Auto News: Royal Enfield Classic 350 खरेदी करण्यापूर्वी 5 गोष्टी माहीत हव्याच, पैशाचा होईल पुरेपूर वापर

जर तुम्ही रॉयल एनफिल्ड क्लासिक 350 खरेदी करण्याचा विचार करत असाल, तर बाईकची वैशिष्ट्ये, फिचर्स आणि व्हेरिएंटचा तपशील समजून घेणे महत्त्वाचे आहे. याचे कारण व्हेरिएंटनुसार फिचर्समध्ये फरक असू शकतो

• रॉयल एनफिल्ड क्लासिक 350 चे काय आहे वैशिष्ट्य

• रॉयल एनफिल्ड क्लासिक 350 खरेदी करण्यापूर्वी काय लक्षात ठेवावे 

• रॉयल एनफिल्ड क्लासिक 350 ची किंमत काय आहे 

आपल्याकडे रॉयल एनफिल्ड असणं हे प्रत्येकाचं स्वप्नं असतं. विशेषतः मुलांसाठी बाईकचे वेड हे सर्वज्ञात आहे आणि त्यातही ती बाईक रॉयल एनफिल्ड असेल तर मग त्याची बाबच वेगळी. सध्या बाजारात आलेली रॉयल एनफिल्ड क्लासिक 350 ही खूपच चर्चेत आहे आणि तुम्हाला ही बाईक विकत घ्यायची असेल तर त्याआधी हा लेख तुम्ही नक्की वाचायला हवा. या लेखात ही बाईक घेण्यापूर्वी तुम्हाला काही गोष्टी जाणून घेण्याची गरज आहे आणि त्या गोष्टी आम्ही खास तुमच्या माहितीसाठी आणल्या आहेत. चला तर मग वाट कसली पाहताय? सुरू करूया महत्त्वाचे मुद्दे. 

काय आहे किंमत 

क्लासिक 350 च्या बेस व्हेरिएंटची किंमत ₹1.83 लाख आहे आणि टॉप-स्पेक एमराल्ड व्हर्जनसाठी ती अंदाजे ₹2.18 लाखांपर्यंत जाते. या किमती एक्स-शोरूम आहेत. क्लासिक 350 मध्ये 349cc, एअर-ऑइल-कूल्ड, सिंगल-सिलेंडर इंजिन आहे, जे 6,100 rpm वर 20.2 हॉर्सपॉवर आणि 4,000 rpm वर 27 Nm चा पीक टॉर्क निर्माण करते. याला फाईव्ह-स्पीड गिअरबॉक्स जोडलेला आहे.

नव्या लुकमध्ये, नव्या ताकदीसह! Royal Enfield ची अपकमिंग बाईक चर्चेत, कधी होणार लाँच?

कशी आहे रचना 

या मोटरसायकलमध्ये ट्विन डाउनट्यूब स्पाइन फ्रेमचा वापर केला आहे, जी मागील मॉडेलपेक्षा अधिक चांगली स्थिरता प्रदान करते. सस्पेंशनमध्ये टेलिस्कोपिक फ्रंट फोर्क्स आणि ट्विन रिअर शॉक ॲबसॉर्बर्सचा समावेश आहे. ही रचना शहरात आणि हायवेवर दोन्ही ठिकाणी आरामदायक प्रवासाची खात्री देते. व्हेरिएंटनुसार, सिंगल- आणि ड्युअल-चॅनल ABS दोन्ही उपलब्ध आहेत.

वेगवेगळ्या रंगात आहे ही बाईक 

क्लासिक 350 अनेक व्हेरिएंट्स आणि रंगांमध्ये उपलब्ध आहे, ज्यात एमराल्ड, हॅल्सियन ब्लॅक, रेडिच रेड, स्टेल्थ ब्लॅक, गन ग्रे, कमांडो सँड, मेडलियन ब्राँझ, मद्रास रेड आणि जोधपूर ब्लू यांचा समावेश आहे. या व्हेरिएंट्सनुसार फीचर्स वेगवेगळे आहेत. रॉयल एनफिल्ड क्लासिक 350 चे वेगवेगळे रंग हेच त्याचे वैशिष्ट्य आहे आणि या रंगामुळे त्यामध्ये एक वेगळा क्लासीनेस दिसून येत आहे. प्रचंड रॉयल दिसणारी ही बाईक तुमच्या ताफ्यात नक्कीच असायला हवी ही भावना नक्कीच तुमच्या मनात जागृत होईल. 

‘या’ तीन 350CC बाईकवर धडकते प्रत्येक तरुणाचे हृदय! मायलेज 40 किमी आणि बजेट फ्रेंडली किमतीची हमी

कसे आहेत फिचर्स 

सर्व व्हेरिएंट्समध्ये सेमी-डिजिटल इन्स्ट्रुमेंट क्लस्टर, ड्युअल-चॅनल एबीएस आणि डिस्क ब्रेक्स यांसारखी फीचर्स मिळतात. हायर व्हेरिएंट्समध्ये अलॉय व्हील्स, ट्यूबलेस टायर्स आणि ट्रिपर नॅव्हिगेशन पॉड यांसारखी फीचर्स मिळतात. काही ट्रिम्समध्ये एलईडी लायटिंग आणि विविध फिनिशचे पर्याय देखील समाविष्ट आहेत, ज्यामुळे खरेदीदारांना स्टाईल आणि फीचर्स या दोन्हींमध्ये निवड करण्याची संधी मिळते.

रॉयल एनफिल्ड क्लासिक 350 चे कर्ब वेट 190 किलोपेक्षा जास्त आहे, ज्यामुळे काही रायडर्सना ट्रॅफिकमध्ये गाडी चालवणे आव्हानात्मक वाटू शकते. तिची 805 मिमी सीटची उंची आणि आरामदायक एर्गोनॉमिक्समुळे ती अनेक रायडर्ससाठी आरामदायक ठरते. तिचा ग्राउंड क्लिअरन्स 170 मिमी आहे.