रंट सस्पेंशन, Panic Brake Alert, Type-C चार्जिंग, TFT डिस्प्ले आणि Traction Control मिळते.

TVS Jupiter CNG VS Honda Activa: मायलेजच्या बाबतीत टीव्हीएस जुपि्टर सीएनजी आणि होंडा एक्टिवामधील खरी स्पर्धा!खिशाला परवडणारी कोणती

Apache 310 रेंजमध्ये Black Diamond Edition ला Keyless Functionality देण्यात आली असून त्याची किंमत ₹2,48,990 पासून सुरू होते. तर RTR 310 ची सुरुवातीची किंमत ₹2,87,790 आहे. त्यामुळे टीव्हीएसने आपल्या वेगवेगळ्या मोटरसायकल्समध्ये कनेक्टिव्हिटी आणि सुरक्षा फीचर्सचा विस्तार केला आहे.