तुमच्या केसाला सुद्धा धक्का लागणार नाही! ‘या’ आहेत देशातील Safest CNG Car

भारतात आजही इलेक्ट्रिक वाहनांसोबतच CNG वाहनांना चांगली मागणी मिळते. मात्र, देशातील सर्वात स्वस्त आणि सुरक्षित सीएनजी कार कोणती? चला जाणून घेऊयात.

• सीएनजी कारला चांगली मागणी
• अशीच सीएनजी कार जिला मिळाली 5 स्टार रेटिंग
• जाणून घ्या टाटा पंच सीएनजीबद्दल

जर तुम्ही अशी कार शोधत असाल जी CNG वर चालते आणि सुरक्षिततेच्या दृष्टीनेही उत्तम आहे, तर Tata Punch CNG तुमच्यासाठी चांगला पर्याय ठरू शकतो. कमी किमतीत उच्च दर्जाची सुरक्षा देणारी ही कार या बजेटमध्ये क्वचितच पाहायला मिळते. विशेष म्हणजे आता ही कार 5-स्टार सेफ्टी रेटिंगसह उपलब्ध आहे.

Bharat NCAP च्या क्रॅश टेस्टमध्ये Tata Punch CNG ला पूर्ण 5-स्टार सेफ्टी रेटिंग मिळाली आहे. त्यामुळे ती भारतातील सर्वात किफायतशीर आणि सुरक्षित CNG कारपैकी एक ठरते. या कारमध्ये 1.2 लिटर पेट्रोल इंजिन दिले आहे, जे CNG सोबतही कार्य करते. CNG वर चालल्यामुळे इंधन खर्च पेट्रोलच्या तुलनेत कमी येतो, त्यामुळे रोजच्या वापरासाठी ही कार किफायतशीर ठरते. यामध्ये मॅन्युअल आणि AMT (ऑटोमॅटिक) ट्रान्समिशनचे पर्यायही उपलब्ध आहेत, ज्यामुळे ड्रायव्हिंग अधिक सोपे होते.

भारतातील कोणत्या शहरात कार खरेदी करणे एकदम स्वस्त? खरेदी करण्याआधी जाणून घ्या रोड टॅक्सच्या डिटेल

डिझाइन आणि फीचर्स

Tata Punch चे डिझाइन लहान SUV सारखे असून, यात उंच ग्राउंड क्लीयरन्स दिले आहे. कारमध्ये टचस्क्रीन, डिजिटल डिस्प्ले, कनेक्टेड कार टेक्नोलॉजी आणि इतर आधुनिक फीचर्स दिले आहेत, ज्यामुळे या बजेटमध्ये ती अधिक आकर्षक ठरते.

किंमत किती?

ही कार भारतात किफायतशीर रेंजमध्ये उपलब्ध आहे. तिची सुरुवातीची एक्स-शोरूम किंमत सुमारे 5 ते 6 लाख रुपयांपासून सुरू होते आणि वेगवेगळ्या व्हेरिएंटनुसार वाढते. त्यामुळे कमी बजेटमध्ये सुरक्षित, मजबूत आणि चांगला मायलेज देणारी CNG कार घेऊ इच्छिणाऱ्यांसाठी हा उत्तम पर्याय आहे.

खिशावर भर पडायचा काही थांबत नाही! Yamaha च्या ‘या’ Scooter ची किंमत ‘इतक्या’ रुपयांनी वाढवली

क्रॅश टेस्टमध्ये कशी ठरली?

क्रॅश टेस्टदरम्यान Tata Punch ची टक्कर एका ट्रकसोबत करण्यात आली. या जोरदार धडकेत गाडीच्या फक्त बोनट भागालाच नुकसान झाले, तर त्यामागील भाग पूर्णपणे सुरक्षित राहिला. टेस्टदरम्यान गाडीत बसवलेल्या डमी प्रवाशांनाही कोणतीही इजा झाली नाही, यावरून तिची मजबूत सुरक्षा स्पष्ट होते.