फक्त 3 मिनिटांत रिक्षाच बनेल स्कूटर! Hero कंपनीचं भन्नाट ‘इनोव्हेशन’; सरकारनेही दिला हिरवा सिग्नल

पेट्रोल आणि डिझेलच्या किमती वाढतच चालल्या आहेत. त्यामुळे वाढत्या किमतींमुळे आता लोक इलेक्ट्रिक वाहनांकडे वळत आहेत. या सगळ्या परिस्थितीमुळे Hero MotoCorp ने भारतात एक नवीन अनोखं 'इनोव्हेशन' आणलं आहे.

• Hero MotoCorp ने भारतात एक नवीन अनोखं ‘इनोव्हेशन’ आणलं
• देशातील पहिली 2-in-1 इलेक्ट्रिक गाडी असणार
• गाडी गरजेनुसार स्कूटर आणि कधी रिक्षा अशा दोन्ही स्वरूपात

Hero Surge S32 : पेट्रोल आणि डिझेलच्या किमती वाढतच चालल्या आहेत. त्यामुळे वाढत्या किमतींमुळे आता लोक इलेक्ट्रिक वाहनांकडे वळत आहेत. या सगळ्या परिस्थितीमुळे Hero MotoCorp ने भारतात एक नवीन अनोखं ‘इनोव्हेशन’ आणलं आहे. Hero Surge S32 असे या इलेक्ट्रिक वाहनाचे नाव आहे. हे देशातील पहिली 2-in-1 इलेक्ट्रिक गाडी असणार आहे. ही गाडी गरजेनुसार स्कूटर आणि कधी रिक्षा अशा दोन्ही स्वरूपात बदलता येणार आहे. यामुळे तुम्ही एकाच गाडीचा वापर वैयक्तिक कामासाठी आणि व्यावसायिक कमाईसाठी म्हणजे मालवाहतूक किंवा प्रवासी स्वरुपासाठी करू शकता. आणि या अनोख्या स्कीमला सरकारनेही ग्रीन सिग्नल दाखवला आहे.

जर कधी अचानक CNG Car चा पिकअप ढासळलाच तर सर्वात पहिले ‘हा’ पार्ट चेक करा, अन्यथा…

वेगवेगळ्या कामांसाठी ठरणार उपयुक्त

Hero Surge S32 चं सर्वात मोठं वैशिष्ट्य म्हणजे ही गाडी काही मिनिटांमध्ये वेगळ्या स्वरुपातून वेगळ्या स्वरुपात रुपांतरीत होऊ शकते. ही गाडी अवघ्या 3 मिनिटांत थ्री-व्हीलरमधून स्कूटर आणि स्कूटरमधून पुन्हा थ्री-व्हीलरमध्ये रूपांतरित करता येते. यामध्ये एक स्पेशल’मॉड्यूल’ दिलेलं आहे, ज्यामुळे याचा आकार बदलतो. हे मॉड्युल जोडून किंवा काढून याचा आकार बदलता येतो. विशेष म्हणजे, टू-व्हीलर आणि थ्री-व्हीलर अशा दोन्ही मोडमध्ये वेगळी मोटर आणि बॅटरी दिली गेली आहे, ज्यामुळे विविध कामांसाठी याचा पुरेपूर वापर करता येऊ शकतो.

See more

It is notable to see an Indian OEM taking a forward-looking approach and demonstrating India’s engineering capabilities on a global platform. Hero MotoCorp has introduced the Surge S32 electric vehicle—positioned as the world’s first category-swapping vehicle, capable of… pic.twitter.com/nL4JcOBAW1 — Nitin Gadkari (@nitin_gadkari) March 30, 2026

नितीन गडकरींकडून कौतुक

या मॉड्युलला केंद्र सरकारनेही हिरवा सिग्नल दिला आहे. रस्ते वाहतूक आणि महामार्ग मंत्री नितीन गडकरी यांनीही खास सोशल मीडिया प्लॅटफॉर्म ‘X’ वर पोस्ट शेअर केली आहे. आणि या मॉड्युलचं या उपक्रमाचं कौतुक केलं आहे.

किती वजन वाहून नेऊ शकते ही स्कूटर?

Hero Surge S32 हे वाहन प्रामुख्याने छोटे व्यापारी, डिलिव्हरी बॉईज आणि दैनंदिन कामे करणाऱ्यांसाठी अत्यंत उपयुक्त ठरणारं मॉड्युल आहे. थ्री-व्हीलर मोड यामध्ये ५०० किलोपर्यंत वजन वाहून नेण्याची क्षमता आहे. त्यामुळे इतकं वजन वाहून नेलं जाऊ शकतं. तर स्कूटर मोडमध्ये ट्रॅफिकमधून सहज प्रवास केला जाऊ शकतो. या इलेक्ट्रिक वाहनामध्ये काही खास फीचर्स दिले गेले आहेत. ज्यात एलईडी लाईट्स, डिजिटल डिस्प्ले आणि काही प्रगत सर्व्हिसेस यांसारखे आधुनिक फीचर्सचा समावेश होतो. या गाड्या पूर्णपणे इलेक्ट्रिक असल्याने यामुळे प्रदूषण होण्याचा कोणताच प्रश्न नाही. त्यामुळे या गाड्या पर्यावरणासाठीही अत्यंत पूरक आहेत.

कधी होणार लाँच?

कंपनी या गाड्या लवकरच भारतीय बाजारपेठेत लाँच करण्याच्या तयारीत आहे. एकंदरीत, Hero Surge S32 हे एक स्मार्ट इलेक्ट्रिक वाहन आहे. ज्यामुळे प्रवास तर होतोच सोबत कमाईचं उद्दिष्ट साध्य करण्यासाठी देखील ही गाडी मदत करते त्यामुळे भारतात तिच्या येण्याची वाट बऱ्याच उत्साहाने पाहिली जात आहे.

Duster, Creta की Kia Seltos, कोणती SUV एकतर्फी मार्केट गाजवते? जाणून घ्या सेफ्टी, टेक्नॉलॉजी आणि फीचर्स