होंडा CB350 ची विक्री दुप्पट; रॉयल एनफिल्डला मिळणार का मोठं आव्हान? जाणून घ्या

350cc ते 500cc बाइक्सच्या ऑगस्ट विक्रीत 19.79% वाढ झाली असून रॉयल एनफिल्डने 83.56% वाट्यासह सेगमेंटवर वर्चस्व कायम ठेवले. पण होंडा CB350 ची 132.52% वाढ आणि नव्या CB500 ची एन्ट्री भविष्यातील स्पर्धा आणखी रंजक बनवते.

(फोटो सौजन्य-AI एआय)

Follow Us:

Follow Us:

• ऑगस्ट 2026 मध्ये 350cc ते 500cc बाइक्सच्या विक्रीत वार्षिक 19.79% वाढ नोंदवली गेली.
• रॉयल एनफिल्डने 83.56% वाट्यासह सेगमेंटमध्ये आपले मजबूत वर्चस्व कायम ठेवले आहे.
• होंडा CB350 च्या विक्रीत 132.52% वाढ झाली असून नव्या CB500 चीही एन्ट्री झाली आहे.

रॉयल एनफिल्डच्या बाइक्सची आघाडी

या सेगमेंटमध्ये रॉयल एनफिल्डचा दबदबा कायम आहे. कंपनीने ऑगस्टमध्ये 1,10,259 मोटरसायकलींची विक्री केली. तिचा सेगमेंटमधील वाटा तब्बल 83.56% राहिला. रॉयल एनफिल्ड क्लासिक 350 ही 43,428 युनिट्ससह सर्वाधिक विकली जाणारी बाइक ठरली. तिच्या विक्रीत मागच्या वर्षाच्या तुलनेत 20.55% वाढ झाली.

रॉयल एनफिल्डचा‘Journeying Across The Himalayas 2026’ दिल्लीमध्ये रंगणार हिमालयाचा सांस्कृतिक उत्सव!3 डिसेंबरपासून 9 डिसेंबरपर्यंत

बुलेट 350 ची 27,533 युनिट्सची विक्री झाली, तर हंटर 350 ने 23,869 युनिट्सची नोंद केली. मेटिओर 350 ची विक्री 10,669 युनिट्स राहिली. हिमालयनने 3,068 आणि गुरिल्लाने 1,692 युनिट्सची विक्री केली.

होंडा आणि इतर कंपन्यांची कामगिरी

होंडा CB350 ने 9,052 युनिट्सची विक्री करत तब्बल 132.52% वार्षिक वाढ नोंदवली. याशिवाय नव्या होंडा CB500 ची डीलर डिस्पॅचला सुरुवात झाली असून ऑगस्टमध्ये 31 युनिट्स नोंदवण्यात आली.

ट्रायम्फच्या 350cc आणि 400cc मॉडेल्सची एकत्रित विक्री 4,839 युनिट्स झाली. केटीएम 350 आणि 390 यांनी मिळून 3,066 युनिट्सची नोंद केली. बजाज पल्सर 350/400 ची विक्री 1,712, तर डोमिनार 350/400 ची 1,353 युनिट्स राहिली.

Honda CB350 ची किंमत ऐकून व्हाल खुश! बुकिंग करा फक्त Rs. 5,000 मध्ये

हार्ले-डेव्हिडसन X440 ची विक्री 1,223 युनिट्स झाली. एप्रिलियाच्या RS 457 आणि Tuono 457 यांनी अनुक्रमे 297 आणि 74 युनिट्सची नोंद केली. एकूण आकडे पाहता, मोठ्या क्षमतेच्या बाइक्सकडे ग्राहकांचा कल वाढत असल्याचे या विक्रीतून दिसते.

Web Title: 350cc 500cc bike sales august 2026 royal enfield honda auto news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com