450cc चं इंजिन आणि बोल्ड लुक, Royal Enfield ने लाँच केली दमदार बाइक, जाणून घ्या ‘इतकी’ आहे किंमत

रॉयल एनफिल्डने 452cc सेगमेंटमध्ये पकड अधिक मजबूत करण्यासाठी एक नवीन बाईक मार्केटमध्ये आणली आहे. लोकप्रिय Guerrilla 450 बाईकचं नवं वर्जन भारतीय बाजारपेठेत अधिकृतपणे उतरवले आहे. ही बाईक तरुणांसाठी तयार केली आहे.

• रॉयल एनफिल्डने एक नवीन बाईक मार्केटमध्ये
• Guerrilla 450 बाईकचं नवं वर्जन भारतीय बाजारपेठेत
• हाय-परफॉर्मन्स रोडस्टार बाईकचा क्रेझ असणाऱ्यांसाठी

Ryal Enfield Guerrilla 450  : रॉयल एनफिल्डने 452cc सेगमेंटमध्ये पकड अधिक मजबूत करण्यासाठी एक नवीन बाईक मार्केटमध्ये आणली आहे. लोकप्रिय Guerrilla 450 बाईकचं नवं वर्जन भारतीय बाजारपेठेत अधिकृतपणे उतरवले आहे. २ वर्षांपूर्वी लाँच झालेल्या या मॉडेलमध्ये कंपनीने आता पुन्हा लाँन्च करतानात महत्त्वाचे बदल केले आहेत. ग्राहकांसाठी Apex नावाचा एक नवा कोरा व्हेरियंट नव्या अंदाजात सादर केला आहे. या मोटरसायकलमध्ये कोणतेही यांत्रिक (mechanical) बदल करण्यात आलेले नाहीत. ही बाईक अशा तरुणांसाठी तयार केली आहे ज्यांना शहरात चालवण्यासाठी एक वेगवान आणि हाय-परफॉर्मन्स रोडस्टार बाईकचा क्रेझ असतो त्यामुळे ही बाईक तुमच्यासाठी आहे.

या नवीन अपडेटमधील सर्वात लक्षवेधी बदल म्हणजे बाईकचे रायडिंग पोश्चर आणि हँडलिंग. Apex व्हेरियंटमध्ये कंपनीने हँडलबारची जागा बदलली असून तो ५६ mm खाली आणि ५७ mm पुढे सरकवला आहे. यामुळे रायडरला आता बाईक चालवताना पूर्वीपेक्षा जास्त पुढच्या बाजूला झुकावे लागेल, ज्यामुळे एक स्पोर्टी अनुभव मिळतो. यासोबतच उत्तम रस्ते पकडीसाठी बाईकमध्ये नवीन टायर्सचा समावेश करण्यात आला आहे, जे हायवे आणि वळणावळणाच्या रस्त्यांवर अधिक आत्मविश्वास देतात. ही मोटरसायकल थेट ‘Triumph Speed ​​400’ शी स्पर्धा करते. चला, या बाईकची नवीन वैशिष्ट्ये आणि सध्याची किंमत जाणून घेऊया.

भारतात EV चा वेग वाढणार? JSW Motors चा मोठा निर्णय, फ्रेंच कंपनीसोबत भागीदारी

इंजिन आणि Performance

इंजिन आणि कामगिरीचा विचार केला तर कंपनीने यात कोणताही तांत्रिक किंवा मेकॅनिकल बदल केलेला नाही. यात जुनेच 452cc चे लिक्विड कूल्ड इंजिन देण्यात आले आहे, जे 40 PS ची power आणि 40 Nm चा टॉर्क निर्माण करते. 6-स्पीड गिअरबॉक्स आणि स्लिप-अँड-असिस्ट क्लचमुळे गिअर बदलणे अत्यंत सोपे आणि सुटसुटीत होते. सस्पेंशनसाठी समोर 43 mm चे टेलिस्कोपिक आणि मागे मोनोशॉक सस्पेंशन देण्यात आले असून, सुरक्षेसाठी ड्युअल चॅनेल एबीएससह दोन्ही चाकांना डिस्क ब्रेक्स मिळतात.

‘डुअल-चॅनेल ABS’ ची सुविधा

ही मोटरसायकल पुढील आणि मागील अशा दोन्ही बाजूंना डिस्क ब्रेक्सने सुसज्ज आहे, तसेच यात ‘डुअल-चॅनेल ABS’ ची सुविधाही उपलब्ध आहे. यात 4-इंचाचा TFT डिस्प्ले देखील आहे, ज्याच्या मदतीने ‘Google Maps’ द्वारे नेव्हिगेशन करणे शक्य होते.

याव्यतिरिक्त इतर सोयी सुविधाही उपलब्ध

याव्यतिरिक्त, ही बाईक स्मार्टफोन कनेक्टिव्हिटी, USB Type-C चार्जिंग पोर्ट आणि दोन वेगवेगळ्या ‘रायडिंग मोड्स’ची सुविधा देते. या मोटरसायकलचे ‘कर्ब वेट’ (इंधन आणि द्रव्यांसह एकूण वजन) 185 किलोग्राम इतके आहे. यामध्ये 11-लिटर क्षमतेची इंधन टाकी देण्यात आली आहे, जी आकाराने थोडी लहान वाटते. जर कंपनीने या बाईकमध्ये अधिक मोठ्या क्षमतेची इंधन टाकी दिली असती, तर ते अधिक सोयीचे ठरले असते. Royal Enfield Guerrilla 450 ची किंमत ₹2,49,194 (एक्स-शोरूम) पासून सुरू होते, तर याच्या सर्वोच्च व्हेरिएंटची किंमत ₹2,72,479 (एक्स-शोरूम) आहे. तुम्ही ही बाईक विविध रंगांच्या पर्यायांमध्ये खरेदी करू शकता; यातील Apex व्हेरिएंट लाल, काळ्या आणि हिरव्या रंगांमध्ये उपलब्ध आहे.

केवळ 49,999 रुपयांमध्ये Ola स्कूटर! पेट्रोल-डिझेल संकटात कंपनीचा मास्टरस्ट्रोक, ऑफर मर्यादित काळासाठी उपलब्ध