एप्रिलिया SXR GT 175 आणि SXR GT 125 भारतात लाँचसाठी सज्ज; बुकिंग सुरू

एप्रिलियाची SXR स्कूटर भारतातून गायब झाल्यानंतर आता ती कोणत्या नव्या अवतारात परततेय? SXR GT 125 आणि SXR GT 175 या दोन्ही स्कूटरचे कव्हर हटवण्यात आले असून, लाँचपूर्वीच बुकिंग सुरू झाली आहे.

• एप्रिलियाने SXR GT 125 आणि SXR GT 175 स्कूटरचे कव्हर हटवून बुकिंग सुरू केली आहे.
• SXR GT 175 मध्ये 174.7 cc इंजिन असून, भारतासाठी अंतिम पॉवर आकडे अद्याप जाहीर झालेले नाहीत.
• दोन्ही मॉडेल्सना मिळून 6 कलर ऑप्शन असून, एरॉक्स 155 सारख्या स्कूटर्सशी स्पर्धा होणार आहे.

एप्रिलियाने भारतात आपल्या नवीन SXR GT 175 आणि SXR GT 125 स्कूटरवरून पडदा हटवला आहे. दोन्ही मॉडेल्स ऑक्टोबरमध्ये भारतीय मार्केटमध्ये लाँच होण्याची शक्यता असून, त्याआधीच देशभरात बुकिंग सुरू करण्यात आली आहे. SXR नावाने एप्रिलियाच्या स्कूटर लाइनअपमध्ये पुन्हा एन्ट्री केली आहे. यावेळी कंपनीने GT म्हणजेच Gran Turismo स्टाइलवर जास्त फोकस केला आहे.

नवीन SXR GT रेंजमध्ये डेली कम्यूटिंगसोबत लॉंग राइडिंग लक्षात घेऊन डिझाइन करण्यात आले आहे. मोठे फ्रंट फेअरिंग, एप्रिलियाची LED लाइटिंग, रुंद सीट, नवीन ग्राफिक्स आणि रीडिझाइन केलेला फुटबोर्ड हे याचे प्रमुख डिझाइन बदल आहेत. मागच्या SXR मॉडेल्सचा मॅक्सी-स्कूटर लूक कायम ठेवत नवीन मॉडेलला आणखी अद्ययावत रूप देण्यात आले आहे.

TVS Ntorq 150 ची किंमत आणि EMI किती? 150cc स्कूटर घेण्याआधी जाणून घ्या खर्च आणि माहिती

SXR GT 175 मध्ये दमदार इंजिन

SXR GT 175 हे या रेंजमधील प्रीमियम मॉडेल असेल. यात 174.7 cc सिंगल-सिलेंडर इंजिन मिळणार आहे. हे इंजिन एप्रिलिया SR 175 सोबत संबंधित असून, तिथे ते 13.26 hp पॉवर आणि 14.14 Nm टॉर्क तयार करते. पण भारतातील SXR GT 175 साठी अंतिम पॉवर आणि टॉर्क आकडे एप्रिलियाने अद्याप जाहीर केलेले नाहीत.

दुसरीकडे, SXR GT 125 मध्ये 125 cc क्लासचे इंजिन मिळेल. मागच्या SXR 125 मध्ये 124.45 cc इंजिन देण्यात आले होते, जे सुमारे 9.6 PS पॉवर तयार करत होते. नवीन GT व्हर्जनमध्ये इंजिन ट्युनिंगमध्ये बदल होण्याची शक्यता आहे.

BGauss C12 MaxR इलेक्ट्रिक स्कूटर लाँच; प्रीमियम सेगमेंटमध्ये किंमत ₹1.45 लाखांपासून सुरु

दोन्ही स्कूटरमध्ये 6 कलर ऑप्शन

SXR GT 125 तीन रंगांमध्ये येणार आहे. यात Matte Black, Glossy Azzurro आणि Glossy White यांचा समावेश आहे. SXR GT 175 साठी Metallic Blue, Matte Black आणि Matte Green हे ऑप्शन मिळतील. म्हणजेच दोन्ही मॉडेल्ससाठी मिळून एकूण 6 कलर ऑप्शन असतील.

मागच्या SXR 125 आणि SXR 160 मध्ये 12-इंच व्हील्स, 220 mm फ्रंट डिस्क, टेलिस्कोपिक फ्रंट सस्पेंशन, डिजिटल इन्स्ट्रुमेंटेशन, LED लाइटिंग आणि USB चार्जिंग यांसारखी फीचर्स होती. नवीन SXR GT 175 मध्ये यातील काही फीचर्स कायम राहण्याची शक्यता आहे. लाँचनंतर ही स्कूटर यामाहा एरॉक्स 155, हिरो झूम 160 आणि होंडा ADV 160 यांसारख्या मॉडेल्सशी स्पर्धा करेल.